ജീർണിച്ച കെട്ടിടം; മയ്യനാട് ഗവ. ഐ.ടി.ഐ പ്രവർത്തനത്തിൽ ആശങ്ക

കൊ​ട്ടി​യം: പ​ണ​മി​ല്ലെ​ന്നു​പ​റ​ഞ്ഞ് പ​ഞ്ചാ​യ​ത്ത് കൈ ​മ​ല​ർ​ത്തി​യ​തോ​ടെ സ്വ​ന്തം കെ​ട്ടി​ട​വും സ്ഥ​ല​സൗ​ക​ര്യ​ങ്ങ​ളും ഇ​ല്ലാ​താ​യ മ​യ്യ​നാ​ട് ഗ​വ.​ഐ.​ടി.​ഐ.​യു​ടെ പ്ര​വ​ർ​ത്ത​നം അ​നി​ശ്ചി​ത​ത്വ​ത്തി​ലാ​കു​മെ​ന്ന് ആ​ശ​ങ്ക. എ​ട്ടു​വ​ർ​ഷ​മാ​യി റെ​യി​ൽ​പ്പാ​ത​യോ​ട് ചേ​ർ​ന്നു​ള്ള നി​ലം​പൊ​ത്താ​റാ​യ കെ​ട്ടി​ട​ത്തി​ലും ശാ​സ്താം​കോ​വി​ൽ എ​ൽ.​പി.​എ​സി​നോ​ട് ചേ​ർ​ന്നു​ള്ള ത​ക​ര​ഷെ​ഡി​ലും പ്ര​വ​ർ​ത്തി​ക്കു​ന്ന ഐ.​ടി.​ഐ അ​സൗ​ക​ര്യ​ങ്ങ​ളു​ടെ ന​ടു​വി​ലാ​ണ്. 2018 ഡി​സം​ബ​ർ 19നാ​ണ് മ​യ്യ​നാ​ട് ഗ​വ.​ഐ.​ടി.​ഐ പ്ര​വ​ർ​ത്ത​നം ആ​രം​ഭി​ക്കു​ന്ന​ത്. അ​ന്നു മു​ത​ൽ മ​യ്യ​നാ​ട് ശാ​സ്താം​കോ​വി​ൽ ഗ​വ.​എ​ൽ.​പി.​എ​സി​ലും ഒ​ന്ന​ര കി​ലോ​മീ​റ്റ​റോ​ളം അ​ക​ലെ​യു​ള്ള മ​യ്യ​നാ​ട് പ​ണ​യി​ൽ മു​ക്കി​ലെ സി. ​കേ​ശ​വ​ൻ സാം​സ്കാ​രി​ക നി​ല​യ​ത്തി​ലു​മാ​ണ് ഐ.​ടി.​ഐ​യു​ടെ പ്ര​വ​ർ​ത്ത​നം.

കാ​ല​പ്പ​ഴ​ക്കം കാ​ര​ണം ജീ​ർ​ണി​ച്ച നി​ല​യി​ലാ​ണ് കെ​ട്ടി​ടം. റെ​യി​ൽ​പ്പാ​ത​യോ​ടെ ചേ​ർ​ന്ന് അ​പ​ക​ടാ​വ​സ്ഥ​യി​ലാ​യ കെ​ട്ടി​ട​ത്തി​ൽ നി​ര​വ​ധി വി​ദ്യാ​ർ​ഥി​ക​ളാ​ണ് പ​ഠി​ക്കു​ന്ന​ത്. ഐ.​ടി.​ഐ സ​ർ​ക്കാ​ർ അ​നു​വ​ദി​ക്കു​മ്പോ​ൾ ഭാ​വി​യി​ൽ സ്വ​ന്ത​മാ​യി കെ​ട്ടി​ടം നി​ർ​മി​ക്കു​ന്ന​തി​നാ​വ​ശ്യ​മാ​യ സ്ഥ​ലം ത​ദ്ദേ​ശ സ്വ​യം​ഭ​ര​ണ സ്ഥാ​പ​നം വാ​ങ്ങി​ന​ൽ​ക​ണ​മെ​ന്ന​താ​യി​രു​ന്നു വ്യ​വ​സ്ഥ. എ​ട്ടു​വ​ർ​ഷ​ത്തോ​ള​മെ​ടു​ത്തി​ട്ടും പ​ഞ്ചാ​യ​ത്ത് വാ​ക്കു​പാ​ലി​ച്ചി​ല്ല. അ​ഞ്ചു ട്രേ​ഡു​ക​ളി​ലാ​യി നൂ​റു​ക​ണ​ക്കി​ന് വി​ദ്യാ​ർ​ഥി​ക​ളാ​ണ് ഇ​വി​ടെ പ​രി​ശീ​ല​നം നേ​ടു​ന്ന​ത്. എ​ൻ.​സി.​വി.​ടി മാ​ന​ദ​ണ്ഡ​ങ്ങ​ളി​ല്ലാ​തെ​യാ​ണ് ഐ.​ടി.​ഐ പ്ര​വ​ർ​ത്തി​ക്കു​ന്ന​തെ​ന്ന് ക​ണ്ടെ​ത്തി​യാ​ൽ സ്ഥാ​പ​ന​ത്തി​ൻ്റെ തു​ട​ർ പ്ര​വ​ർ​ത്ത​ന​ത്തി​നെ ത​ന്നെ ഇ​ത് ബാ​ധി​ച്ചേ​ക്കാം. കൂ​ടു​ത​ൽ ട്രേ​ഡു​ക​ൾ അ​നു​വ​ദി​ക്കു​ന്ന​തും ഐ.​ടി.​ഐ​യു​ടെ വി​ക​സ​ന​ത്തി​നും ഇ​ത് വി​ല​ങ്ങു​ത​ടി​യാ​ണ്. ഐ.​ടി.​ഐ​യു​ടെ പ്ര​വ​ർ​ത്ത​ന​ത്തി​ന് 1.70 ഏ​ക്ക​ർ സ്ഥ​ല​മാ​ണ് ആ​വ​ശ്യം.

ആ​വ​ശ്യ​മാ​യ സ​ർ​ക്കാ​ർ ഭൂ​മി മ​യ്യ​നാ​ട് പ​ഞ്ചാ​യ​ത്തി​ൽ ത​ന്നെ​യു​ണ്ടെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു. എ​ന്നാ​ൽ, ഈ ​സ്ഥ​ലം ഐ.​ടി.​ഐ​ക്ക്​ കെ​ട്ടി​ടം നി​ർ​മി​ക്കാ​ൻ വി​ട്ടു​ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് സ​ർ​ക്കാ​റി​ന് അ​പേ​ക്ഷ ന​ൽ​കി​യി​രു​ന്നെ​ങ്കി​ലും നി​ര​സി​ക്കു​ക​യാ​ണ് ഉ​ണ്ടാ​യ​തെ​ന്ന് പ​ഞ്ചാ​യ​ത്ത് അ​ധി​കൃ​ത​രും പ​റ​യു​ന്നു. ജി​ല്ല​യി​ൽ ഒ​രു വ​നി​ത ഐ.​ടി.​ഐ ഉ​ൾ​പ്പെ​ടെ ആ​കെ 11 സ​ർ​ക്കാ​ർ ഐ.​ടി.​ഐ​ക​ളാ​ണ് ഉ​ള്ള​ത്. ഇ​തി​ൽ ഭൂ​രി​ഭാ​ഗ​വും സ്വ​ന്തം കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന​വ​യും മ​റ്റു​ള്ള​വ സ്വ​ന്ത​മാ​യി ഉ​ണ്ടാ​ക്കു​ന്ന കെ​ട്ടി​ട​ത്തി​ലേ​ക്ക് പ്ര​വ​ർ​ത്ത​നം മാ​റ്റു​ന്ന​തി​നു​ള്ള ന​ട​പ​ടി​ക​ളും പൂ​ർ​ത്തി​യാ​യി വ​രി​ക​യാ​ണ്.