ചായ കുടിച്ച പണം ചോദിച്ചതിന് വ്യാപാരിയെ കുത്തിക്കൊന്ന പ്രതിക്ക് ജീവപര്യന്തം

കൊ​ല്ലം: ചാ​യ കു​ടി​ച്ച വ​ക​യി​ൽ ന​ൽ​കാ​നു​ണ്ടാ​യി​രു​ന്ന പ​ണം ചോ​ദി​ച്ച​തി​ന്​ ചാ​യ​ക്ക​ട​യു​ട​മ​യെ കു​ത്തി​ക്കൊ​ന്ന കേ​സി​ൽ പ്ര​തി​ക്ക്​ ജീ​വ​പ​ര്യ​ന്തം ക​ഠി​ന​ത​ട​വും ഒ​രു​ല​ക്ഷം രൂ​പ പി​ഴ​യും ശി​ക്ഷ.

ച​ക്കു​വ​ള്ളി ഒ​സ്‌​താ​മു​ക്കി​ൽ ചാ​യ​ക്ക​ട ന​ട​ത്തി വ​ന്നി​രു​ന്ന പോ​രു​വ​ഴി കൂ​രാ​ക്കോ​ട്ടു​വി​ള​യി​ൽ സു​ധീ​റി(44) നെ ​കു​ത്തി​ക്കൊ​ന്ന കേ​സി​ൽ പ്ര​തി​യാ​യ ക​ന്യാ​കു​മാ​രി മാ​ർ​ത്താ​ണ്‌​ഡം സ്വ​ദേ​ശി​യാ​യ വ​ർ​ഗീ​സി​നെ (44) ആ​ണ്​ കൊ​ല്ലം ഫ​സ്റ്റ് അ​ഡീ​ഷ​ണ​ൽ ജി​ല്ല സെ​ഷ​ൻ​സ് ജ​ഡ്‌​ജി പി.​എ​ൻ. വി​നോ​ദ് ശി​ക്ഷി​ച്ച​ത്.

ക​ന്യാ​കു​മാ​രി​യി​ൽ നി​ന്ന് റ​ബ​ർ ടാ​പ്പി​ങ്​ ജോ​ലി ചെ​യ്യാ​നാ​യി ഒ​സ്‌​താ​മു​ക്കി​ന് സ​മീ​പ​മു​ള്ള അ​യ​ന്തി​വ​യ​ലി​ൽ വാ​ട​ക​ക്ക്​ താ​മ​സി​ക്കു​ക​യാ​യി​രു​ന്ന പ്ര​തി കൊ​ല്ല​പ്പെ​ട്ട സു​ധീ​റി​ന്‍റെ ചാ​യ​ക്ക​ട​യി​ലെ സ്ഥി​രം പ​റ്റു​കാ​ര​നാ​യി​രു​ന്നു. ചാ​യ ക​ഴി​ച്ച വ​ക​യി​ൽ 200 രൂ​പ പ്ര​തി കൊ​ടു​ക്കാ​നു​ണ്ടാ​യി​രു​ന്നു.

2017 ഡി​സം​ബ​ർ 27ന്​ ​വൈ​കി​ട്ട് ക​ട​യു​ടെ മു​ന്നി​ൽ വെ​ച്ച് സു​ധീ​ർ പ്ര​തി​യോ​ട് ഈ ​പ​ണം ചോ​ദി​ച്ചു. കേ​ൾ​ക്കാ​ത്ത ഭാ​വ​ത്തി​ൽ പോ​യ പ്ര​തി​യു​ടെ വീ​ട്ടി​ൽ ചെ​ന്ന് പ​ണം ചോ​ദി​ച്ച​തി​നെ തു​ട​ർ​ന്ന് സു​ധീ​റി​നെ റ​ബ​ർ ടാ​പ്പി​ങ്​ ക​ത്തി കൊ​ണ്ട് വ​യ​റ്റി​ൽ കു​ത്തി കൊ​ല​പ്പെ​ടു​ത്തു​ക​യാ​യി​രു​ന്നു.

പ്ര​തി​യോ​ടൊ​പ്പം താ​മ​സി​ച്ചി​രു​ന്ന ത​മി​ഴ്‌​നാ​ട്​ സ്വ​ദേ​ശി രാ​ജ​ൻ ദൃ​ക്സാ​ക്ഷി​യാ​യി​ട്ടും കോ​ട​തി​യി​ൽ പ്ര​തി​ക്ക് അ​നു​കൂ​ല​മാ​യി കൂ​റു​മാ​റി​യി​രു​ന്നു.​കേ​സി​ൽ അ​യ​ൽ​വാ​സി​യാ​യ സ്ത്രീ​യു​ടെ മൊ​ഴി​യാ​ണ്​ നി​ർ​ണാ​യ​ക​മാ​യ​ത്.

സം​ഭ​വം അ​റി​ഞ്ഞ് ഓ​ടി​യെ​ത്തി​യ സ​ഹോ​ദ​രി​യോ​ടും അ​ടു​ത്ത ക​ട​യി​ലെ ആ​ളോ​ടും ആം​ബു​ല​ൻ​സി​ൽ കൂ​ടെ​പോ​യ ആ​ളോ​ടും ‘വ​ർ​ഗീ​സ് എ​ന്നെ കു​ത്തി’ യെ​ന്ന് സു​ധീ​ർ പ​റ​ഞ്ഞ​തും നി​ർ​ണാ​യ​ക​മാ​യ മ​ര​ണ​മൊ​ഴി​യാ​ണെ​ന്ന് ക​ണ്ടെ​ത്തി​യാ​ണ് കോ​ട​തി പ്ര​തി​യെ ശി​ക്ഷി​ച്ച​ത്.

പ്രോ​സി​ക്യൂ​ഷ​ന് വേ​ണ്ടി ജി​ല്ല പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ.​സി​സി​ൻ ജി.​മു​ണ്ട​യ്ക്ക​ൽ ഹാ​ജ​രാ​യി. ശൂ​ര​നാ​ട് പൊ​ലീ​സ് സ​ബ് ഇ​ൻ​സ്പെ​ക്‌​ട​റാ​യി​രു​ന്ന വി. ​സ​തീ​ഷ്‌ കു​മാ​ർ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത‌ കേ​സി​ൽ ഇ​ൻ​സ്പെ​ക്‌​ട​ർ വി.​എ​സ്. പ്ര​ശാ​ന്ത് ആ​ണ്​ അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്.