നഗരത്തിൽ കുന്നുകൂടി മാലിന്യം; നീക്കാൻ നടപടിയില്ല

കൊ​ല്ലം: ന​ഗ​ര​ഹൃ​ദ​യ​മാ​യ ചി​ന്ന​ക്ക​ട​യി​ൽ റെ​യി​ൽ​വെ ഭൂ​മി​യി​ലെ മാ​ലി​ന്യ​ത്തി​ന്‍റെ അ​ള​വ്​ കൂ​ടു​മ്പോ​ഴും നീ​ക്കാ​ൻ ന​ട​പ​ടി​യി​ല്ല. ചി​ന്ന​ക്ക​ട​യി​ലാ​കെ ദു​ർ​ഗ​ന്ധം പ​ര​ത്തു​ന്ന​വി​ധം മാ​ലി​ന്യം വ്യാ​പി​ക്കു​ന്ന സാ​ഹ​ച​ര്യ​മാ​ണ്. റെ​യി​ൽ​വേ​യു​ടെ ഭൂ​മി​യി​യാ​തി​നാ​ൽ കോ​ർ​പ​റേ​ഷ​നും ഈ ​ഭാ​ഗ​ത്തെ മാ​ലി​ന്യം ഒ​ഴി​വാ​ക്കാ​ൻ താ​ൽ​പ​ര്യം കാ​ട്ടു​ന്നി​ല്ല.

മാ​സ​ങ്ങ​ൾ​ക്ക്​ മു​മ്പ്​ റെ​യി​ൽ​വേ സ്​​റ്റേ​ഷ​നി​ലെ വി​വി​ധ നി​ർ​മാ​ണ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി നീ​ക്കി​യ മ​ണ്ണ്​ മാ​ലി​ന്യം കു​ന്നു​കൂ​ടി​യ ഭാ​ഗ​ത്തി​ട്ട്​ മൂ​ടി​യി​രു​ന്നു. വീ​ണ്ടും ഇ​വി​ടെ മാ​ലി​ന്യം ത​ള്ളു​ന്ന​ത്​ തു​ട​ർ​ന്ന​തി​നാ​ൽ പ്ര​യോ​ജ​ന​മു​ണ്ടാ​യി​ല്ല. ചി​ന്ന​ക്ക​ട ഭാ​ഗ​ത്തെ ക​ട​ക​ളി​ൽ നി​ന്നു​ള്ള മാ​ലി​ന്യ​ങ്ങ​ൾ​ക്ക്​ പു​റ​മേ വ​ഴി​യാ​ത്ര​ക്കാ​രും പ്ലാ​സ്​​റ്റി​ക്​ കു​പ്പി​ക​ൾ, ക​വ​റു​ക​ൾ, ഭ​ക്ഷ​ണാ​വാ​ശി​ഷ്ടം എ​ന്നി​വ ഇ​വി​ടെ ത​ള്ളു​ന്നു.

വ​ലി​യ ചാ​ക്കു​ക​ളി​ൽ മ​റ്റി​ട​ങ്ങ​ളി​ൽ​ൽ നി​ന്ന് മാ​ലി​ന്യം ​കൊ​ണ്ടു​വ​ന്ന്​ നി​ക്ഷേ​പി​ക്കു​ന്ന​തും പ​തി​വാ​ണ്. ത​ദ്ദേ​ശ​സ്വ​യം ഭ​ര​ണ വ​കു​പ്പ്​ ശു​ചി​ത്വ ന​ഗ​ര​മ​ട​ക്ക​മു​ള്ള പ​ദ്ധ​തി​ക​ൾ ആ​വി​ഷ്ക​രി​ച്ച്​ ന​ട​പ്പാ​ക്കു​​ന്നു​ണ്ട്. കൊ​ല്ലം ന​ഗ​ര​ത്തി​ലെ പ്ര​ധാ​ന സ്​​ഥ​ല​ങ്ങ​ളി​ൽ പോ​ലും മാ​ലി​ന്യം വ​ലി​ച്ചെ​റി​യു​ന്ന സ്​​ഥി​തി​യാ​ണ്. രാ​ത്രി​യി​ൽ പൊ​തു​യി​ട​ങ്ങ​ളി​ൽ അ​റ​വു​ശാ​ല മാ​ലി​ന്യ​ങ്ങ​ള​ട​ക്കം ത​ള്ളു​ന്ന​ത്​ ത​ട​യാ​ൻ കാ​ര്യ​ക്ഷ​മ​മാ​യ പ​രി​ശോ​ധ​ന​ക​ൾ ന​ട​ക്കു​ന്നു​മി​ല്ല. മാ​ലി​ന്യം ഉ​റ​വി​ട​ങ്ങ​ളി​ൽ സം​സ്​​ക​രി​ക്കു​ന്ന​ത​ട​ക്ക​മു​ള്ള പ​ദ്ധ​തി​ക​ൾ ല​ക്ഷ്യം കാ​ണാ​ത്ത സ്ഥി​തി​യും നി​ല​നി​ൽ​ക്കു​ന്നു.