ഇടിഞ്ഞിറങ്ങുന്നത്​ രാജന്‍റെ സ്വപ്നമാണ്

കൊ​ല്ലം: ന​ഗ​ര​ത്തി​ലെ ക​ച്ച​വ​ട​ക്കാ​ർ​ക്ക്​ ന​ഷ്​​ട​ക്ക​ണ​ക്കാ​യി മാ​റി​യ ക​ല്ലു​പാ​ലം നി​ർ​മാ​ണം ന​ൽ​കി​യ തി​രി​ച്ച​ടി​യി​ൽ നി​ന്ന്​ ഒ​രാ​യി​രം സ്വ​പ്​​ന​ങ്ങ​ളു​ടെ കൈ​പി​ടി​ച്ച്​ ക​ര​ക​യ​റാ​നു​ള്ള ശ്ര​മ​ങ്ങ​ൾ​ക്കി​ട​യി​ലാ​യി​രു​ന്നു രാ​ജ​ൻ. എ​ന്നാ​ൽ, കൊ​ല്ലം തോ​ടി​ന്‍റെ സം​ര​ക്ഷ​ണ​ഭി​ത്തി നി​ർ​മാ​ണം തു​ട​ങ്ങി​യ​തോ​ടെ ആ ​സ്വ​പ്ന​ങ്ങ​ളെ​ല്ലാം ഇ​ടി​ഞ്ഞി​റ​ങ്ങു​ന്ന​ത്​ ക​ണ്ട്​ നി​സ​ഹാ​യ​നാ​യി നി​ൽ​ക്കാ​നെ ഈ ​വ്യാ​പാ​രി​ക്ക്​ ക​ഴി​യു​ന്നു​ള്ളു.

കൊ​ല്ലം തോ​ടി​ന്​ കു​റു​കെ​യു​ള്ള ക​ല്ലു​പാ​ല​ത്തി​ന് തൊ​ട്ട​ടു​ത്താ​യി രാ​ജ​ൻ ഫ്ല​വ​ർ മാ​ർ​ട്ട്​ ആ​ൻ​ഡ്​ ല​ക്കി സെ​ന്‍റ​ർ ന​ട​ത്തു​ന്ന അ​ദ്ദേ​ഹ​ത്തി​ന്​ ര​ണ്ട്​ മാ​സ​ത്തോ​ള​മാ​യി ഉ​റ​ക്ക​മി​ല്ലാ​ത്ത രാ​ത്രി​ക​ളാ​ണ്. നേ​രം പു​ല​ർ​ന്ന്​ എ​ത്തു​മ്പോ​ൾ ത​ന്‍റെ ക​ട ഇ​ടി​ഞ്ഞു​വീ​ഴാ​തെ ബാ​ക്കി​യു​ണ്ടാ​കു​മോ എ​ന്ന ആ​ശ​ങ്ക​യി​ൽ ദി​ന​വും ക​ഴി​ച്ചു​കൂ​ട്ടു​ക​യാ​ണ്​ ഹൃ​ദ്​​രോ​ഗി​കൂ​ടി​യാ​യ രാ​ജ​ൻ.

കൊ​ല്ലം തോ​ടി​ന്‍റെ സം​ര​ക്ഷ​ണ​ഭി​ത്തി നി​ർ​മാ​ണ​ത്തി​ന്​ മ​ണ്ണെ​ടു​ത്ത​തോ​ടെ​യാ​ണ്​ തോ​ട്ടി​ന്‍റെ ക​ര​യോ​ട്​ ചേ​ർ​ന്നി​രി​ക്കു​ന്ന രാ​ജ​ന്‍റെ ക​ട​യു​ൾ​പ്പെ​ടെ കെ​ട്ടി​ട​ങ്ങ​ളു​ടെ അ​ടി​സ്ഥാ​നം ബ​ല​ക്ഷ​യ​മു​ണ്ടാ​യി ഭി​ത്തി​യും ത​റ​യു​മു​ൾ​പ്പെ​ടെ ഇ​ടി​ഞ്ഞ​ത്. ദു​ർ​ബ​ല​മാ​യ അ​ടി​ത്ത​റ​യും ഇ​ള​കി​മാ​റി​യ ഭി​ത്തി​യു​മാ​യി നി​ൽ​ക്കു​ന്ന ക​ട ഏ​തു​നി​മി​ഷ​വും ത​ക​ർ​ന്നു​വീ​ഴാ​വു​ന്ന നി​ല​യി​ലാ​യ​തോ​ടെ ക​ച്ച​വ​ട​വും നി​ല​ച്ചു.

ക​ഴി​ഞ്ഞ ദി​വ​സം പെ​യ്ത മ​ഴ​യി​ൽ മ​ണ്ണ്​ കൂ​ടു​ത​ൽ ഇ​ടി​ഞ്ഞ​തോ​ടെ ക​ട പൂ​ർ​ണ​മാ​യും ത​ക​ർ​ന്ന്​ ക​ടു​ത്ത പ്ര​തി​സ​ന്ധി​യാ​ണ്​​നേ​രി​ടു​ന്ന​ത്. സാ​മ്പ​ത്തി​ക​മാ​യി ക​ഷ്ട​ത​യി​ലു​ള്ള രാ​ജ​ന്​ ക​ട പു​ന​ർ​നി​ർ​മി​ക്കാ​ൻ യാ​തൊ​രു മാ​ർ​ഗ​വു​മി​ല്ല.

രാ​ജ​ന്‍റെ പി​താ​വ്​ ശ്രീ​ധ​ര​ൻ 1945 മു​ത​ൽ ഇ​വി​ടെ ക​ട ന​ട​ത്തി​യി​രു​ന്നു. സ്വ​ന്ത​മാ​യി വാ​ങ്ങി​യ സ്ഥ​ല​ത്ത്​ പി​താ​വി​ന്‍റെ പാ​ത പി​ന്തു​ട​ർ​ന്ന്​ ക​ച്ച​വ​ടം​ന​ട​ത്തി​വ​ര​വെ ക​ല്ലു​പാ​ലം നി​ർ​മാ​ണം ന​ട​ന്ന കാ​ല​ത്ത്​ ക​ച്ച​വ​ടം ന​ഷ്ട​മാ​യി ദു​രി​ത​ത്തി​ലാ​യി.

തു​ട​ർ​ന്ന്​​ പാ​ലം ഉ​ദ്​​ഘാ​ട​ന​ത്തി​ന്​ ശേ​ഷം ക്വ​യി​ലോ​ൺ ഡി​സ്​​ട്രി​ക്​ റീ​ട്ടെ​യി​ൽ മ​ർ​ച്ച​ന്‍റ്​​സ്​ അ​സോ​സി​യേ​ഷ​ന്‍റെ ആ​ഭി​മു​ഖ്യ​ത്തി​ൽ ത​ക​ർ​ന്ന ക​ട പു​ന​നി​ർ​മി​ച്ച്​ ന​ൽ​കി വീ​ണ്ടും ക​ച്ച​വ​ട​ത്തി​ന്​ വ​ഴി തു​റ​ക്കു​ക​യാ​യി​രു​ന്നു. ക​ട പു​ന​ർ​നി​ർ​മി​ച്ച്​ ന​ൽ​കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ക്വ​യി​ലോ​ൺ ഡി​സ്​​ട്രി​ക്​ റീ​ട്ടെ​യി​ൽ മ​ർ​ച്ച​ന്‍റ്​​സ്​ അ​സോ​സി​യേ​ഷ​ൻ ഭാ​ര​വാ​ഹി​ക​ൾ എം. ​മു​കേ​ഷ്​ എം.​എ​ൽ.​എ, ഇ​ൻ​ലാ​ൻ​ഡ്​ നാ​വി​ഗേ​ഷ​ൻ ഡ​യ​റ​ക്ട​ർ ഉ​ൾ​പ്പെ​ടെ ഉ​ള്ള​വ​രെ സ​മീ​പി​ച്ചി​ട്ടു​ണ്ട്.