കുട്ടിയെ ഉപേക്ഷിച്ച് ഒളിച്ചോടിയ യുവതിയും കാമുകനും പിടിയിൽ

ഇരവിപുരം: എട്ടു മാസം പ്രായമുള്ള പെൺകുഞ്ഞിനെ ഉപേക്ഷിച്ച ശേഷം കാമുകനൊപ്പം ഒളിച്ചോടിയ യുവതിയെയും കാമുകനെയും ഇരവിപുരം പൊലീസ് മൂവാറ്റുപുഴയിൽനിന്ന്​ പിടികൂടി. വരൻ വിവാഹത്തിൽനിന്ന്​ പിന്മാറിയതിനെ തുടർന്ന് കൊട്ടിയത്ത് ആത്മഹത്യ ചെയ്ത യുവതിയുടെ സഹോദരി, കാമുകൻ നെടുമങ്ങാട് അരുവിക്കര മുങ്ങേല സ്വദേശി സഞ്ചു (അഖിൽ) എന്നിവരാണ് അറസ്​റ്റിലായത്.

ഇക്കഴിഞ്ഞ 18നാണ് യുവതിയെ കാണാതായത്. അന്ന്​ മുതൽ ഇവരുടെ ഫോൺ സ്വിച്ച് ഓഫ് ആയിരുന്നു. തുടർന്ന്, ഭർത്താവ് പൊലീസിൽ പരാതി നൽകി. സൈബർ സെല്ലി​െൻറ സഹായത്തോടെ യുവതിയുടെ മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിൽ അരുവിക്കര സ്വദേശിയായ യുവാവി​െൻറ ഫോൺ നമ്പർ ലഭിക്കുകയും ഈ നമ്പർ കേന്ദ്രീകരിച്ച് നടത്തിയ പരിശോധനയിൽ ഇയാൾ മൂവാറ്റുപുഴയിലുണ്ടെന്ന് വിവരം ലഭിച്ചു.

തുടർന്ന്, സിറ്റി പൊലീസ് കമീഷണർ ടി. നാരായണ​െൻറ നിർദേശപ്രകാരം എ.സി.പി പ്രദീപ് കുമാറി​െൻറ മേൽനോട്ടത്തിൽ മൂവാറ്റുപുഴയിലെത്തിയ ഇരവിപുരം പൊലീസ് ലോഡ്ജിൽ ഒളിവിൽ കഴിയുകയായിരുന്ന ഇരുവരെയും കസ്​റ്റഡിയിലെടുക്കുകയായിരുന്നു. ഇവരെ പിടികൂടിയതിൽ നിന്ന്​ വാട്​സ്​ആപ്​ കൂട്ടായ്മകളിലൂടെ പണപ്പിരിവ് നടത്തുന്ന സംഘങ്ങളെക്കുറിച്ച് വിവരം ലഭിച്ചിട്ടുണ്ട്. ഇത്തരം സംഘങ്ങളെ കണ്ടെത്താൻ ശ്രമം ആരംഭിച്ചു. പിടിയിലായവരെ കോടതിയിൽ ഹാജരാക്കി റിമാ​ൻഡ്​​ ചെയ്തു.

ഇരവിപുരം എസ്.എച്ച്.ഒ വിനോദ് കെ, എസ്.ഐമാരായ അനീഷ് എ.പി, ബിനോദ് കുമാർ, ദീപു, ഷെമീർ, ജി.എസ്.ഐമാരായ ആൻറണി, ജയകുമാർ, എ.എസ്.ഐ ഷിബു ജെ.പീറ്റർ, സി.പി.ഒ അജി, വനിതാ സി.പി.ഒ അശ്വതി എന്നിവരാണ് അന്വേഷണ സംഘത്തിലുണ്ടായിരുന്നത്.