കോർപറേഷൻ ബജറ്റ്​ ചർച്ചയിൽ നിറഞ്ഞത്​ രാഷ്ട്രീയം

കൊ​ല്ലം: പ്ര​ഖ്യാ​പ​ന​ങ്ങ​ളും ഭേ​ദ​ഗ​തി​നി​ർ​ദേ​ശ​ങ്ങ​ളും വ​ശം​ചേ​ർ​ന്ന്​ പോ​യ​പ്പോ​ൾ രാ​ഷ്ട്രീ​യ വാ​ദ​പ്ര​തി​വാ​ദ​ങ്ങ​ളും പ്ര​തി​രോ​ധ​വും നി​റ​ഞ്ഞ്​​ നാ​ല​ര മ​ണി​ക്കൂ​ർ നീ​ണ്ട കോ​ർ​പ​റേ​ഷ​ൻ ബ​ജ​റ്റ്​ ച​ർ​ച്ച.

തി​ങ്ക​ളാ​ഴ്ച ഡെ​പ്യൂ​ട്ടി മേ​യ​ർ കൊ​ല്ലം മ​ധു അ​വ​ത​രി​പ്പി​ച്ച 2024-25 സാ​മ്പ​ത്തി​ക​വ​ർ​ഷ​ത്തെ ബ​ജ​റ്റി​ന്മേ​ലു​ള്ള ച​ർ​ച്ച​യാ​ണ്​ ​മ​ണി​ക്കൂ​റു​ക​ളോ​ളം നീ​ണ്ട​ത്. ഒ​ടു​വി​ൽ ഏ​താ​നും കൗ​ൺ​സി​ല​ർ​മാ​ർ ച​ർ​ച്ച​ക്കി​ട​യി​ൽ പ​റ​ഞ്ഞ നി​ർ​ദേ​ശ​ങ്ങ​ളും ബാ​ക്കി കു​റി​പ്പ്​ ന​ൽ​കു​ന്ന​തു​കൂ​ടി പ​രി​ഗ​ണി​ക്കു​മെ​ന്ന്​ ഉ​റ​പ്പു​പ​റ​ഞ്ഞും പ്ര​തി​പ​ക്ഷ വി​യോ​ജി​പ്പോ​ടെ ബ​ജ​റ്റ്​ പാ​സാ​യ​താ​യി മേ​യ​ർ പ്ര​സ​ന്ന ഏ​ണ​സ്റ്റ്​ പ്ര​ഖ്യാ​പി​ച്ചു. എ​ൽ.​ഡി.​എ​ഫ്​ അം​ഗ​ങ്ങ​ൾ ബ​ജ​റ്റി​നോ​ട്​ യോ​ജി​ച്ച്​ കൈ​യു​യ​ർ​ത്തി​യ​പ്പോ​ൾ യു.​ഡി.​എ​ഫ്, ബി.​ജെ.​പി, എ​സ്.​ഡി.​പി.​ഐ അം​ഗ​ങ്ങ​ൾ വി​യോ​ജി​ച്ചു. അം​ഗീ​ക​രി​ക്കു​ന്ന​വ​ർ കൈ​യു​യ​ർ​ത്താ​ൻ മേ​യ​ർ പ​റ​ഞ്ഞ​പ്പോ​ൾ കോ​ൺ​ഗ്ര​സി​ന്‍റെ എ​സ്. ശ്രീ​ദേ​വി​യ​മ്മ കൈ​യു​യ​ർ​ത്താ​ൻ തു​ട​ങ്ങി​യ​ത്​ യു.​ഡി.​എ​ഫ്​ പാ​ർ​ല​മെ​ന്‍റ​റി പാ​ർ​ട്ടി അ​ധ്യ​ക്ഷ​ൻ ഇ​ട​പെ​ട്ട്​ ത​ട​ഞ്ഞു. കോ​ർ​പ​റേ​ഷ​നി​ലെ കു​ടി​വെ​ള്ള-​മാ​ലി​ന്യ-​വി​ക​സ​ന​പ്ര​ശ്ന​ങ്ങ​ൾ മു​ത​ൽ യു.​എ.​ഇ​യി​ൽ ക്ഷേ​ത്രം ഉ​ദ്​​ഘാ​ട​നം ചെ​യ്യു​ന്ന​തും അ​യോ​ധ്യ രാ​മ​ക്ഷേ​ത്ര​വും എ​ൻ.​കെ. പ്രേ​മ​ച​ന്ദ്ര​ൻ എം.​പി ന​രേ​ന്ദ്ര മോ​ദി​ക്കൊ​പ്പം ഭ​ക്ഷ​ണം ക​ഴി​ച്ച​തും ദേ​വ​സ്വം ബോ​ർ​ഡി​ന്‍റെ പ​ണ​വും പാ​ർ​വ​തി മി​ല്ലും ഉ​ൾ​പ്പെ​ടെ രാ​ഷ്ട്രീ​യ​ച​ർ​ച്ച​ക​ൾ​ക്ക്​ വ​ഴി​തെ​ളി​ച്ചു.

കു​ടി​വെ​ള്ളം, മാ​ലി​ന്യം ഉ​ൾ​പ്പെ​ടെ വി​ഷ​യ​ങ്ങ​ളി​ൽ കോ​ർ​പ​റേ​ഷ​ൻ വ​ൻ പ​രാ​ജ​യ​മാ​ണെ​ന്ന യു.​ഡി.​എ​ഫ്​ പാ​ർ​ല​മെ​ന്‍റ​റി പാ​ർ​ട്ടി അ​ധ്യ​ക്ഷ​ൻ ജോ​ർ​ജ്​ ഡി. ​കാ​ട്ടി​ലി​ന്‍റെ കു​റ്റ​പ്പെ​ടു​ത്ത​ലി​ന്​ വി​വി​ധ പ​ദ്ധ​തി​ക​ൾ വി​ശ​ദീ​ക​രി​ച്ച്​ മേ​യ​ർ മ​റു​പ​ടി ന​ൽ​കി. മു​മ്പ്​ പോ​ള​യ​ത്തോ​ട്​ ഉ​ൾ​പ്പെ​ടെ മാ​ലി​ന്യം കെ​ട്ടി​ക്കി​ട​ന്ന​തി​ൽ നി​ന്ന്​ ഇ​ന്ന്​ ന​ഗ​ര​ത്തി​ൽ മാ​ലി​ന്യ​ക്കൂ​മ്പാ​ര​മി​ല്ലാ​ത്ത അ​വ​സ്ഥ​ മേ​യ​ർ ചൂ​ണ്ടി​ക്കാ​ട്ടി.

കു​രീ​പ്പു​ഴ ച​ണ്ടി ഡി​പ്പോ​യി​ലെ ബ​യോ​മൈ​നി​ങ്​ വി​ജ​യ​ക​ര​മാ​യി പൂ​ർ​ത്തി​യാ​യ​തും ഓ​ർ​മി​പ്പി​ച്ചു. ഞാ​ങ്ക​ട​വ്​ പ​ദ്ധ​തി പു​രോ​ഗ​തി വി​ശ​ദീ​ക​രി​ച്ച് കു​ടി​വെ​ള്ള​ക്ഷാ​മം സം​ബ​ന്ധി​ച്ച ആ​രോ​പ​ണം ത​ള്ളി. മ​ൻ​മോ​ഹ​ൻ സി​ങ് പ്ര​ധാ​ന​മ​ന്ത്രി​യാ​യി​രു​ന്ന കാ​ല​ത്ത്​ കൊ​ല്ലം കോ​ർ​പ​റേ​ഷ​നെ ​ജെ​നു​റം പ​ദ്ധ​തി​യി​ൽ ഉ​ൾ​പ്പെ​ടു​ത്താ​ൻ ഡ​ൽ​ഹി​യി​ൽ പോ​യി രാ​ഷ്ട്ര​പ​തി​ക്ക്​ നി​വേ​ദ​നം ന​ൽ​കി​യും പി​ന്നീ​ട്​ ബി.​ജെ.​പി ഭ​ര​ണ​ത്തു​ട​ക്ക​ത്തി​ൽ അ​മൃ​ത്​ പ​ദ്ധ​തി​യി​ൽ ഉ​ൾ​പ്പെ​ടു​ത്താ​ൻ ന​ട​ത്തി​യ ശ്ര​മ​ങ്ങ​ളു​മാ​ണ്​ ഇ​ന്ന​ത്തെ വി​ക​സ​ന പ്ര​വ​ർ​ത്ത​ന​ങ്ങ​ളു​ടെ തു​ട​ക്കം. വ​ന്ന വ​ഴി മ​റ​ക്ക​രു​തെ​ന്നും മേ​യ​ർ ​പ​റ​ഞ്ഞു.

ദീ​ർ​ഘ​വീ​ക്ഷ​ണം ഇ​ല്ലാ​ത്ത ബ​ജ​റ്റ് ആ​വ​ർ​ത്ത​ന​മാ​ണെ​ന്ന്​ യു.​ഡി.​എ​ഫ്, ബി.​ജെ.​പി അം​ഗ​ങ്ങ​ൾ ആ​രോ​പി​ച്ചു. കോ​ർ​പ​റേ​ഷ​ന്റെ ത​ന​ത് വ​രു​മാ​ന​മാ​ർ​ഗം ഉ​ണ്ടാ​ക്കു​ന്ന ബൃ​ഹ​ത്താ​യ പ​ദ്ധ​തി​ക​ൾ ബ​ജ​റ്റി​ലി​ല്ലെ​ന്നും യു.​ഡി.​എ​ഫ്​ അം​ഗ​ങ്ങ​ൾ ആ​രോ​പി​ച്ചു. ഭ​ര​ണ​സ​മി​തി​യെ​കൊ​ണ്ട്​ ചെ​യ്യാ​ൻ ക​ഴി​യാ​ത്ത പ്ര​ഖ്യാ​പ​ന​ങ്ങ​ളാ​ണ്​ ബ​ജ​റ്റി​ലെ​ന്ന്​ ബി.​ജെ.​പി പ​റ​ഞ്ഞു. ദേ​വ​സ്വം ബോ​ർ​ഡി​ന്‍റെ പ​ണം സ​ർ​ക്കാ​ർ എ​ടു​ക്കു​ന്നു എ​ന്ന ത​ര​ത്തി​ൽ ബി.​ജെ.​പി അം​ഗം ഷൈ​ല​ജ​യു​ടെ പ്ര​സ്താ​വ​ന​ക്ക്​ സ്ഥി​രം​സ​മി​തി അ​ധ്യ​ക്ഷ​ൻ എ.​കെ. സ​വാ​ദ്​ മ​റു​പ​ടി ന​ൽ​ക​വെ ഇ​രു​കൂ​ട്ട​രും ത​മ്മി​ൽ വാ​ക്കേ​റ്റം രൂ​ക്ഷ​മാ​യി. എ​ടാ​പോ​ടാ വി​ളി​ക​ളു​മാ​യി പ​ര​സ്​​പ​രം കൊ​മ്പു​കോ​ർ​ത്ത​തോ​ടെ മേ​യ​ർ ഇ​ട​പെ​ട്ട്​ രം​ഗം ശാ​ന്ത​മാ​ക്കി. സ്വ​പ്നം ക​ണ്ട​ത്​ പ്രാ​വ​ർ​ത്തി​ക​മാ​ക്കു​ക​യാ​ണ്​ ഭ​ര​ണ​സ​മി​തി ചെ​യ്യു​ന്ന​തെ​ന്നും വീ​ട്ടു​മു​റ്റ​ങ്ങ​ളി​ൽ പോ​ലും ന​ട​ക്കു​ന്ന വി​ക​സ​ന​പ്ര​വ​ർ​ത്ത​ന​ങ്ങ​ൾ​ കാ​ണാ​തെ പോ​ക​രു​തെ​ന്നും ഡെ​പ്യൂ​ട്ടി മേ​യ​ർ കൊ​ല്ലം മ​ധു പ​റ​ഞ്ഞു. സ്ഥി​രം സ​മി​തി അ​ധ്യ​ക്ഷ​രാ​യ എ​സ്. ജ​യ​ൻ, സ​ജീ​വ്​ സോ​മ​ൻ, എ​സ്. ഗീ​താ​കു​മാ​രി, യു. ​പ​വി​ത്ര, എ​സ്. സ​വി​ത​ദേ​വി, കൗ​ൺ​സി​ല​ർ​മാ​രാ​യ ടി.​ആ​ർ. അ​ഭി​ലാ​ഷ്, ജി. ​ഉ​ദ​യ​കു​മാ​ർ, എം. ​സ​ജീ​വ്, എ​സ്. സ്വ​ർ​ണ​മ്മ, എ. ​അ​നീ​ഷ്​ കു​മാ​ർ, ഹ​ണി ബെ​ഞ്ച​മി​ൻ, ടി.​പി. അ​ഭി​മ​ന്യു എ​ന്നി​വ​രും സം​സാ​രി​ച്ചു.