കടലിൽ വീണ്​ മരിച്ച യുവാവിന്‍റെ പോസ്റ്റ്​മോർട്ടം വൈകിപ്പിച്ച്​ ഡോക്ടർ

കൊ​ല്ലം: ക​ട​ലി​ൽ ജീ​വ​ൻ ന​ഷ്ട​മാ​യ യു​വാ​വി​ന്‍റെ മൃ​ത​ദേ​ഹം പോ​സ്റ്റു​മോ​ർ​ട്ടം ടേ​ബി​ളി​ൽ ​പൊ​ലീ​സ്​ സ​ർ​ജ​ന്‍റെ കാ​രു​ണ്യം കാ​ത്തു​കി​ട​ന്ന​ത്​ നാ​ല്​ മ​ണി​ക്കൂ​റോ​ളം. ഒ​ടു​വി​ൽ മ​ണി​ക്കൂ​റു​ക​ൾ നീ​ണ്ട പ്ര​തി​ഷേ​ധ​ങ്ങ​ൾ​ക്കും ഉ​ന്ന​ത​ത​ല ഉ​ദ്യോ​ഗ​സ്ഥ​രു​ടെ സ​മ്മ​ർ​ദ്ദ​ത്തി​നും ശേ​ഷം പോ​സ്റ്റു​മോ​ർ​ട്ടം ചെ​യ്തു​കി​ട്ടി​യ​പ്പോ​ൾ 24കാ​ര​ന്‍റെ പ്രി​യ​പ്പെ​ട്ട​വ​ർ​ക്ക്​ അ​ന്ത്യാ​ഞ്​​ജ​ലി അ​ർ​പ്പി​ക്കാ​നാ​യി ബാ​ക്കി​യു​ണ്ടാ​യ​ത്​ ര​ണ്ട്​ മ​ണി​ക്കൂ​ർ നേ​രം​മാ​ത്രം.

കൊ​ല്ലം ത​ങ്ക​ശേ​രി​യി​ൽ ഞാ​യ​റാ​ഴ്ച വൈ​കീ​ട്ട്​ ക​ട​ലി​ൽ കാ​ണാ​താ​യ ജോ​ന​ക​പ്പു​റം മു​സ്​​ലിം ന​ഗ​റി​ൽ അ​നി​ൽ​രാ​ജി​ന്‍റെ മ​ക​ൻ ലാ​കേ​ശി​ന്‍റെ (24) മൃ​ത​ദേ​ഹ​മാ​ണ്​ ഡോ​ക്ട​റു​​ടെ നി​ഷേ​ധ​നി​ല​പാ​ടി​ൽ പോ​സ്റ്റു​മോ​ർ​ട്ടം ​ചെ​യ്യാ​തെ ജി​ല്ല ആ​ശു​പ​ത്രി​യി​ൽ മ​ണി​ക്കൂ​റു​ക​ളോ​ളം കാ​ത്തു​കി​ട​ത്തി​യ​ത്.

രാ​വി​ലെ 8.30ഓ​ടെ ത​ങ്ക​ശ്ശേ​രി ക​ട​ലി​ൽ​നി​ന്ന്​ ക​ണ്ടെ​ത്തി​യ മൃ​ത​ദേ​ഹ​ത്തി​ന്‍റെ ഇ​ൻ​ക്വ​സ്​​റ്റ്​ ന​ട​പ​ടി​ ഉ​ൾ​പ്പെ​ടെ എ​ല്ലാം പൂ​ർ​ത്തി​യാ​ക്കി 10.30ഓ​ടെ ജി​ല്ല ആ​ശു​പ​ത്രി​യി​ൽ പൊ​ലീ​സ്​ സ​ർ​ജ​നാ​യ ഡോ. ​ബീ​ന​ക്ക്​ മു​ന്നി​ൽ രേ​ഖ​ക​ൾ സ​മ​ർ​പ്പി​ച്ചി​രു​ന്നു. എ​ന്നാ​ൽ, 11.30 ന് ​മോ​ർ​ച്ച​റി​യു​ടെ ക​വാ​ടം വ​രെ വ​ന്ന പൊ​ലീ​സ് സ​ർ​ജ​ൻ ഡോ. ​ബീ​ന വ​ഴി​യി​ൽ ആ​ളു​ക​ൾ നി​ൽ​ക്കു​ന്നു​വെ​ന്ന വി​ചി​ത്ര വാ​ദ​മു​യ​ർ​ത്തി തി​രി​കെ ഓ​ഫി​സി​ലേ​ക്ക് പോ​യി. സ്ഥ​ല​ത്തു​ണ്ടാ​യി​രു​ന്ന പൊ​തു​പ്ര​വ​ർ​ത്ത​ക​ർ ഡോ​ക്ട​റു​മാ​യി സം​സാ​രി​ച്ചെ​ങ്കി​ലും താ​ൻ ഇ​നി പോ​സ്റ്റു​മോ​ർ​ട്ടം ചെ​യു​ക​യി​ല്ലെ​ന്ന നി​ല​പാ​ടി​ലാ​യി​രു​ന്നു സ​ർ​ജ​ൻ.

തു​ട​ർ​ന്ന്​ മ​ണി​ക്കൂ​റു​ക​ളോ​ളം ബ​ന്ധു​ക്ക​ൾ ഉ​ൾ​പ്പെ​ടെ കാ​ത്തി​രു​ന്നു. ഡി.​എം.​ഒ ഓ​ഫി​സി​ലേ​ക്ക്​ വ​രെ പ്ര​തി​ഷേ​ധ​മെ​ത്തി. ഇ​ട​ക്ക്​ സ​ർ​ജ​ൻ ഓ​ഫി​സി​ൽ നി​ന്ന്​ ഇ​റ​ങ്ങി​പ്പോ​കു​ക​യും ചെ​യ്തു. വീ​ണ്ടും അ​നു​ന​യി​പ്പി​ച്ച്​ പോ​സ്റ്റ്​​മോ​ർ​ട്ടം ചെ​യ്യാ​മെ​ന്ന നി​ല​യി​ലെ​ത്തി​യി​ട്ട്​ പി​ന്നെ​യും പി​ൻ​മാ​റി. മ​ണി​ക്കൂ​റു​ക​ൾ​ക്ക്​ ശേ​ഷം പാ​രി​പ്പ​ള്ളി മെ​ഡി​ക്ക​ൽ കോ​ള​ജി​ൽ കൊ​ണ്ടു​പൊ​യ്​​ക്കോ എ​ന്ന്​ പ​റ​ഞ്ഞ്​ ഇ​ൻ​ക്വ​സ്റ്റ് പേ​പ്പ​ർ പൊ​ലീ​സി​ന് തി​രി​കെ ന​ൽ​കു​ക​യും ചെ​യ്തു.

ഇ​ത് വ​ലി​യ ബ​ഹ​ള​ത്തി​ന് ഇ​ട​യാ​ക്കി. തു​ട​ർ​ന്ന് പൊ​തു​പ്ര​വ​ർ​ത്ത​ക​രും ആ​രോ​ഗ്യ വി​ഭാ​ഗം ഉ​ദ്യോ​ഗ​സ്ഥ​രു​മാ​യി ന​ട​ന്ന നി​ര​ന്ത​ര ച​ർ​ച്ച​ക്ക്​ ഒ​ടു​വി​ൽ ഡോ​ക്ട​ർ പോ​സ്റ്റു​മോ​ർ​ട്ട​ത്തി​ന്​ ത​യാ​റാ​യ​പ്പോ​ൾ സ​മ​യം ഉ​ച്ച​ക്ക്​ ര​ണ്ട്​ പി​ന്നി​ട്ടു. ഡെ​പ്യൂ​ട്ടി ഡി.​എം.​ഒ ഡോ. ​ശ്രീ​ഹ​രി​യു​ടെ നി​ർ​ദേ​ശ പ്ര​കാ​രം ആ​ശു​പ​ത്രി സൂ​പ്ര​ണ്ട് ഡോ. ​പ്ലാ​സ, ഡെ​പ്യൂ​ട്ടി സൂ​പ്ര​ണ്ട് ഡോ. ​ശ്രീ​കാ​ന്ത്, ന​ഴ്സി​ങ്​ മേ​ധാ​വി​ക​ൾ ഉ​ൾ​പ്പെ​​ടെ പൊ​തു പ്ര​വ​ർ​ത്ത​ക​രു​ടെ സാ​ന്നി​ധ്യ​ത്തി​ൽ സ​മ്മ​ർ​ദ്ദം ചെ​ലു​ത്തി​യ​പ്പോ​ഴാ​ണ്​ ഡോ​ക്ട​ർ വ​ഴ​ങ്ങി​യ​ത്.

പോ​സ്റ്റു​മോ​ർ​ട്ട​ത്തി​ന്​ ശേ​ഷ​വും കൈ​മാ​റു​ന്ന​തി​നു​ള്ള രേ​ഖ ഒ​പ്പി​ട്ടു​ന​ൽ​കാ​നും ഏ​റെ വൈ​കി​ച്ച​താ​യി ആ​രോ​പ​ണ​മു​യ​ർ​ന്നു. ഒ​ടു​വി​ൽ വൈ​കീ​ട്ട്​ മൂ​ന്ന്​ ക​ഴി​ഞ്ഞ്​ മൃ​ത​ദേ​ഹം വി​ട്ടു​കി​ട്ടി​യ​പ്പോ​ൾ സം​സ്കാ​ര​ത്തി​ന്​ നി​ശ്ച​യി​ച്ച സ​മ​യ​ത്തി​ന്​ ര​ണ്ട്​ മ​ണി​ക്കൂ​ർ മാ​ത്ര​മാ​യി​രു​ന്നു ബാ​ക്കി.

ഡോ​ക്ട​ർ​ക്കെ​തി​രെ 24 മ​ണി​ക്കൂ​റി​ന​കം ന​ട​പ​ടി ഉ​ണ്ടാ​കു​മെ​ന്നും പു​തി​യ പൊ​ലീ​സ് സ​ർ​ജ​നെ ഉ​ട​ൻ നി​യ​മി​ക്കാ​മെ​ന്നും സ്ഥ​ല​ത്തെ​ത്തി​യ ഡെ​പ്യൂ​ട്ടി ഡി.​എം.​ഒ ഡോ. ​ശ്രീ​ഹ​രി ഉ​റ​പ്പ് ന​ൽ​കി​യ​തി​നാ​ൽ കൂ​ടു​ത​ൽ പ്ര​തി​ഷേ​ധ​മു​ണ്ടാ​യി​ല്ല. കോ​ർ​പ​റേ​ഷ​ൻ യു.​ഡി.​എ​ഫ്​ നേ​താ​വ്​ ജോ​ർ​ജ് ഡി. ​കാ​ട്ടി​ൽ, കോ​ൺ​ഗ്ര​സ്‌ ബ്ലോ​ക്ക്‌ പ്ര​സി​ഡ​ന്റ്‌ ഡി. ​ഗീ​താ​കൃ​ഷ്ണ​ൻ, ആ​ശു​പ​ത്രി മാ​നേ​ജ്മെ​ന്റ് ക​മ്മി​റ്റി അം​ഗം എ​സ്. നാ​സ​ർ, മ​ത്സ്യ​ത്തൊ​ഴി​ലാ​ളി കോ​ൺ​ഗ്ര​സ് ജി​ല്ല പ്ര​സി​ഡ​ന്റ് എ​സ്.​എ​ഫ്. യേ​ശു​ദാ​സ​ൻ, ആ​ർ.​എ​സ്.​പി നേ​താ​വ് ടാ​ഗോ​ർ എ​ന്നി​വ​ർ നേ​തൃ​ത്വം ന​ൽ​കി.