പനി വ്യാപകം: തെ​ക്ക​ൻ ജി​ല്ല​ക​ളി​ൽ ഡെ​ങ്കി​പ്പ​നി ബാ​ധി​ത​ർ, കൂ​ടു​ത​ൽ കൊ​ല്ല​ത്ത്​

കൊ​ല്ലം: ജി​ല്ല​യി​ൽ പ​നി ബാ​ധി​ത​രു​ടെ എ​ണ്ണം ഉ​യ​രു​ന്നു. ക​ഴി​ഞ്ഞ ഒ​രാ​ഴ്ച​ക്കി​ടെ പ​നി ബാ​ധി​ച്ച്​ സ​ർ​ക്കാ​ർ-​സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ തേ​ടു​ന്ന​വ​രു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​യു​ണ്ടാ​യി. മി​ക്ക ആ​ശു​പ​ത്രി​ക​ളി​ലും പ​നി​ബാ​ധി​ത​രാ​ണ്​ ഐ.​പി വി​ഭാ​ഗ​ത്തി​ലു​ള്ള​വ​രി​ൽ അ​ധി​ക​വും. മ​ല​യോ​ര മേ​ഖ​ല​യി​ല​ട​ക്കം വി​വി​ധ​യി​നം പ​നി പ​ട​രു​ന്ന സാ​ഹ​ച​ര്യ​മാ​ണ്. ക​ഴി​ഞ്ഞ ദി​വ​സം സ​ർ​ക്കാ​ർ ആ​ശു​പ​ത്രി​ക​ളി​ലെ ഒ.​പി വി​ഭാ​ഗ​ത്തി​ൽ മാ​ത്രം 778 പേ​ർ ചി​കി​ത്സ​തേ​ടി. 10​ പേ​ർ ഐ.​പി വി​ഭാ​ഗ​ത്തി​ൽ ചി​കി​ത്സ​യി​ലു​ണ്ട്.

ഡെ​ങ്കി​പ്പ​നി ബാ​ധി​ച്ച്​ ചി​കി​ത്സ​ക്കെ​ത്തു​ന്ന​വ​രു​ടെ എ​ണ്ണ​വും ക​ഴി​ഞ്ഞ ദി​വ​സ​ങ്ങ​ളി​ൽ കൂ​ടി​യ​താ​യി ക​ണ​ക്കു​ക​ൾ സൂ​ചി​പ്പി​ക്കു​ന്നു. ക​ഴി​ഞ്ഞ ദി​വ​സം 12 പേ​ർ​ക്കാ​ണ്​ ജി​ല്ല​യി​ൽ ഡെ​ങ്കി സ്ഥി​രീ​ക​രി​ച്ച​ത്. 42 പേ​ർ രോ​ഗ​ല​ക്ഷ​ണ​ങ്ങ​ളോ​ടെ ചി​കി​ത്സ​യി​ലാ​ണ്. ഇ​വ​രു​ടെ പ​രി​ശോ​ധ​ന ഫ​ലം ബു​ധ​നാ​ഴ്ച​ ല​ഭ്യ​മാ​വും.

തെ​ക്ക​ൻ ജി​ല്ല​ക​ളി​ൽ ക​ഴി​ഞ്ഞ ദി​വ​സം ഡെ​ങ്കി​പ്പ​നി ബാ​ധി​ത​ർ കൂ​ടു​ത​ൽ ചി​കി​ത്സ​തേ​ടി​യ​ത്​ കൊ​ല്ല​ത്താ​ണ്. ഡെ​ങ്കി സം​ശ​യി​ക്കു​ന്ന​വ​രു​ടെ എ​ണ്ണ​വും മ​റ്റ്​ ജി​ല്ല​ക​ളെ അ​പേ​ക്ഷി​ച്ച്​ കൊ​ല്ല​ത്ത്​ ഉ​യ​ർ​ന്ന​നി​ല​യി​ലാ​ണെ​ന്ന്​ ​ ആ​രോ​ഗ്യ​വ​കു​പ്പി​ന്‍റെ ക​ണ​ക്കു​ക​ൾ വ്യ​ക്ത​മാ​ക്കു​ന്നു.

ച​ട​യ​മം​ഗ​ലം, എ​ഴു​കോ​ൺ, പ​വി​ത്രേ​ശ്വ​രം, ക​ട​യ്ക്ക​ൽ, കൊ​ട്ടാ​ര​ക്ക​ര, കു​ള​ത്തൂ​പ്പു​ഴ, പൊ​ഴി​ക്ക​ര, ശൂ​ര​നാ​ട്, ത​ല​ച്ചി​റ, വെ​ളി​യം, വി​ള​ക്കു​ടി എ​ന്നി​വി​ട​ങ്ങ​ളി​ലാ​ണ് ഡെ​ങ്കി​പ്പ​നി കേ​സു​ക​ൾ ക​ഴി​ഞ്ഞ ദി​വ​സം റി​പ്പോ​ർ​ട്ട്​ ചെ​യ്ത​ത്. ഇ​വി​ട​ങ്ങ​ളി​ൽ പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ ശ​ക്ത​മാ​ക്കാ​ൻ ആ​രോ​ഗ്യ​വ​കു​പ്പ്​ നി​ർ​ദേ​ശം ന​ൽ​കി​യി​ട്ടു​ണ്ട്. ​

അ​തേ​സ​മ​യം, പ​നി​യ​ട​ക്കം പ​ക​ർ​ച്ച​വ്യാ​ധി​ക​ൾ പ​ട​രു​ന്ന സാ​ഹ​ച​ര്യം നി​ല​നി​ൽ​ക്കെ മി​ക്ക ത​​ദ്ദേ​ശ​സ്ഥാ​പ​ന​ങ്ങ​ളും മാ​ലി​ന്യ​നി​ർ​മാ​ർ​ജ​നം, കൊ​തു​കു​ന​ശീ​ക​ര​ണം എ​ന്നി​വ​യി​ൽ വേ​ണ്ട​ത്ര ജാ​ഗ്ര​ത​പു​ല​ർ​ത്തു​ന്നി​ല്ലെ​ന്ന ആ​ക്ഷേ​പം നി​ല​നി​ൽ​ക്കു​ന്നു.

പ​നി​ബാ​ധി​ത​ർ കൂ​ടു​ത​ലാ​യു​ള്ള മേ​ഖ​ല​ക​ളി​ൽ ഇ​പ്പോ​ൾ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നു​ണ്ട്. ഏ​ന്നാ​ൽ, പ​ഞ്ചാ​യ​ത്തു​ക​ളി​ൽ എ​ല്ലാ വാ​ർ​ഡു​ക​ളി​ലും പൂ​ർ​ണ​തോ​തി​ൽ ശു​ചീ​ക​ര​ണ-​കൊ​തു​കു​നി​ർ​മാ​ർ​ജ​ന പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നി​ല്ല. ന​ഗ​ര​ങ്ങ​ളി​ല​ട​ക്കം മ​ഴ​ക്കാ​ല​പൂ​ർ​വ ശു​ചീ​ക​ര​ണ​വും ഉ​റ​വി​ട​ത്തി​ലെ മാ​ലി​ന്യ​നി​ർ​മാ​ജ​ന​വും കാ​ര്യ​ക്ഷ​മ​മാ​യി ന​ട​ക്കാ​ത്ത​താ​ണ്​ പ്ര​ശ്​​ന​മാ​വു​ന്ന​തെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു.

എച്ച് 1 എന്‍1; കര്‍ശന ജാഗ്രത പാലിക്കണം

കൊ​ല്ലം: ജി​ല്ല​യി​ല്‍ എ​ച്ച്1 എ​ന്‍1 പ​നി റി​പ്പോ​ര്‍ട്ട് ചെ​യ്യു​ന്ന സാ​ഹ​ച​ര്യ​ത്തി​ല്‍ രോ​ഗ​ല​ക്ഷ​ണ​ങ്ങ​ള്‍ ക​ണ്ടാ​ല്‍ ജാ​ഗ്ര​ത പാ​ലി​ക്ക​ണ​മെ​ന്നും യ​ഥാ​സ​മ​യം ചി​കി​ത്സ തേ​ട​ണ​മെ​ന്നും ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ.​കെ.​എ​സ്. ഷി​നു അ​റി​യി​ച്ചു. എ​ച്ച്1​എ​ന്‍1 ഇ​ന്‍ഫ്ലു​വ​ന്‍സ വാ​യു​വി​ലൂ​ടെ പ​ക​രു​ന്ന വൈ​റ​സ് രോ​ഗ​മാ​ണ്. പ​നി, ചു​മ, ത​ല​വേ​ദ​ന, പേ​ശീ​വേ​ദ​ന, സ​ന്ധി​വേ​ദ​ന, തൊ​ണ്ട​വേ​ദ​ന, മൂ​ക്കൊ​ലി​പ്പ്, ജ​ല​ദോ​ഷം, വി​റ​യ​ല്‍, ക്ഷീ​ണം, ശ്വാ​സം​മു​ട്ട​ല്‍ എ​ന്നി​വ​യാ​ണ് സാ​ധാ​ര​ണ രോ​ഗ​ല​ക്ഷ​ണ​ങ്ങ​ള്‍. ചി​ല​രി​ല്‍ ഛര്‍ദി​യും വ​യ​റി​ള​ക്ക​വും ഉ​ണ്ടാ​കും.

സാ​ധാ​ര​ണ​ക്കാ​രി​ല്‍ രോ​ഗ​ല​ക്ഷ​ണ​ങ്ങ​ള്‍ ഒ​ന്നു​മു​ത​ല്‍ ര​ണ്ടാ​ഴ്ച​ക്ക​കം കു​റ​യു​മെ​ങ്കി​ലും ഗ​ര്‍ഭി​ണി​ക​ള്‍, പ്ര​സ​വം ക​ഴി​ഞ്ഞ് ര​ണ്ടാ​ഴ്ച​ക്കു​ള്ളി​ലു​ള്ള അ​മ്മ​മാ​ര്‍, ര​ണ്ട്​ വ​യ​സി​നു താ​ഴെ​യു​ള്ള കു​ഞ്ഞു​ങ്ങ​ൾ, മു​തി​ര്‍ന്ന​വ​ര്‍, മ​റ്റു ഗു​രു​ത​ര​രോ​ഗ​ങ്ങ​ളു​ള്ള​വ​ര്‍ എ​ന്നി​വ​ർ കൃ​ത്യ​മാ​യി ചി​കി​ത്സ തേ​ടി​യി​ല്ലെ​ങ്കി​ല്‍ ഗു​രു​ത​ര​മാ​വു​ക​യും മ​ര​ണ​കാ​ര​ണ​മാ​വു​ക​യും ചെ​യ്യാം. ഈ ​വി​ഭാ​ഗ​ങ്ങ​ളി​ലു​ള്ള​വ​ര്‍ പ​നി​ബാ​ധി​ച്ചാ​ല്‍ ഉ​ട​നെ വി​ദ​ഗ്ധ ചി​കി​ത്സ തേ​ടാ​ന്‍ പ്ര​ത്യേ​കം ശ്ര​ദ്ധി​ക്കു​ക.

എ​ച്ച്1 എ​ന്‍1 ഇ​ന്‍ഫ്ലു​വ​ന്‍സ​ക്ക്​ ഫ​ല​പ്ര​ദ​മാ​യ ഒ​സ​ല്‍ട്ട​മാ​വി​ര്‍ ഗു​ളി​ക എ​ല്ലാ സ​ര്‍ക്കാ​ര്‍ ആ​രോ​ഗ്യ​കേ​ന്ദ്ര​ങ്ങ​ളി​ലും സൗ​ജ​ന്യ​മാ​യി ല​ഭി​ക്കും. രോ​ഗ​പ്ര​തി​രോ​ധ പ്ര​വ​ര്‍ത്ത​ന​ങ്ങ​ളു​ടെ ഭാ​ഗ​മാ​യി പ​നി​നീ​രീ​ക്ഷ​ണം ശ​ക്ത​മാ​ക്കാ​നും എ​ച്ച്1​എ​ന്‍1 ചി​കി​ത്സ മാ​ന​ദ​ണ്ഡ​ങ്ങ​ള്‍ പാ​ലി​ക്കു​ന്ന​തി​നും സ്വ​കാ​ര്യ ആ​ശു​പ​ത്രി​ക​ള്‍ ഉ​ള്‍പ്പെ​ടെ​യു​ള്ള എ​ല്ലാ ആ​രോ​ഗ്യ സ്ഥാ​പ​ന​ങ്ങ​ള്‍ക്കും നി​ര്‍ദേ​ശം ന​ല്‍കി​യി​ട്ടു​ണ്ട്.

ശ്ര​ദ്ധി​ക്കാം

• രോ​ഗ​ല​ക്ഷ​ണ​ങ്ങ​ളു​ള്ള​വ​ര്‍ വീ​ടി​നു​ള്ളി​ല്‍ ക​ഴി​യു​ക, പൂ​ര്‍ണ വി​ശ്ര​മ​മെ​ടു​ക്കു​ക, സ്‌​കൂ​ള്‍, ഓ​ഫി​സ് തു​ട​ങ്ങി​യ സ്ഥ​ല​ങ്ങ​ളി​ല്‍ നി​ന്ന് വി​ട്ടു നി​ല്‍ക്കു​ക.
• ചെ​റി​യ കു​ട്ടി​ക​ളി​ല്‍ പ​നി, ഛര്‍ദി, അ​പ​സ്മാ​ര​ല​ക്ഷ​ണ​ങ്ങ​ള്‍ ക​ണ്ടാ​ല്‍ ഉ​ട​നെ ചി​കി​ത്സ തേ​ട​ണം.
• പ​നി​ബാ​ധി​ത​ര്‍ വീ​ട്ടി​ലും പൊ​തു​സ്ഥ​ല​ങ്ങ​ളി​ലും മാ​സ്‌​ക് ഉ​പ​യോ​ഗി​ക്കാ​നും ഇ​ട​ക്കി​ടെ സോ​പ്പു​പ​യോ​ഗി​ച്ച് കൈ ​ക​ഴു​കാ​നും മ​റ്റു​ള്ള​വ​രി​ല്‍നി​ന്ന് അ​ക​ലം പാ​ലി​ക്കാ​നും ശ്ര​ദ്ധി​ക്ക​ണം.
• രോ​ഗ​ശ​മ​ന​ത്തി​ന് ഇ​ളം ചൂ​ടു​ള്ള​തും പോ​ഷ​ക​ഗു​ണ​മു​ള്ള​തു​മാ​യ പാ​നീ​യ​ങ്ങ​ള്‍ കു​ടി​ക്കു​ക. പോ​ഷ​കാ​ഹാ​രം ക​ഴി​ക്കു​ക.
• പ​നി പ​ല രോ​ഗ​ങ്ങ​ളു​ടെ​യും ല​ക്ഷ​ണ​മാ​യ​തി​നാ​ല്‍ സ്വ​യം ചി​കി​ത്സ ഒ​ഴി​വാ​ക്കി ആ​രോ​ഗ്യ കേ​ന്ദ്ര​ത്തി​ല്‍ ചി​കി​ത്സ തേ​ട​ണം.