സാമ്പ്രാണിക്കോടി തുരുത്ത് തുറക്കണമെന്ന ആവശ്യം ശക്തം

അ​ഞ്ചാ​ലും​മൂ​ട്: ഡി.​ടി.​പി.​സി​യു​ടെ​യും തൃ​ക്ക​രു​വ പ​ഞ്ചാ​യ​ത്തി​ന്റെ​യും നി​യ​ന്ത്ര​ണ​ത്തി​ലു​ള്ള സാ​മ്പ്രാ​ണി​ക്കോ​ടി തു​രു​ത്ത് തു​റ​ന്ന് ന​ല്‍ക​ണ​മെ​ന്നാ​വ​ശ്യം ശ​ക്ത​മാ​കു​ന്നു. ക​ഴി​ഞ്ഞ ജൂ​ലൈ ഒ​മ്പ​തി​ന് സാ​മ്പ്രാ​ണി​ക്കോ​ടി തു​രു​ത്തി​ല്‍നി​ന്ന് ക​ച്ച​വ​ടം ക​ഴി​ഞ്ഞ് വീ​ട്ടി​ലേ​ക്ക് പോ​കു​ക​യാ​യി​രു​ന്ന വീ​ട്ട​മ്മ വ​ള്ളം​മ​റി​ഞ്ഞ് മ​രി​ച്ച സാ​ഹ​ച​ര്യ​ത്തി​ലാ​ണ് പ്ര​വേ​ശ​നം നി​രോ​ധി​ച്ച് ക​ല​ക്ട​ര്‍ ഉ​ത്ത​ര​വി​ട്ട​ത്. നി​യ​ന്ത്ര​ണം നി​ല​വി​ല്‍വ​ന്ന് ര​ണ്ട് മാ​സ​മാ​യി​ട്ടും തു​രു​ത്ത് തു​റ​ക്കാ​ത്ത​താ​ണ് പ്ര​തി​ഷേ​ധ​ത്തി​നി​ട​യാ​ക്കി​യി​രി​ക്കു​ന്ന​ത്. സാ​മ്പ്രാ​ണി​ക്കോ​ടി​യി​ലേ​ക്കു​ള്ള സ​ഞ്ചാ​രി​ക​ളു​ടെ ഒ​ഴു​ക്ക് നി​ല​ച്ച​തോ​ടെ ദു​രി​ത​ത്തി​ലാ​യ​ത് ഇ​വി​ടു​ത്തെ ടൂ​റി​സം വി​പ​ണി പ്ര​തീ​ക്ഷി​ച്ച് വാ​യ്പ​യെ​ടു​ത്തും മ​റ്റും ബോ​ട്ടു​ക​ള്‍ വാ​ങ്ങി​യ​വ​രാ​ണ്. സ​ഞ്ചാ​രി​ക​ള്‍ വ​രാ​താ​യ​തോ​ടെ ബോ​ട്ടി​നാ​യി എ​ടു​ത്ത വാ​യ്പ തി​രി​ച്ച​ട​ക്കാ​നാ​കാ​തെ സ​ങ്ക​ട​ക്ക​ട​ലി​ലാ​ണ് ബോ​ട്ടു​ട​മ​ക​ള്‍.

പ്ര​കൃ​തി​ഭം​ഗി നി​റ​ഞ്ഞ സാ​മ്പ്രാ​ണി​ക്കോ​ടി തു​രു​ത്ത് മാ​ധ്യ​മ വാ​ര്‍ത്ത​ക​ളി​ലും സ​മൂ​ഹ മാ​ധ്യ​മ​ങ്ങ​ളി​ലും നി​റ​ഞ്ഞ​തോ​ടെ​യാ​ണ് ടൂ​റി​സം ഭൂ​പ​ട​ത്തി​ല്‍ സ്ഥാ​നം പി​ടി​ച്ച​ത്. തു​രു​ത്തി​ന്റെ ദൃ​ശ്യ​ഭം​ഗി ആ​സ്വ​ദി​ക്കാ​ന്‍ കേ​ര​ള​ത്തി​ന് പു​റ​ത്തു​നി​ന്ന് വ​രെ സ​ഞ്ചാ​രി​ക​ളെ​ത്തി​യി​രു​ന്നു. തു​രു​ത്തി​ലേ​ക്കു​ള്ള യാ​ത്രാ​വി​ല​ക്ക് മാ​റ്റ​ണ​മെ​ന്നാ​വ​ശ്യ​പ്പെ​ട്ട് തൃ​ക്ക​രു​വ പ​ഞ്ചാ​യ​ത്തും നാ​ട്ടു​കാ​രും ബോ​ട്ട് ജീ​വ​ന​ക്കാ​രും ബോ​ട്ട് ഉ​ട​മ​ക​ളും ക​ല​ക്ട​ര്‍ക്കും ജ​ന​പ്ര​തി​നി​ധി​ക​ള്‍ക്കും നി​വേ​ദ​ന​ങ്ങ​ള്‍ ന​ല്‍കി​യെ​ങ്കി​ലും അ​ധി​കൃ​ത​ര്‍ അ​ന​ങ്ങി​യി​ട്ടി​ല്ല.

തു​രു​ത്ത് തു​റ​ക്കാ​ത്ത​തി​നെ തു​ട​ര്‍ന്ന് പ്ര​തി​ഷേ​ധ സൂ​ച​ക​മാ​യി സ്വാ​ത​ന്ത്ര്യ ദി​നാ​ഘോ​ഷ ഭാ​ഗ​മാ​യി ബോ​ട്ട് ച​ങ്ങ​ല​യും ബോ​ട്ട് റാ​ലി​യും നാ​ട്ടു​കാ​ര്‍ സം​ഘ​ടി​പ്പി​ച്ചി​രു​ന്നു. തു​രു​ത്ത് എ​ത്ര​നാ​ള്‍ നി​ല​നി​ല്‍ക്കു​മെ​ന്ന കാ​ര്യ​ത്തി​ല്‍ നി​യ​മ​സ​ഭ സ​മി​തി അം​ഗ​ങ്ങ​ള്‍ ആ​ശ​ങ്ക​യ​റി​യി​ക്കു​ക​യും ചെ​യ്തി​രു​ന്നു. അ​പ​ക​ട​ത്തി​നു​ശേ​ഷം യാ​ത്രാ​വി​ല​ക്ക് നീ​ക്കു​ന്ന​തി​ന് മു​ന്നോ​ടി​യാ​യി എ​ന്ന പേ​രി​ല്‍ ഡി.​ടി.​പി.​സി സെ​ക്ര​ട്ട​റി ക​ണ്‍വീ​ന​റാ​യി ടെ​ക്‌​നി​ക്ക​ല്‍ ക​മ്മി​റ്റി വി​ളി​ച്ചു​ചേ​ര്‍ത്തി​രു​ന്നു. തു​രു​ത്തി​ലേ​ക്കു​ള്ള യാ​ത്രാ​വി​ല​ക്കു​ക​ള്‍ ഉ​ട​ന്‍ നീ​ക്കു​മെ​ന്ന് ക​മ്മി​റ്റി​യി​ല്‍ അ​റി​യി​ച്ചി​രു​ന്ന​താ​ണെ​ങ്കി​ലും ന​ട​പ​ടി​ക​ള്‍ സ്വീ​ക​രി​ച്ചി​ട്ടി​ല്ല. എ​ത്ര​യും​വേ​ഗം തു​രു​ത്ത് തു​റ​ക്ക​ണ​മെ​ന്ന നി​ല​പാ​ടി​ലാ​ണ് ബോ​ട്ടു​ട​മ​ക​ള്‍ ഉ​ള്‍പ്പെ​ടെ​യു​ള്ള​വ​ര്‍.

ടൂ​റി​സം മ​ന്ത്രി​യെ ഇ​ന്ന് കാ​ണും

സാ​മ്പ്രാ​ണി​ക്കോ​ടി തു​രു​ത്ത് തു​റ​ക്കു​ന്ന​തു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ള്‍ അ​റി​യി​ക്കാ​നാ​യി തൃ​ക്ക​രു​വ പ​ഞ്ചാ​യ​ത്ത് പ്ര​സി​ഡ​ന്റി​ന്റെ നേ​തൃ​ത്വ​ത്തി​ലു​ള്ള സം​ഘം ബു​ധ​നാ​ഴ്ച ടൂ​റി​സം മ​ന്ത്രി മു​ഹ​മ്മ​ദ് റി​യാ​സി​നെ കാ​ണും. തു​രു​ത്ത് എ​ത്ര​യും​വേ​ഗം തു​റ​ക്ക​ണ​മെ​ന്നും ടൂ​റി​സം മു​ന്നി​ല്‍ക​ണ്ട് ബോ​ട്ട് വാ​ങ്ങി​യ ബോ​ട്ടു​ട​മ​ക​ളു​ടെ അ​വ​സ്ഥ​യും അ​വ​രു​ടെ ഉ​പ​ജീ​വ​നം മു​ട​ങ്ങി​യ​തി​നെ പ​റ്റി​യും അ​റി​യി​ക്കു​മെ​ന്നും പ​ഞ്ചാ​യ​ത്ത് പ്ര​സി​ഡ​ന്റ് സ​ര​സ്വ​തി രാ​മ​ച​ന്ദ്ര​ന്‍ പ​റ​ഞ്ഞു. തു​രു​ത്ത് ഓ​ണ​ത്തി​ന് മു​മ്പ് തു​റ​ക്കാ​നു​ള്ള ന​ട​പ​ടി​ക​ള്‍ ചെ​യ്യ​ണ​മെ​ന്നും അ​വ​ര്‍ ആ​വ​ശ്യ​പ്പെ​ട്ടു.

തു​രു​ത്ത് തു​റ​ന്ന് ന​ല്‍ക​ണ​മെ​ന്നാ​വ​ശ്യ​പ്പെ​ട്ട് മ​ന്ത്രി​ക്ക് നി​വേ​ദ​നം ന​ല്‍കി​യി​രു​ന്നെ​ങ്കി​ലും തീ​രു​മാ​ന​മാ​യി​രു​ന്നി​ല്ല. ഇ​തി​നെ​തു​ട​ര്‍ന്നാ​ണ് ബു​ധ​നാ​ഴ്ച മ​ന്ത്രി​യെ നേ​രി​ല്‍കാ​ണാ​ന്‍ തീ​രു​മാ​നി​ച്ച​ത്. കാ​ര്യ​ങ്ങ​ള്‍ ക​ല​ക്ട​റെ​യും സ്ഥ​ലം എം.​എ​ല്‍.​എ​യോ​ടും അ​ന്വേ​ഷി​ച്ചെ​ങ്കി​ലും മ​ന്ത്രി​ത​ല​ത്തി​ല്‍നി​ന്ന് തീ​രു​മാ​ന​മു​ണ്ടാ​യാ​ലേ തു​രു​ത്ത് തു​റ​ക്കാ​നാ​കൂ​വെ​ന്നാ​ണ് ഇ​രു​വ​രും അ​റി​യി​ച്ച​ത്. നി​ല​വി​ല്‍ 14 ബോ​ട്ടി​ന് ലൈ​സ​ന്‍സു​ണ്ട്. സാ​മ്പ്രാ​ണി​ക്കോ​ടി​യി​ല്‍ ലൈ​സ​ന്‍സ് ന​ല്‍കാ​നാ​യി 18000 രൂ​പ​വ​രെ ന​ല്‍കി കാ​ത്തി​രി​ക്കു​ന്ന​വ​രു​ണ്ട്. ഇ​വ​ര്‍ക്ക് ലൈ​സ​ന്‍സ് ന​ല്‍കാ​നു​ള്ള ന​ട​പ​ടി​ക​ള്‍ വേ​ഗ​ത്തി​ലാ​ക്ക​ണം.

പ​ഞ്ചാ​യ​ത്തും ഡി.​ടി.​പി.​സി​യും സം​യു​ക്ത​മാ​യി ആ​ലോ​ചി​ച്ച് ഒ​രു നി​ശ്ചി​ത തു​ക ബോ​ട്ടു​ക​ളി​ൽ​നി​ന്നും സ​ഞ്ചാ​രി​ക​ളി​ൽ​നി​ന്നും ഈ​ടാ​ക്കാ​നും ര​ണ്ട് ലൈ​ഫ് ഗാ​ര്‍ഡു​മാ​രെ നി​യ​മി​ക്കാ​നും ടെ​ക്‌​നി​ക്ക​ല്‍ ക​മ്മി​റ്റി തീ​രു​മാ​നി​ച്ച​താ​യി പ്ര​സി​ഡ​ന്റ് പ​റ​ഞ്ഞു. തു​രു​ത്ത് തു​റ​ന്നു​ന​ല്‍കി​യാ​ല്‍ പ​ഞ്ചാ​യ​ത്തും ഡി.​ടി.​പി.​സി​യും ചേ​ര്‍ന്ന് നി​യ​ന്ത്ര​ണ​ങ്ങ​ള്‍ ന​ട​പ്പാ​ക്കും. ഈ​പ്ര​ദേ​ശ​ത്തെ ജ​ന​ങ്ങ​ളു​ടെ​യും ബോ​ട്ടു​വാ​ങ്ങി ന​ഷ്ട​ത്തി​ലാ​യ ബോ​ട്ടു​ട​മ​ക​ളു​ടെ ദു​രി​ത​വും കാ​ണാ​ന്‍ മ​ന്ത്രി ക​ണ്ണു​തു​റ​ക്ക​ണ​മെ​ന്നും അ​വ​ര്‍ പ​റ​ഞ്ഞു.