പൊളിഞ്ഞു നിൽപ്പാണ്​ കൊല്ലത്തും കെട്ടിടങ്ങൾ

കൊ​ല്ല​ത്തി​നു​മു​ണ്ട്​ പ​റ​യാ​നേ​റെ. നി​ലം​പൊ​ത്താ​റാ​യ നി​ര​വ​ധി കെ​ട്ടി​ട​ങ്ങ​ൾ പൊ​തു സ്വ​കാ​ര്യ ഉ​ട​മ​സ്ഥ​ത​യി​ൽ ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ത​ങ്ങ​ളു​ടെ ഊ​ഴ​വും കാ​ത്തു​നി​ൽ​പ്പാ​ണ്. കാ​ല​പ്പ​ഴ​ക്ക​ത്താ​ൽ ജീ​ർ​ണാ​വ​സ്ഥ​യി​ലാ​യ കെ​ട്ടി​ട​ങ്ങ​ളാ​ണ്​ ഇ​വ​യി​ല​ധി​ക​വും.

ഭീ​തി​യു​ടെ ന​ടു​വി​ൽ കെ.​എ​സ്.​ആ​ർ.​ടി.​സി

കൊ​ല്ലം: വ​ർ​ഷ​ങ്ങ​ളാ​യി കൊ​ല്ലം​കാ​ർ കേ​ട്ട്​ ത​ഴ​മ്പി​ച്ച​താ​ണ്​ കെ.​എ​സ്.​ആ​ർ.​ടി.​സി ഡി​പ്പോ​യു​ടെ വി​ക​സ​നം. എ​ന്നാ​ലി​പ്പോ​ഴും ഫാ​നി​ട്ടാ​ൽ പേ​ടി​ക്കേ​ണ്ട അ​വ​സ്ഥ​യി​ലാ​ണ്​ ന​ഗ​ര​ത്തി​ന്‍റെ ന​ടു​വി​ലെ കെ.​എ​സ്.​ആ​ർ.​ടി.​സി കെ​ട്ടി​ട​മെ​ന്ന്​ ജീ​വ​ന​ക്കാ​ർ പ​റ​യു​ന്നു. ജീ​വ​ന​ക്കാ​രും ക​ച്ച​വ​ട​സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രു​മ​ട​ക്കം അ​മ്പ​തോ​ളം പേ​ർ കെ​ട്ടി​ട​ത്തി​ന​ക​ത്ത് ജോ​ലി​ചെ​യ്യു​ന്നു​ണ്ട്. അ​ന്ത​ർ സം​സ്ഥാ​ന സ​ർ​വി​സു​ക​ള​ട​ക്കം 80ലേ​റെ ബ​സ് സ​ർ​വി​സു​ക​ളാ​ണ് കൊ​ല്ലം ഡി​പ്പോ​യി​ൽ നി​ന്നു​ള്ള​ത്. കൂ​ടാ​തെ ഇ​വി​ടെ​യെ​ത്തു​ന്ന യാ​ത്ര​ക്കാ​രും നി​ര​വ​ധി​യാ​ണ്.

എ​പ്പോ​ഴാ​ണ്​ കോ​ൺ​ഗ്രീ​റ്റ്​ പാ​ളി​ക​ൾ അ​ട​ർ​ന്നു​വീ​ഴു​ന്ന​തെ​ന്ന്​ അ​റി​യി​ല്ല. ഭി​ത്തി​ക​ൾ മി​ക്ക​തും വി​ണ്ടു​കീ​റി, ക​ത​കു​ക​ളും ജ​ന​ലു​ക​ളും ഇ​ള​കി ത​ക​ർ​ന്ന നി​ല​യി​ലാ​ണ്. പ​ല​യി​ട​ങ്ങ​ളി​ലും കോ​ൺ​ക്രീ​റ്റ് ത​ക​ർ​ന്നു തു​രു​മ്പി​ച്ചു ദ്ര​വി​ച്ച ക​മ്പി​ക​ൾ വ​രെ പു​റ​ത്തു​കാ​ണാം. കെ​ട്ടി​ട​ത്തി​ന്റെ പ​ല ഭാ​ഗ​ത്തും ചോ​ർ​ച്ച​യു​ണ്ട്. പു​റ​ത്തെ പ​ല ഭാ​ഗ​ത്തും കോ​ൺ​ക്രീ​റ്റ് സ്ലാ​ബു​ക​ൾ പൊ​ട്ടി​ക്കി​ട​ക്കു​ന്ന​തും കാ​ണാം. ഇ​തി​ലെ ക​മ്പി​ക​ളും അ​പ​ക​ട​മു​ണ്ടാ​ക്കാം. തൂ​ണു​ക​ളും ദ്ര​വി​ച്ചു ക​ഴി​ഞ്ഞി​ട്ടു​ണ്ട്. സ്ത്രീ​ക​ളു​ടെ വി​ശ്ര​മ​മു​റി​യു​ടെ​യും മ​റ്റു മു​റി​ക​ളു​ടെ​യു​മെ​ല്ലാം അ​വ​സ്ഥ തീ​ർ​ത്തും പ​രി​താ​പ​ക​ര​മാ​ണ്.

കെ.​എ​സ്.​ആ​ർ.​ടി.​സി ഓ​ഫി​സും ഡി​പ്പോ​യും താ​ലൂ​ക്ക് ഓ​ഫി​സ് ജ​ങ്​​ഷ​നി​ലേ​ക്ക് മാ​റ്റു​ന്ന​തി​നു പ​ദ്ധ​തി ത​യാ​റാ​ക്കി​യി​രു​ന്നു. നേ​ര​ത്തെ ത​യാ​റാ​ക്കി​യ പ​ദ്ധ​തി മാ​റ്റി​വെ​ച്ചാ​ണ് പു​തി​യ പ​ദ്ധ​തി. ഓ​ഫി​സ്, ഡി​പ്പോ, ഗാ​രേ​ജ് ഉ​ൾ​പ്പെ​ടെ മു​ഴു​വ​ൻ സം​വി​ധാ​ന​വും താ​ലൂ​ക്ക് ഓ​ഫി​സ് ജ​ങ്​​ഷ​നി​ൽ നി​ല​വി​ൽ ഗാ​രേ​ജ് പ്ര​വ​ർ​ത്തി​ക്കു​ന്ന സ്ഥ​ല​ത്തേ​ക്കു​മാ​റ്റാ​നാ​ണ്​ അ​വ​സാ​ന​മാ​യി പ​ദ്ധ​തി ത​യാ​റാ​ക്കി​യി​രി​ക്കു​ന്ന​ത്. എ​ന്നാ​ൽ, ഈ ​കാ​ത്തി​രി​പ്പ് തു​ട​ങ്ങി​യി​ട്ട് നാ​ളേ​റെ​യാ​യി.

ചികിത്സ വേ​ണ്ട​ത്​ ആ​ശു​പ​ത്രി​ക്ക്​

കൊ​ല്ലം ജി​ല്ല ആ​ശു​പ​ത്രി ഗു​രു​ത​ര ദു​ര​വ​സ്ഥ​യി​ൽ. ആ​ശു​പ​ത്രി​യു​ടെ പ​ല കെ​ട്ടി​ട​ഭാ​ഗ​ങ്ങ​ളി​ലും കോ​ൺ​ക്രീ​റ്റ് പാ​ളി​ക​ൾ അ​ട​ർ​ന്നു വീ​ഴാ​നു​ള്ള സാ​ധ്യ​ത​യു​മാ​യി ക​മ്പി​ക​ൾ പു​റ​ത്തേ​ക്ക് തെ​ളി​ഞ്ഞ നി​ല​യി​ലാ​ണ്. ദി​വ​സ​വും 2000 ഓ​ളം ആ​ളു​ക​ൾ ചി​ക​ത്സ തേ​ടി​യെ​ത്തു​ന്ന ജി​ല്ല​യി​ലെ പ്ര​ധാ​ന ആ​ശു​പ​ത്രി​ക്കാ​ണ് ഈ ​ദു​ര​വ​സ്ഥ. രോ​ഗി​ക​ളും കൂ​ട്ടി​രു​പ്പു​കാ​രും ജീ​വ​ൻ പ​ണ​യം വെ​ച്ചാ​ണ് ഇ​വി​ടെ നി​ൽ​ക്കു​ന്ന​ത്.

ഫാ​ർ​മ​സി​യി​ലേ​ക്കു​ള്ള പ്ര​വേ​ശ​ന ഭാ​ഗം, ഓ​ർ​ത്തോ ഔ​ട്ട്‌​പേ​ഷ്യ​ന്റ് വി​ഭാ​ഗം, എം.​എ​സ് വാ​ർ​ഡ്, വി​വി​ധ ഇ​ട​നാ​ഴി​ക​ൾ എ​ന്നി​വ ഏ​തു​നി​മി​ഷ​വും അ​ട​ർ​ന്നു വീ​ഴാ​ൻ പാ​ക​ത്തി​ലാ​ണു​ള്ള​ത്. അ​പ​ക​ട​ഭീ​ഷ​ണി ഉ​യ​ർ​ന്നി​ട്ടും സു​ര​ക്ഷ ഒ​രു​ക്കാ​നു​ള്ള ന​ട​പ​ടി അ​ധി​കൃ​ത​രു​ടെ ഭാ​ഗ​ത്തു​നി​ന്ന്​ ഇ​തു​വ​രെ ഉ​ണ്ടാ​യി​ട്ടി​ല്ല എ​ന്നാ​ണ് ആ​ക്ഷേ​പം. ലി​ഫ്റ്റ് പ്ര​വ​ർ​ത്ത​നം നി​ല​ച്ചി​ട്ട് മാ​സ​ങ്ങ​ളാ​കു​ന്നു. ടെ​ക്നി​ക്ക​ൽ കാ​ര​ണ​ങ്ങ​ളാ​ണ് അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം.

ശാ​പ​മോ​ക്ഷം കാ​ത്ത്​ ഗ​സ്റ്റ്​ ഹൗ​സ്​

പു​ന​രു​ദ്ധാ​ര​ണം കാ​ത്ത്​ ക​ഴി​യു​ക​യാ​ണ്​ കൊ​ല്ലം ആ​ശ്രാ​മ​ത്തു​ള്ള സ​ർ​ക്കാ​ർ ഗ​സ്റ്റ്‌ ഹൗ​സ്. കൊ​ല്ല​ത്തി​ന്റെ പൈ​തൃ​ക സ​മ്പ​ത്തി​ൽ പ്ര​ധാ​ന​പ്പെ​ട്ട​താ​യ 200 വ​ർ​ഷ​ത്തി​ലേ​റെ പ​ഴ​ക്ക​മു​ള്ള ഗ​സ്റ്റ് ഹൗ​സ്​ പു​ന​രു​ദ്ധാ​ര​ണം കാ​ത്തി​രി​പ്പ്​ തു​ട​ങ്ങി​യി​ട്ട്​ നാ​​ളേ​റെ​യാ​യി. അ​ഷ്‌​ട​മു​ടി​ക്കാ​യ​ലി​ന്‍റെ തീ​ര​ത്ത് ആ​ശ്രാ​മം മൈ​താ​ന​ത്തി​ന് സ​മീ​പ​മു​ള്ള​ഗ​സ്റ്റ് ഹൗ​സ് തി​രു​വി​താം​കൂ​ർ രാ​ജ​ഭ​ര​ണ​കാ​ല​ത്ത് നി​ർ​മി​ച്ച​താ​ണ്. പി​ന്നീ​ട് ബ്രി​ട്ടീ​ഷ ഭ​ര​ണ​കാ​ല​ത്ത് മ​ൺ​റോ സാ​യി​പ്പി​ന്‍റെ റെ​സി​ഡ​ൻ​സി​യാ​യി​രു​ന്നു ഈ ​കെ​ട്ടി​ടം. ചെ​ങ്ക​ല്ലും സു​ർ​ക്കി മി​ശ്രി​ത​വും ചേ​ർ​ത്ത് നി​ർ​മി​ച്ച കെ​ട്ടി​ടം ബ​ല​ക്ഷ​യം നേ​രി​ടു​ന്ന​തി​നാ​ൽ 2020 മു​ത​ൽ അ​ട​ച്ചി​ട്ടി​രി​ക്കു​യാ​ണ്. 2021ൽ ​പു​ന​രു​ദ്ധാ​ര​ണ​ത്തി​ന്റെ ഒ​ന്നാം ഘ​ട്ട​മാ​യി ചോ​ർ​ച്ച ത​ട​യു​ന്ന​തി​നാ​യി പു​തി​യ ഓ​ടു​ക​ൾ മേ​യു​ക​യും ചെ​യ്തി​രു​ന്നു.

ത​ക​ർ​ച്ച​യി​ൽ ഭ​ര​ണ​സി​രാ​കേ​ന്ദ്രം

ജി​ല്ല​യു​ടെ ഭ​ര​ണ​സി​രാ​കേ​ന്ദ്ര​മാ​യ സി​വി​ൽ സ്​​റ്റേ​ഷ​നി​ൽ ആ​യി​ര​ങ്ങ​ളാ​ണ്​ ഓ​രോ ദി​വ​സ​വും വ​ന്നെ​ത്തു​ന്ന​ത്. വ​രു​മ്പോ​ൾ ക​ല​ക്ട​റേ​റ്റ്​ കി​ഴ​​ക്ക്​ ഭാ​ഗ​ത്തെ ക​വാ​ട​ത്തി​നോ​ര​ത്തെ ന​ട​പ്പാ​ത​വ​ഴി​യാ​ണ്​ വ​രു​ന്ന​തെ​ങ്കി​ൽ ഒ​ന്നു ശ്ര​ദ്ധി​ക്ക​ണം, എ​പ്പോ​ഴാ​ണ്​ സി​മ​ന്‍റ്​ പാ​ളി​ക​ൾ ഇ​ള​കി​ത​ല​യി​ൽ വീ​ഴു​ന്ന​തെ​ന്ന്​ പ​റ​യാ​നാ​കി​ല്ല.

ത​ണ​ൽ പ​റ്റി ന​ട​ക്കാ​തെ കു​റ​ച്ചൊ​ന്നു മാ​റി ന​ട​ന്നാ​ൽ കെ​ട്ടി​ട​ത്തി​ന്‍റെ സ​ൺ​ഷെ​യ്​​ഡ്​ ദ്ര​വി​ച്ചു​വീ​ഴു​ന്ന​തി​ൽ നി​ന്ന്​ മാ​ത്ര​മ​ല്ല, ശു​ചി​മു​റി വെ​ള്ളം ത​ല​യി​ൽ വീ​ഴു​ന്ന​തി​ൽ നി​ന്നും ര​ക്ഷ​പ്പെ​ടാം. നി​ര​വ​ധി ആ​ളു​ക​ൾ ഉ​പ​യോ​ഗി​ക്കു​ന്ന കി​ഴ​ക്കേ ഗേ​റ്റി​ന് തൊ​ട്ടു​മു​ക​ളി​ലാ​യി പ​ല​പ്പോ​ഴാ​യി കോ​ൺ​ക്രീ​റ്റ്​ ഇ​ള​കി വീ​ണ​തി​ന്‍റെ ബാ​ക്കി ഇ​രു​മ്പു​ക​മ്പി​ക​ൾ കാ​ണാം. വ​ർ​ഷ​ങ്ങ​ളാ​യി ഈ ​സ്ഥി​തി തു​ട​ർ​ന്നി​ട്ടും യാ​തൊ​രു വി​ധ അ​റ്റ​കു​റ്റ​പ​ണി​യും ന​ട​ത്താ​ൻ അ​ധി​കൃ​ത​ർ ത​യാ​റാ​യി​ട്ടി​ല്ല. ഏ​താ​നും ആ​ഴ്ച​ മു​മ്പും കോ​ൺ​ക്രീ​റ്റ്​ വ​ഴി​യി​ലേ​ക്ക്​ ഇ​ള​കി​വീ​ണ​ത്​ സ്ത്രീ​യു​ടെ ത​ല​യി​ൽ പ​തി​ക്കാ​തെ ത​ല​നാ​രി​ഴ​ക്കാ​ണ്​ മാ​റി​പ്പോ​യ​തെ​ന്ന്​ ദൃ​ക്സാ​ക്ഷി​ക​ൾ പ​റ​യു​ന്നു. ചു​മ​രി​ൽ ആ​ൽ​മ​രം വ​ള​ർ​ത്തി ‘ത​ണ​ൽ ഒ​രു​ക്കാ​നു​ള്ള’ പ​ദ്ധ​തി​യും പു​രോ​ഗ​മി​ക്കു​ക​യാ​ണ്.

ര​ണ്ടാം നി​ല​യി​ലെ ശു​ചി​മു​റി​യി​ൽ നി​ന്നു​ള്ള വെ​ള്ളം പൊ​ട്ടി​യൊ​ഴു​കി ആ​ളു​ക​ൾ ന​ട​ന്നു​പോ​കു​ന്ന സ്ഥ​ല​ത്ത്​ ത​ന്നെ​യാ​ണ്​ പ​തി​ക്കു​ന്ന​ത്. മാ​സ​ങ്ങ​ളാ​യി തു​ട​രു​ന്ന ഈ ​പ്ര​ശ്ന​വും സ​മീ​പ​ത്തെ ക​ച്ച​വ​ട​ക്കാ​ർ ഉ​ൾ​പ്പെ​ടെ ചൂ​ണ്ടി​ക്കാ​ണി​ച്ചി​ട്ടും ഇ​തു​വ​രെ മാ​റ്റ​മി​ല്ലാ​തെ ഒ​ഴു​കു​ക​യാ​ണ്. സി​വി​ൽ സ്​​റ്റേ​ഷ​ൻ മു​ഴു​വ​ൻ ചു​റ്റി സ​ഞ്ച​രി​ച്ചാ​ൽ ഇ​ത്ത​ര​ത്തി​ൽ അ​നാ​സ്ഥ​യു​ടെ അ​ട​യാ​ള​ങ്ങ​ൾ ത​ക​ർ​ച്ച​യു​ടെ രൂ​പ​ത്തി​ൽ കാ​ണാം.