Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightകലക്ടർ ഇടപെട്ടു;...

കലക്ടർ ഇടപെട്ടു; ശാസ്​താംകോട്ട തടാകത്തിൽനിന്ന് പൈപ്പുകൾ നീക്കിത്തുടങ്ങി

text_fields
bookmark_border
കലക്ടർ ഇടപെട്ടു; ശാസ്​താംകോട്ട തടാകത്തിൽനിന്ന് പൈപ്പുകൾ നീക്കിത്തുടങ്ങി
cancel
camera_alt

ത​ടാ​ക​ത്തി​ൽ​നി​ന്ന് പൈ​പ്പു​ക​ൾ നീ​ക്കം ചെ​യ്യു​ന്നു

ശാ​സ്​​താം​കോ​ട്ട: ജി​ല്ല ക​ല​ക്ട​റു​ടെ ഇ​ട​പെ​ട​ൽ​മൂ​ലം വ​ർ​ഷ​ങ്ങ​ളാ​യി ത​ടാ​ക​ത്തി​ൽ കി​ട​ന്ന കാ​സ്റ്റ് അ​യ​ൺ പൈ​പ്പു​ക​ൾ ത​ടാ​ക​ത്തി​ൽ​നി​ന്ന് നീ​ക്കം ചെ​യ്ത് തു​ട​ങ്ങി. വെ​ള്ളി​യാ​ഴ്ച രാ​വി​ലെ മു​ത​ലാ​ണ് പാ​രി​സ്ഥി​തി​ക പ്ര​ശ്​​ന​ങ്ങ​ൾ സൃ​ഷ്ടി​ച്ചു​വ​ന്ന പൈ​പ്പു​ക​ൾ മാ​റ്റി​ത്തു​ട​ങ്ങി​യ​ത്.

വ​ർ​ഷ​ങ്ങ​ൾ​ക്ക് മു​മ്പ് ശാ​സ്താം​കോ​ട്ട ത​ടാ​ക​ത്തി​ലെ ജ​ല​നി​ര​പ്പ് ക്ര​മാ​തീ​ത​മാ​യി താ​ഴു​ക​യും ജ​ല​വി​ത​ര​ണം പ്ര​തി​സ​ന്ധി​യി​ലാ​കു​ക​യും ചെ​യ്ത ഘ​ട്ട​ത്തി​ൽ പ​ടി​ഞ്ഞാ​റെ ക​ല്ല​ട ക​ട​പു​ഴ​യി​ൽ ത​ട​യ​ണ കെ​ട്ടി അ​വി​ടെ​നി​ന്ന്​ ജ​ലം പൈ​പ്പ് വ​ഴി ശാ​സ്താം​കോ​ട്ട​യി​ലെ വാ​ട്ട​ർ ട്രീ​റ്റ്മെൻറ് പ്ലാ​ൻ​റി​ൽ എ​ത്തി​ച്ച് ശു​ദ്ധീ​ക​രി​ച്ച് വി​ത​ര​ണം ചെ​യ്യു​ന്ന​തി​ന് ആ​രം​ഭി​ച്ച ബ​ദ​ൽ കു​ടി​വെ​ള്ള പ​ദ്ധ​തി​ക്കു​വേ​ണ്ടി ത​ടാ​ക​ത്തി​ൽ ഇ​റ​ക്കി​യി​ട്ട​താ​യി​രു​ന്നു പൈ​പ്പു​ക​ൾ.

14.50 കോ​ടി​യു​ടെ പ​ദ്ധ​തി പ്ര​കാ​രം ക​ട​പു​ഴ​യി​ൽ​നി​ന്ന് ശാ​സ്താം​കോ​ട്ട​വ​രെ അ​ഞ്ചു കി​ലോ​മീ​റ്റ​റോ​ളം പൈ​പ്പി​ടീ​ൽ ആ​രം​ഭി​ച്ചെ​ങ്കി​ലും പ​ദ്ധ​തി​ക്കെ​തി​രെ മ​ൺ​റോ​തു​രു​ത്ത് അ​ട​ക്ക​മു​ള്ള പ​ഞ്ചാ​യ​ത്തു​ക​ൾ പ്ര​തി​ഷേ​ധ​വു​മാ​യി രം​ഗ​ത്തു​വ​ന്ന​തോ​ടെ പ​ണി നി​ല​യ്ക്കു​ക​യും 7.67 കോ​ടി രൂ​പ ചെ​ല​വ​ഴി​ച്ച പ​ദ്ധ​തി പി​ന്നീ​ട് ഉ​പേ​ക്ഷി​ക്കു​ക​യു​മാ​യി​രു​ന്നു.

ഇ​തോ​ടെ 2013 മു​ത​ൽ ത​ടാ​ക​ത്തി​ൽ കാ​യ​ൽ ബ​ണ്ട് ഭാ​ഗ​ത്ത് ഇ​റ​ക്കി​വെ​ച്ച ഉ​ന്ന​ത ഗു​ണ​നി​ല​വാ​ര​മു​ള്ള പൈ​പ്പു​ക​ൾ ത​ടാ​ക​ത്തി​ലി​രു​ന്ന് ന​ശി​ക്കു​ക​യാ​യി​രു​ന്നു. പൈ​പ്പു​ക​ൾ ഇ​റ​ക്കി​വെ​ച്ച സ​മ​യ​ത്ത് ത​ടാ​ക​ത്തി​ൽ വെ​ള്ള​മി​ല്ലാ​യി​രു​ന്നു. എ​ന്നാ​ൽ, പി​ന്നീ​ട് ജ​ലം നി​റ​ഞ്ഞ​തോ​ടെ പൈ​പ്പു​ക​ൾ വെ​ള്ള​ത്തി​ൽ മു​ങ്ങു​ക​യും ഇ​തി​ൽ​നി​ന്ന് തു​രു​മ്പ് ത​ടാ​ക​ത്തി​ലെ വെ​ള്ള​ത്തി​ൽ ക​ല​രു​ക​യും ചെ​യ്യു​ന്ന അ​വ​സ്ഥ​യു​ണ്ടാ​യി.

നൂ​റോ​ളം പൈ​പ്പു​ക​ളാ​ണ് ഈ ​വി​ധ​ത്തി​ൽ ത​ടാ​ക​ത്തി​ലി​രു​ന്ന് ന​ശി​ച്ചി​രു​ന്ന​ത്. പൈ​പ്പു​ക​ൾ നീ​ക്കം ചെ​യ്യ​ണ​മെ​ന്ന് നി​ര​വ​ധി ത​വ​ണ വാ​ട്ട​ർ അ​തോ​റി​റ്റി അ​ധി​കൃ​ത​ർ​ക്ക് പ​രാ​തി ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. ഏ​തെ​ങ്കി​ലും പ്രാ​ദേ​ശി​ക കു​ടി​വെ​ള്ള പ​ദ്ധ​തി​ക്കു​വേ​ണ്ടി ഉ​പ​യോ​ഗി​ക്ക​ണ​മെ​ന്ന നി​ർ​ദേ​ശ​വും ന​ട​പ്പാ​യി​ല്ല.

തു​ട​ർ​ന്ന് പൊ​തു​പ്ര​വ​ർ​ത്ത​ക​നും ഗ്രാ​മ​പ​ഞ്ചാ​യ​ത്ത് മു​ൻ അം​ഗ​വു​മാ​യ എ​സ്. ദി​ലീ​പ് കു​മാ​ർ ജി​ല്ല ലീ​ഗ​ൽ സ​ർ​വി​സ് അ​തോ​റി​റ്റി​യി​ൽ പ​രാ​തി ന​ൽ​കു​ക​യും പൈ​പ്പു​ക​ൾ മാ​റ്റാ​ൻ ന​ട​പ​ടി സ്വീ​ക​രി​ക്കാ​ൻ ക​ല​ക്ട​ർ​ക്ക് നി​ർ​ദേ​ശം ന​ൽ​കു​ക​യും ചെ​യ്തു. മ​റ്റ് നി​ര​വ​ധി പൊ​തു​പ്ര​വ​ർ​ത്ത​ക​രും ഇ​തേ ആ​വ​ശ്യം ഉ​ന്ന​യി​ച്ച് ക​ല​ക്ട​ർ​ക്ക് പ​രാ​തി ന​ൽ​കി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ര​ണ്ടാ​ഴ്ച മു​മ്പ് ക​ല​ക്ട​ർ ത​ടാ​കം സ​ന്ദ​ർ​ശി​ക്കു​ക​യും പൈ​പ്പു​ക​ൾ നീ​ക്കം ചെ​യ്യാ​ൻ വാ​ട്ട​ർ അ​തോ​റി​റ്റി​ക്ക്​ നി​ർ​ദേ​ശം ന​ൽ​കു​ക​യും ചെ​യ്തു.

ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് പൈ​പ്പു​ക​ൾ ത​ടാ​ക​ത്തി​ൽ​നി​ന്ന് നീ​ക്കം ചെ​യ്ത് തു​ട​ങ്ങി​യ​ത്. പൈ​പ്പു​ക​ൾ പൂ​ർ​ണ​മാ​യും നീ​ക്കം ചെ​യ്യു​ന്ന​തി​ന് ഒ​രാ​ഴ്ച​ത്തെ സ​മ​യം വേ​ണ്ടി​വ​രു​മെ​ന്നാ​ണ് ക​ണ​ക്കു​കൂ​ട്ടു​ന്ന​ത്. കോ​വൂ​ർ കു​ഞ്ഞു​മോ​ൻ എം.​എ​ൽ.​എ, വാ​ട്ട​ർ അ​തോ​റി​റ്റി ബോ​ർ​ഡ് മെം​ബ​ർ ഉ​ഷാ​ല​യം ശി​വ​രാ​ജ​ൻ, ബ്ലോ​ക്ക്‌ പ​ഞ്ചാ​യ​ത്ത് പ്ര​സി​ഡ​ന്റ് അ​ൻ​സ​ർ ഷാ​ഫി, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ൻ​റ് ഗീ​ത, വൈ​സ് പ്ര​സി​ഡ​ന്റ് ആ​ർ. അ​ജ​യ​കു​മാ​ർ, പ്രോ​ജ​ക്ട് അ​സി.​എ​ൻ​ജി​നീ​യ​ർ ആ​ന​ന്ദ്, സം​ര​ക്ഷ​ണ​സ​മി​തി നേ​താ​ക്ക​ളാ​യ ശാ​സ്താം​കോ​ട്ട ദി​ലീ​പ്, തോ​പ്പി​ൽ നി​സാ​ർ എ​ന്നി​വ​രു​ടെ സാ​ന്നി​ധ്യ​ത്തി​ലാ​ണ് പൈ​പ്പ് നീ​ക്കം ചെ​യ്യ​ൽ ആ​രം​ഭി​ച്ച​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:CollectorShastamkota lake
News Summary - Collector intervened; Pipes have started to be removed from Shastamkota lake
Next Story