മത്സ്യ കൃഷിയുടെ മറവിൽ വയൽ നികത്തുന്നു

കൊ​ട്ടി​യം: മ​ത്സ്യ കൃ​ഷി​യു​ടെ മ​റ​വി​ൽ ആ​ദി​ച്ച​ന​ല്ലൂ​രി​ൽ വ​യ​ൽ നി​ക​ത്തു​ന്ന​താ​യി പ​രാ​തി. പ​ഞ്ചാ​യ​ത്തി​ലെ നാ​ല്, അ​ഞ്ച്, 11 വാ​ർ​ഡു​ക​ൾ കേ​ന്ദ്രീ​ക​രി​ച്ച് സ്ഥി​തി​ചെ​യ്യു​ന്ന ആ​ദി​ച്ച​ന​ല്ലൂ​ർ ഏ​ല​യി​ലെ കി​ഴ​ക്ക് ഭാ​ഗ​മാ​ണ്​ (പെ​രു​മാ​ൾ​ക്കു​ന്ന് ക്ഷേ​ത്ര​ത്തി​ന് താ​ഴ്ഭാ​ഗം) സ്വ​കാ​ര്യ വ്യ​ക്തി മ​ത്സ്യ​കൃ​ഷി​യു​ടെ മ​റ​വി​ൽ നി​ക​ത്തു​ന്ന​ത്.

നി​ല​വി​ൽ പ​ഞ്ചാ​യ​ത്തി​ൽ നെ​ൽ​കൃ​ഷി ചെ​യ്യു​ന്ന ചു​രു​ക്കം ചി​ല​തി​ൽ ഒ​ന്നാ​ണ് ഈ ​പാ​ട​ശേ​ഖ​രം. ഇ​വി​ടെ​നി​ന്നും കൃ​ഷി ചെ​യ്യു​ന്ന നെ​ല്ല് സി​വി​ൽ സ​പ്ലൈ​സ്​ വ​കു​പ്പി​ന്​ കൈ​മാ​റി​കൊ​ണ്ടി​രി​ക്കു​ക​യാ​ണ്. ഇ​ത്ത​ര​ത്തി​ൽ നി​ക​ത്ത​ൽ തു​ട​ർ​ന്നാ​ൽ വ​രും​ദി​വ​സ​ങ്ങ​ളി​ൽ കൂ​ടു​ത​ൽ ഭാ​ഗ​ങ്ങ​ൾ നി​ക​ത്താ​ൻ സാ​ധ്യ​ത​യു​ണ്ടെ​ന്ന് ക​ർ​ഷ​ക​ർ പ​റ​യു​ന്നു. വ​യ​ലി​നോ​ട് ചേ​ർ​ന്ന് സ്ഥി​തി ചെ​യ്യു​ന്ന ഇ​റി​ഗേ​ഷ​ൻ തോ​ടി​നോ​ട് ചേ​ർ​ന്ന് മു​ള്ളു​വേ​ലി കെ​ട്ടി മ​റ​ച്ചി​ട്ടു​ണ്ട്. ഇ​തു​മൂ​ലം ക​ർ​ഷ​ക​ർ​ക്ക് അ​വ​രു​ടെ വ​യ​ലി​ലേ​ക്ക് വി​ത്ത്, വ​ള​ങ്ങ​ൾ മ​റ്റ് കൃ​ഷി ആ​വ​ശ്യ​ത്തി​നു​ള്ള സാ​ധ​ന​ങ്ങ​ൾ കൊ​ണ്ടു​പോ​കാ​ൻ ബു​ദ്ധി​മു​ട്ടു​ണ്ട്.

ഈ ​ഭാ​ഗ​ത്ത് കൂ​ടി​യാ​ണ് കൃ​ഷി സ​മ​യ​ങ്ങ​ളി​ൽ കൊ​യ്ത്തു മി​ഷ​ൻ കൊ​ണ്ടു പോ​കു​ന്ന​ത്. മു​ള്ളു​വേ​ലി കെ​ട്ടി അ​ട​ച്ച​തി​നാ​ൽ ഇ​തും ബു​ദ്ധി​മു​ട്ടി​രി​ക്കു​ക​യാ​ണ്. മു​ള്ളു​വേ​ലി മാ​റ്റി വ​യ​ൽ നി​ക​ത്തു​ന്ന​ത് അ​വ​സാ​നി​പ്പി​ക്ക​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ടു​ന്നു. ഇ​തു​സം​ബ​ന്ധി​ച്ച്​ വി​ല്ലേ​ജ് ഓ​ഫി​സി​ലും കൃ​ഷി ഓ​ഫി​സി​ലും ക​ർ​ഷ​ക​സം​ഘം, ക​ർ​ഷ​ക തൊ​ഴി​ലാ​ളി യൂ​നി​യ​ൻ, പാ​ട​ശേ​ഖ​ര​സ​മി​തി തു​ട​ങ്ങി​യ സം​ഘ​ട​ന​ക​ൾ പ​രാ​തി ന​ൽ​കി​യി​ട്ടു​ണ്ട്.