തകർന്ന് കൂട്ടിക്കട റെയിൽവേ ഗേറ്റ് റോഡ്​; യാത്ര ദുരിതം

മ​യ്യ​നാ​ട്: കൂ​ട്ടി​ക്ക​ട​യി​ൽ റെ​യി​ൽ​വേ അ​ധി​കൃ​ത​ർ നാ​ട്ടു​കാ​രോ​ടു​ള്ള വെ​ല്ലു​വി​ളി തു​ട​രു​ന്നു. കു​ഴി​ക​ളി​ൽ വീ​ഴാ​തെ കൂ​ട്ടി​ക്ക​ട റെ​യി​ൽ​വേ ഗേ​റ്റ് ക​ട​ക്കാ​ൻ ക​ഴി​യാ​ത്ത സ്ഥി​തി​യാ​ണു​ള്ള​ത്.

റെ​യി​ൽ​വേ വ​ക സ്ഥ​ല​ത്തു​ള്ള റോ​ഡ് ത​ക​ർ​ന്നി​ട്ട് നാ​ളേ​റെ​യാ​യെ​ങ്കി​ലും പു​ന​ർ​നി​ർ​മി​ക്കു​ന്ന കാ​ര്യ​ത്തി​ൽ റെ​യി​ൽ​വേ അ​ധി​കൃ​ത​ർ യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ല. ഗേ​റ്റ് തു​റ​ക്കു​മ്പോ​ഴും അ​ട​യ്​​ക്കു​മ്പോ​ഴും ഗ​താ​ഗ​ത​ക്കു​രു​ക്ക് പ​തി​വാ​യ ഇ​വി​ടെ ഇ​രു​ച​ക്ര​വാ​ഹ​ന​ങ്ങ​ൾ കു​ഴി​യി​ൽ വീ​ണ് അ​പ​ക​ട​ങ്ങ​ളും ഗ​താ​ഗ​ത ത​ട​സ്സ​വും പ​തി​വാ​യ​തോ​ടെ വ്യാ​പാ​രി​ക​ൾ ചേ​ർ​ന്ന് കു​ഴി​ക​ൾ അ​ട​ച്ചി​രു​ന്നു. മ​ഴ​ക്കാ​ല​ത്ത് ഇ​വി​ടെ വീ​ണ്ടും കു​ഴി​ക​ൾ രൂ​പ​പ്പെ​ടു​ക​യാ​യി​രു​ന്നു. റോ​ഡ് പൊ​ട്ടി​പ്പൊ​ളി​ഞ്ഞ അ​വ​സ്ഥ​യി​ലാ​ണ്.

വി​വ​രം വ്യാ​പാ​രി​ക​ളും നാ​ട്ടു​കാ​രും പ​ല​ത​വ​ണ റെ​യി​ൽ​വേ അ​ധി​കൃ​ത​രെ അ​റി​യി​ച്ചെ​ങ്കി​ലും യാ​തൊ​രു ഫ​ല​വും ഉ​ണ്ടാ​യി​ല്ല. പ​രി​സ​ര​ത്തു​ള്ള റെ​യി​ൽ​വേ ഗേ​റ്റു​ക​ളു​ടെ വ​ശ​ങ്ങ​ളി​ലെ റോ​ഡു​ക​ൾ ടാ​ർ ചെ​യ്ത് സ​ഞ്ചാ​ര​യോ​ഗ്യ​മാ​ക്കി​യെ​ങ്കി​ലും കൂ​ട്ടി​ക്ക​ട​യോ​ട് റെ​യി​ൽ​വേ​ക്കു​ള്ള അ​വ​ഗ​ണ​ന തു​ട​രു​ക​യാ​ണ്. മേ​ൽ​പ്പാ​ല നി​ർ​മാ​ണ​ത്തി​നാ​യി ഇ​ര​വി​പു​രം ഗേ​റ്റ് അ​ട​ച്ചു​പൂ​ട്ടി​യ​തോ​ടെ കൂ​ട്ടി​ക്ക​ട ഗേ​റ്റി​ൽ വ​ലി​യ ഗ​താ​ഗ​ത തി​ര​ക്കാ​ണു​ള്ള​ത്.