കേരളം ദാരിദ്ര്യമുക്തമാക്കാന്‍ മികവുറ്റ പദ്ധതികൾ - മന്ത്രി

കൊ​ല്ലം: കേ​ര​ള​ത്തെ ദാ​രി​ദ്ര്യ​മു​ക്ത​മാ​ക്കാ​ന്‍ സ​ര്‍ക്കാ​ര്‍ ഒ​രു​ക്കി​യ​ത് മി​ക​വു​റ്റ പ​ദ്ധ​തി​ക​ളാ​ണെ​ന്നും ഈ ​വ​ര്‍ഷം​ത​ന്നെ ല​ക്ഷ്യം പൂ​ര്‍ത്തീ​ക​രി​ക്കു​മെ​ന്നും മ​ന്ത്രി ജെ. ​ചി​ഞ്ചു​റാ​ണി. 10 രൂ​പ​ക്ക് പ്ര​ഭാ​ത​ഭ​ക്ഷ​ണം ഒ​രു​ക്കു​ന്ന കൊ​ല്ലം കോ​ര്‍പ​റേ​ഷ​ന്റെ ‘ഗു​ഡ്‌​മോ​ണി​ങ് കൊ​ല്ലം’ പ​ദ്ധ​തി​യു​ടെ ഉ​ദ്ഘാ​ട​നം ചി​ന്ന​ക്ക​ട ബ​സ് ബേ​യി​ല്‍ നി​ര്‍വ​ഹി​ക്കു​ക​യാ​യി​രു​ന്നു മ​ന്ത്രി.

പൊ​തു​വി​ത​ര​ണ സം​വി​ധാ​ന​ങ്ങ​ള്‍ വ​ഴി​യും കു​റ​ഞ്ഞ​നി​ര​ക്കി​ല്‍ ഉ​ല്‍പ​ന്ന​ങ്ങ​ള്‍ കൃ​ത്യ​മാ​യി ന​ല്‍കു​ന്ന​തി​നാ​ല്‍ പ​ട്ടി​ണി​യി​ല്ലാ​തെ ജീ​വി​ക്കാ​നു​ള്ള സാ​ഹ​ച​ര്യം നി​ല​നി​ല്‍ക്കു​ന്നു​ണ്ട്. ന​വം​ബ​റോ​ടെ കേ​ര​ള​ത്തി​ല്‍ അ​തി​ദ​രി​ദ്ര​രി​ല്ലാ​താ​വു​മെ​ന്നും ഇ​തി​ന് കോ​ര്‍പ​റേ​ഷ​ന്റെ പ​ദ്ധ​തി ഏ​റെ സ​ഹാ​യ​ക​മാ​കു​മെ​ന്നും മ​ന്ത്രി കൂ​ട്ടി​ച്ചേ​ര്‍ത്തു. മേ​യ​ര്‍ ഹ​ണി അ​ധ്യ​ക്ഷ​യാ​യി. എം. ​നൗ​ഷാ​ദ് എം.​എ​ല്‍.​എ, ഡെ​പ്യൂ​ട്ടി മേ​യ​ര്‍ എ​സ്. ജ​യ​ന്‍, ജ​ന​പ്ര​തി​നി​ധി​ക​ള്‍, രാ​ഷ്ട്രീ​യ​പാ​ര്‍ട്ടി പ്ര​തി​നി​ധി​ക​ള്‍, ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ സം​ബ​ന്ധി​ച്ചു.

10 രൂ​പ​ക്ക് പ്ര​ഭാ​ത ഭ​ക്ഷ​ണം; കോ​ര്‍പ​റേ​ഷ​ന്റെ വി​ഷു​ക്കൈ​നീ​ട്ടം

10 രൂ​പ ന​ല്‍കി​യാ​ല്‍ വ​യ​റ് നി​റ​യെ പ്ര​ഭാ​ത ഭ​ക്ഷ​ണം ക​ഴി​ക്കാം; പ​ല​ർ​ക്കും ആ​ശ്വാ​സം പ​ക​രു​ന്ന പ​ദ്ധ​തി വി​ഷു​ക്കൈ​നീ​ട്ട​മാ​യി കൊ​ല്ലം കോ​ര്‍പ​റേ​ഷ​ന്‍ ന​ട​പ്പി​ലാ​ക്കി. ന​ഗ​ര​ത്തി​ലെ​ത്തു​ന്ന പാ​വ​പ്പെ​ട്ട​വ​രു​ടെ വി​ശ​പ്പ​ക​റ്റു​ക​യെ​ന്ന ല​ക്ഷ്യ​ത്തോ​ടെ 2025-26 വാ​ര്‍ഷി​ക പ​ദ്ധ​തി​യി​ല്‍ ഉ​ള്‍പ്പെ​ടു​ത്തി​യാ​ണ് ‘ഗു​ഡ്‌​മോ​ണി​ങ് കൊ​ല്ലം’ എ​ന്ന പ​ദ്ധ​തി ന​ട​പ്പാ​ക്കു​ന്ന​ത്.

ചി​ന്ന​ക്ക​ട ബ​സ് കാ​ത്തി​രി​പ്പ് കേ​ന്ദ്ര​ത്തി​ന് സ​മീ​പം ഒ​രു​ക്കു​ന്ന പ്ര​ത്യേ​ക കൗ​ണ്ട​റി​ല്‍ രാ​വി​ലെ ഏ​ഴി​നും 9.30നും ​ഇ​ട​യി​ല്‍ എ​ത്തി​യാ​ല്‍ ഇ​ഡ്ഡ്‌​ലി​യും ദോ​ശ​യും അ​പ്പ​വും ഇ​ടി​യ​പ്പ​വു​മെ​ല്ലാം ക​റി​യും കൂ​ട്ടി 10 രൂ​പ​ക്ക് ക​ഴി​ച്ചു മ​ട​ങ്ങാം. ഓ​രോ ദി​വ​സം ഓ​രോ വി​ഭ​വ​ങ്ങ​ളാ​ണ് ഉ​ണ്ടാ​വു​ക. ആ​ദ്യ​ഘ​ട്ട​ത്തി​ല്‍ 300 പേ​ര്‍ക്ക് പ​ദ്ധ​തി​യു​ടെ പ്ര​യോ​ജ​നം ല​ഭി​ക്കും. കൂ​ടു​ത​ല്‍ ആ​വ​ശ്യ​ക്കാ​രു​ണ്ടെ​ങ്കി​ല്‍ വി​പു​ലീ​ക​രി​ക്കും. ആ​ശ്രാ​മ​ത്തെ ‘സ്‌​നേ​ഹി​ത’ കു​ടും​ബ​ശ്രീ യൂ​നി​റ്റി​ലെ സം​രം​ഭ​ക ര​ജി​ത​യാ​ണ് രു​ചി​ക്കൂ​ട്ടു​ക​ള്‍ ഒ​രു​ക്കു​ക.

2015 മു​ത​ല്‍ വി​ദ്യാ​ല​യ​ങ്ങ​ളി​ല്‍ കു​ട്ടി​ക​ളു​ടെ വി​ശ​പ്പ​ക​റ്റാ​ന്‍ ന​ട​പ്പാ​ക്കി​വ​രു​ന്ന ‘അ​മ്മ​മ​ന​സ്സ്’ പ​ദ്ധ​തി​യു​ടെ​യും കോ​വി​ഡ് കാ​ല​ത്ത് ന​ട​പ്പാ​ക്കി​ത്തു​ട​ങ്ങി​യ ജ​ന​കീ​യ ഹോ​ട്ട​ലു​ക​ളു​ടെ​യും തു​ട​ര്‍ച്ച​യാ​ണി​തെ​ന്ന് മേ​യ​ര്‍ ഹ​ണി പ​റ​ഞ്ഞു.