റെയിൽവേ ഗേറ്റ് മണിക്കൂറുകളോളം അടച്ചിട്ടു; ജനം വലഞ്ഞു

ഇ​ര​വി​പു​രം: അ​ശാ​സ്ത്രീ​യ​മാ​യ സി​ഗ്‌​ന​ല്‍ സം​വി​ധാ​നം മൂ​ലം മാ​ട​ന്‍ന​ട ഭ​ര​ണി​ക്കാ​വ് റെ​യി​ല്‍വേ​ഗേ​റ്റ് മ​ണി​ക്കൂ​റു​ക​ളോ​ളം അ​ട​ച്ചി​ട്ടു. ഗ​താ​ഗ​ത​ക്കു​രു​ക്കി​നും സം​ഘ​ര്‍ഷാ​വ​സ്ഥ​ക്കും കാ​ര​ണ​മാ​യ​തോ​ടെ ജ​നം വ​ല​ഞ്ഞു. വ്യാ​ഴാ​ഴ്ച വൈ​കീ​ട്ടാ​ണ്​ മ​ണി​ക്കൂ​റു​ക​ളോ​ളം ഗേ​റ്റ് അ​ട​ച്ചി​ട്ട​ത്. ഗേ​റ്റ് കീ​പ്പ​റോ​ട് വാ​ഹ​ന​ങ്ങ​ളി​ലെ​ത്തി​യ​വ​ര്‍ ത​ട്ടി​ക്ക​യ​റി​യ​തി​നെ തു​ട​ര്‍ന്ന് ആ​ര്‍.​പി.​എ​ഫ് എ​സ്.​ഐ​യും സം​ഘ​വും ഗേ​റ്റി​ലെ​ത്തി​യി​രു​ന്നു.

ഇ​ര​വി​പു​രം റെ​യി​ൽ​വേ ഗേ​റ്റ് അ​ട​ച്ച​തോ​ടെ വാ​ഹ​ന​ങ്ങ​ള്‍ ഭ​ര​ണി​ക്കാ​വ് ഗേ​റ്റ് വ​ഴി​യാ​ണ് തി​രി​ച്ചു​വി​ട്ട​ത്. എ​ന്നാ​ല്‍ ഈ ​ഗേ​റ്റ് തു​റ​ക്കു​ന്ന​തി​നും അ​ട​ക്കു​ന്ന​തി​നും സി​ഗ്‌​ന​ല്‍ ന​ല്‍കു​ന്ന​ത് പ​ര​വൂ​ര്‍ റെ​യി​ൽ​വേ സ്റ്റേ​ഷ​നി​ല്‍ നി​ന്നാ​ണ്. കാ​പ്പി​ല്‍ നി​ന്നും ട്രെ​യി​ന്‍ വ​രു​മ്പോ​ള്‍ ത​ന്നെ പ​ര​വൂ​രി​ല്‍ നി​ന്നും ഗേ​റ്റ് അ​ട​ക്കു​ന്ന​തി​നാ​യി സി​ഗ്‌​ന​ല്‍ ന​ല്‍കും. അ​തി​നാ​ല്‍ ഏ​റെ സ​മ​യം ഗേ​റ്റ് അ​ട​ച്ചി​ടേ​ണ്ടി വ​രു​ന്നു​ണ്ട്. ഭ​ര​ണി​ക്കാ​വ് ഗേ​റ്റി​ന​ടു​ത്തു​ള്ള പോ​ള​യ​ത്തോ​ട് ഗേ​റ്റ് തു​റ​ന്നാ​ലും ഭ​ര​ണി​ക്കാ​വ് ഗേ​റ്റ് തു​റ​ക്കാ​റി​ല്ല.

പോ​ള​യ​ത്തോ​ട് ഗേ​റ്റി​ല്‍ കൊ​ല്ല​ത്തു​നി​ന്നാ​ണ് സി​ഗ്‌​ന​ല്‍ ന​ല്‍കു​ന്ന​ത്. ഇ​ര​വി​പു​രം ഗേ​റ്റ് തു​റ​ക്കു​ന്ന സി​ഗ്‌​ന​ല്‍ സം​വി​ധാ​നം കൊ​ല്ല​ത്തേ​ക്ക് മാ​റ്റ​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്. ഗേ​റ്റ് കീ​പ്പ​റും വാ​ഹ​ന​യാ​ത്ര​ക്കാ​രു​മാ​യി ഗേ​റ്റ് തു​റ​ക്കു​ന്ന​ത് സം​ബ​ന്ധി​ച്ച് ത​ര്‍ക്കം പ​തി​വാ​യ​തോ​ടെ സി​ഗ്‌​ന​ല്‍ പ​ര​വൂ​രി​ല്‍ നി​ന്നാ​ണെ​ന്ന് കാ​ട്ടി റെ​യി​ല്‍വെ ഗേ​റ്റി​ന്‍റെ ഇ​രു​വ​ശ​ത്തും ബാനർ സ്ഥാ​പി​ച്ചു. ഭ​ര​ണി​ക്കാ​വ് മു​ത​ല്‍ മാ​ട​ന്‍ന​ട വ​രെ​യും പു​ത്ത​ന്‍ന​ട​വ​രെ​യും വാ​ഹ​ന​ങ്ങ​ളു​ടെ നീ​ണ്ട നി​ര​യു​ണ്ടാ​യി​രു​ന്നു.