'സര്‍ക്കാര്‍ ഉദ്യോഗസ്ഥര്‍ മലയാള ഭാഷ പ്രചാരകരാകണം'

കൊല്ലം: മലയാള ഭാഷയുടെ പ്രചാരകരായി സര്‍ക്കാര്‍ ഉദ്യോഗസ്ഥര്‍ മാറണമെന്ന് എഴുത്തുകാരന്‍ സലിന്‍ മാങ്കുഴി. കേരളപ്പിറവി ദിനത്തോടനുബന്ധിച്ച് ജില്ല ഭരണകൂടവും ജില്ല ഇന്‍ഫര്‍മേഷന്‍ ഓഫിസും ചേർന്ന് നടത്തിയ ഭരണഭാഷ വാരാഘോഷത്തിന്റെ ജില്ലതല ഉദ്ഘാടനം നിര്‍വഹിക്കുകയായിരുന്നു അദ്ദേഹം.

ഡെപ്യൂട്ടി കലക്ടര്‍ എഫ്. റോയ്കുമാര്‍ അധ്യക്ഷത വഹിച്ചു. സബ് കലക്ടര്‍ മുകുന്ദ് ഠാക്കൂര്‍ മലയാളദിന സന്ദേശം നല്‍കി. ജില്ല ഇന്‍ഫര്‍മേഷന്‍ ഓഫിസര്‍ സി.എഫ്. ദിലീപ് കുമാര്‍, ഡെപ്യൂട്ടി കലക്ടര്‍ ജി. നിര്‍മല്‍കുമാര്‍, ലോ ഓഫിസര്‍ സോണി ഗോപിനാഥ്, ഫിനാന്‍സ് ഓഫിസർ ശ്രീജ എന്നിവർ സംസാരിച്ചു.