ചികിത്സ തേടി ജില്ല ആശുപത്രി; ആംബുലൻസ്​ സർവിസും ലിഫ്​റ്റും ഗുരുതരാവസ്ഥയിൽ

കൊ​ല്ലം: ന​ഗ​ര​ത്തി​ൽ ഏ​റ്റ​വു​മ​ധി​കം രോ​ഗി​ക​ളെ​ത്തു​ന്ന ജി​ല്ല ആ​ശു​പ​ത്രി​ക്കും ചി​കി​ത്സ വേ​ണം. ആ​ശു​പ​ത്രി​യി​ലെ രോ​ഗി​ക​ളു​ടെ ദൈ​നം​ദി​ന ആ​വ​ശ്യ​ങ്ങ​ൾ പ​രി​ഹ​രി​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ​പോ​ലും അ​വി​ടെ ന​ട​ക്കു​ന്നി​ല്ലെ​ന്നാ​ണ്​ രോ​ഗി​ക​ൾ പ​റ​യു​ന്ന​ത്. അ​പ​ക​ട​ത്തി​ൽ​പ്പെ​ട്ട ആം​ബു​ല​ൻ​സ് കാ​ട്ടി​നു​ള്ളി​ൽ വി​ശ്ര​മ​ത്തി​ലാ​യി​ട്ട്​ നാ​ളു​ക​ളാ​യി. എ​ൻ.​കെ. പ്രേ​മ​ച​ന്ദ്ര​ൻ എം.​പി​യു​ടെ 2017-18 പ്രാ​ദേ​ശി​ക വി​ക​സ​ന ഫ​ണ്ടി​ൽ​നി​ന്ന്​ ല​ക്ഷ​ങ്ങ​ൾ മു​ട​ക്കി വാ​ങ്ങി​യ​താ​ണ്​ ആം​ബു​ല​ൻ​സ്. ഏ​ക​ദേ​ശം ഒ​ന്ന​ര​ല​ക്ഷം രൂ​പ മ​തി ഇ​ത് പൂ​ർ​വ സ്ഥി​തി​യി​ലാ​ക്കാ​ൻ. എ​ന്നാ​ൽ, ആം​ബു​ല​ൻ​സി​ന്‍റെ ത​ക​രാ​ർ പ​രി​ഹ​രി​ക്കാ​നോ മ​റ്റു ന​ട​പ​ടി സ്വീ​ക​രി​ക്കാ​നോ ആ​ശു​പ​ത്രി അ​ധി​കൃ​ത​ർ ത​യാ​റാ​കു​ന്നി​ല്ല.

ര​ണ്ട്​ ഓ​പ​റേ​ഷ​ൻ തി​യ​റ്റ​റി​ലേ​ക്കു​ള്ള ലി​ഫ്റ്റ് പ്ര​വ​ർ​ത്ത​ന ര​ഹി​ത​മാ​യി​ട്ട് വ​ർ​ഷ​ത്തോ​ള​മാ​യി. ഓ​പ​റേ​ഷ​ൻ തി​യ​റ്റ​റി​നോ​ട് ചേ​ർ​ന്ന് സ​ർ​ജ​റി ക​ഴി​ഞ്ഞ രോ​ഗി​ക​ളു​മാ​യി എ​സ്.​ഐ.​സി.​യു​വി​ലേ​ക്ക് പോ​കാ​ൻ ഉ​പ​യോ​ഗി​ക്കു​ന്ന പ്ര​ത്യേ​ക ലി​ഫ്റ്റാ​ണ്​ വ​ർ​ഷ​ങ്ങ​ളാ​യി അ​വ​താ​ള​ത്തി​ലാ​യ​ത്.​ ഓ​പ​റേ​ഷ​ൻ ക​ഴി​ഞ്ഞ രോ​ഗി​ക​ളെ ഇ​പ്പോ​ൾ മെ​യി​ൻ ലി​ഫ്റ്റ് വ​ഴി​യാ​ണ് ഒ​ന്നാം നി​ല​യി​ൽ​നി​ന്ന് മു​ക​ളി​ലെ എ​സ്.​ഐ.​സി.​യു​വി​ലേ​ക്ക് എ​ത്തി​ക്കു​ന്ന​ത്. പൊ​തു​ജ​ന​ങ്ങ​ളും രോ​ഗി​ക​ളും ഒ​രു​പോ​ലെ ഉ​പ​യോ​ഗി​ക്കു​ന്ന ഈ ​ലി​ഫ്റ്റ് വ​ഴി ഗു​രു​ത​രാ​വ​സ്ഥ​യി​ലു​ള്ള രോ​ഗി​ക​ളെ കൊ​ണ്ടു​പോ​കു​ന്ന​ത് രോ​ഗ​സു​ര​ക്ഷ​യെ ബാ​ധി​ക്കു​ന്ന​താ​യാ​ണ് ആ​ശു​പ​ത്രി​യി​ലെ​ത്തു​ന്ന​വ​ർ പ​റ​യു​ന്ന​ത്.

വാ​ർ​ഡു​ക​ളി​ൽ നി​ന്നു​ള്ള ക​ക്കൂ​സ് മാ​ലി​ന്യം ആ​ശു​പ​ത്രി​യു​ടെ മെ​യി​ൻ​ഗേ​റ്റി​ന് പു​റ​ത്തു മാ​ൻ​ഹോ​ൾ പൊ​ട്ടി പു​റ​ത്തു​വ​രു​ന്ന​ത് ഒ​ഴി​വാ​ക്കാ​ൻ ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല. വ​ർ​ഷ​ങ്ങ​ൾ പ​ഴ​ക്ക​മു​ള്ള ഒ.​പി സി​സ്റ്റം മി​ക്ക ദി​വ​സ​ങ്ങ​ളി​ലും ത​ക​രാ​റി​ലാ​ണ്. നെ​റ്റ് ക​ണ​ക്​​ഷ​ൻ ത​ക​രാ​റാ​കു​ന്ന​തു​കാ​ര​ണം രോ​ഗി​ക​ൾ വ​ള​രെ​യേ​റെ ബു​ദ്ധി​മു​ട്ടാ​ണ്​ അ​നു​ഭ​വി​ക്കു​ന്ന​ത്. ആ​റ്​ ഒ.​പി സി​സ്റ്റം പ്ര​വ​ർ​ത്തി​ക്കേ​ണ്ട സ്ഥാ​ന​ത്ത് ര​ണ്ടോ മൂ​ന്നോ സി​സ്റ്റ​മാ​ണ് പ്ര​വ​ർ​ത്തി​ക്കു​ന്ന​ത്. അ​തി​നാ​ൽ​ത​ന്നെ ദി​വ​സം ആ​ശു​പ​ത്രി​യി​ലെ​ത്തു​ന്ന മൂ​വാ​യി​ര​ത്തി​ലേ​റെ രോ​ഗി​ക​ൾ ഒ.​പി​യി​ൽ ക്യൂ​നി​ന്ന്​ വ​ല​യു​ക​യാ​ണ്. ഫി​സി​യോ​തെ​റാ​പ്പി ഡി​പ്പാ​ർ​ട്ട്മെ​ന്‍റി​ൽ കാ​ലാ​വ​ധി ക​ഴി​ഞ്ഞ് പോ​കു​ന്ന തെ​റാ​പ്പി​സ്റ്റു​ക​ൾ​ക്ക് പ​ക​രം ആ​രെ​യും നി​യ​മി​ക്കു​ന്നി​ല്ല.

എ​ച്ച്.​എം.​സി ജീ​വ​ന​ക്കാ​രു​ടെ ഒ​ഴി​വു​ണ്ടെ​ങ്കി​ലും ട്രെ​യി​നി​ക​ളാ​ണ്​ ​കൂ​ടു​ത​ലും തെ​റാ​പ്പി​സ്റ്റു​ക​ളാ​യി ജോ​ലി​ചെ​യ്യു​ന്ന​ത്. 21 സെ​ക്യൂ​രി​റ്റി ജീ​വ​ന​ക്കാ​ർ ഉ​ണ്ടാ​യി​രു​ന്നി​ട​ത്ത് ഇ​പ്പോ​ൾ 15 പേ​ർ മാ​ത്ര​മാ​ണ് നി​ല​വി​ലു​ള്ള​ത്. ഒ​ഴി​വു​നി​ക​ത്തു​ന്ന​തി​ന് നാ​ളി​തു​വ​രെ ക​ഴി​ഞ്ഞി​ട്ടി​ല്ല. ഉ​ള്ള ജീ​വ​ന​ക്കാ​രെ ഉ​പ​യോ​ഗി​ച്ച്​ ഷി​ഫ്റ്റ് അ​ടി​സ്ഥാ​ന​ത്തി​ൽ ജോ​ലി ചെ​യ്യ​ണ​മെ​ന്നാ​ണ് സൂ​പ്ര​ണ്ടി​ന്‍റെ തീ​രു​മാ​നം. ആ​ശു​പ​ത്രി​യി​ലെ അ​ടി​സ്ഥാ​ന സൗ​ക​ര്യം ത​ക​രാ​റി​ലാ​യ​തോ​ടെ രോ​ഗി​ക​ൾ നേ​രി​ടു​ന്ന ബു​ദ്ധി​മു​ട്ടു​ക​ൾ പ​രി​ഹ​രി​ക്കാ​ൻ അ​ധി​കൃ​ത​ർ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന ആ​വ​ശ്യം എ.​ഐ.​ടി.​യു.​സി ഉ​ൾ​പ്പെ​ടെ സം​ഘ​ട​ന​ക​ൾ ശ​ക്ത​മാ​ക്കി​യി​ട്ടു​ണ്ട്.