വിരുദനഗർ-ചെങ്കോട്ട സെക്ഷനുകളിൽ ​ഇന്നുമുതൽ ഇലക്​ട്രിക്​ ട്രെയിൻ

കൊ​ല്ലം: ത​മി​ഴ്നാ​ട്ടി​ലെ വി​രു​ദ​ന​ഗ​ർ-​തെ​ങ്കാ​ശി- ചെ​ങ്കോ​ട്ട സെ​ക്ഷ​നു​ക​ളി​ൽ ഇ​ല​ക്ട്രി​ക് ട്രെ​യി​നു​ക​ൾ ഇ​ന്നു​മു​ത​ൽ സ​ർ​വി​സ്​ തു​ട​ങ്ങും. ചെ​ന്നൈ എ​ഗ്മോ​ർ - ചെ​ങ്കോ​ട്ട എ​ക്​​സ്​​പ്ര​സാ​ണ്​ ആ​ദ്യ സ​ർ​വി​സ് ന​ട​ത്തു​ക.

ഈ ​ട്രെ​യി​ൻ തി​രി​കെ ന​വം​ബ​ർ ഒ​ന്നു​മു​ത​ൽ ഓ​ടി​ത്തു​ട​ങ്ങും. ചെ​ന്നൈ എ​ഗ്മോ​ർ - ചെ​ങ്കോ​ട്ട ശി​ല​മ്പ് എ​ക്​​സ്​​പ്ര​സാ​ണ് വൈ​ദ്യു​തി ലൈ​നി​ലെ ര​ണ്ടാം ട്രെ​യി​ൻ. ഇ​ത്​ ന​വം​ബ​ർ ഒ​ന്നി​ന് ആ​രം​ഭി​ക്കും. തി​രി​കെ​യു​ള്ള സ​ർ​വി​സ് മൂ​ന്നി​ന്​​ തു​ട​ങ്ങും.

മ​യി​ലാ​ടും​തു​റ-​ചെ​ങ്കോ​ട്ട എ​ക്സ്പ്ര​സാ​ണ് മൂ​ന്നാ​മ​ത്തെ സ​ർ​വി​സ്. ഇ​ത്​ ന​വം​ബ​ർ ഒ​ന്നി​ന് സ​ർ​വി​സ് ആ​രം​ഭി​ക്കും. തി​രി​ച്ചു​ള്ള സ​ർ​വി​സ് ന​വം​ബ​ർ ര​ണ്ടി​ന്​ തു​ട​ങ്ങും. ഈ ​മൂ​ന്ന് ട്രെ​യി​നു​ക​ളും വൈ​ദ്യു​തി ലൈ​നി​ൽ ഓ​ടി​ത്തു​ട​ങ്ങു​മ്പോ​ൾ അ​തി​ന്റെ കൂ​ടു​ത​ൽ പ്ര​യോ​ജ​നം ല​ഭി​ക്കു​ന്ന​ത് കേ​ര​ള​ത്തി​നാ​ണ്. ഈ ​ട്രെ​യി​നു​ക​ളു​ടെ അ​വ​സാ​ന സ്റ്റോ​പ്പാ​യ ചെ​ങ്കോ​ട്ട ത​മി​ഴ്നാ​ട് - കേ​ര​ള അ​തി​ർ​ത്തി​യി​ലാ​ണ്. അ​തി​നാ​ൽ ചെ​ങ്കോ​ട്ട​യി​ൽ എ​ത്തു​ന്ന​വ​ർ​ക്ക് ട്രെ​യി​നി​ൽ​ത​ന്നെ പു​ന​ലൂ​രി​ലും കൊ​ല്ല​ത്തും എ​ത്താം. ത​മി​ഴ്നാ​ട്ടി​ൽ വ്യാ​പാ​ര ആ​വ​ശ്യ​ങ്ങ​ൾ​ക്ക് പോ​യി വ​രു​ന്ന നൂ​റു​ക​ണ​ക്കി​ന് മ​ല​യാ​ളി​ക​ൾ​ക്ക് ഇ​ത് ഗു​ണം ചെ​യ്യും.

വൈ​ദ്യു​തി ട്രെ​യി​നു​ക​ൾ ഓ​ടി​ത്തു​ട​ങ്ങു​ന്ന സാ​ഹ​ച​ര്യ​ത്തി​ൽ പൊ​തു​ജ​ന​ങ്ങ​ൾ​ക്കും യാ​ത്ര​ക്കാ​ർ​ക്കും ജീ​വ​ന​ക്കാ​ർ​ക്കും റെ​യി​ൽ​വേ ജാ​ഗ്ര​ത നി​ർ​ദേ​ശം ന​ൽ​കി​യി​ട്ടു​ണ്ട്. ഹൈ ​വോ​ൾ​ട്ടേ​ജ് ലൈ​ൻ ആ​യ​തി​നാ​ൽ ര​ണ്ട് മീ​റ്റ​ർ അ​ക​ലെ​പോ​ലും ഷോ​ക്ക​ടി​ക്കാ​നു​ള്ള സാ​ധ്യ​ത​യു​ണ്ട് എ​ന്ന​താ​ണ് പ്ര​ധാ​ന മു​ന്ന​റി​യി​പ്പ്.