തീരക്കടല്‍ പരിശോധനകള്‍ ശക്തമാക്കും –കലക്​ടർ

കൊല്ലം: തിരുവനന്തപുരം ഭാഗത്തുനിന്ന് രാത്രി കൊല്ലം തീരക്കടലില്‍ വള്ളങ്ങളിലെത്തി ലൈറ്റ് ഉപയോഗിച്ചുള്ള മത്സ്യബന്ധനം നടത്തിയ സാഹചര്യത്തില്‍ മറൈന്‍ എന്‍ഫോഴ്സ്മെൻറ്-കോസ്​റ്റല്‍ പൊലീസ് സേനകളുടെ സംയുക്ത പരിശോധനകള്‍ ശക്തമാക്കുമെന്ന് കലക്ടര്‍ ബി. അബ്​ദുല്‍ നാസര്‍.

ജില്ല ദുരന്തനിവാരണ അതോറിറ്റിയുടെ ഉന്നതതല ഉദ്യോഗസ്ഥ യോഗത്തിലാണ് ഇക്കാര്യം പറഞ്ഞത്. പരിശോധനകള്‍ക്ക് കസ്​റ്റംസിെൻറ സേവനം ഉപയോഗപ്പെടുത്തണമെന്നും കലക്ടര്‍ ഫിഷറീസ് വകുപ്പിന് നിർദേശം നല്‍കി. കോവിഡ് പോസിറ്റിവ് ആകുന്ന കുടുംബങ്ങളിലെ രോഗബാധിതരല്ലാത്ത കുട്ടികള്‍ക്കും മുതിര്‍ന്നവര്‍ക്കും പ്രത്യേക കേന്ദ്രങ്ങളില്‍ സംരക്ഷണ സൗകര്യം ഒരുക്കാനും യോഗത്തില്‍ തീരുമാനമായി. കൃത്യമായ രേഖകളില്ലാതെ ജില്ലയിലെത്തുന്ന ഇതരസംസ്ഥാന തൊഴിലാളികളെ പരിശോധിച്ച് വിവരങ്ങള്‍ കൃത്യമായി രേഖപ്പെടുത്താനും കച്ചവടസ്ഥാപനങ്ങളില്‍ തിരക്കൊഴിവാക്കാന്‍ ഉപയോഗിക്കുന്ന ക്യു. ആര്‍ കോഡ് സംവിധാനം കാര്യക്ഷമമാക്കാനും കലക്ടര്‍ നിര്‍ദേശം നല്‍കി.

കോവിഡ് രോഗവ്യാപനം ചെറുക്കാന്‍ വാര്‍ഡ് തലങ്ങളില്‍ രൂപവത്​കരിച്ച സംരക്ഷിത കുടുംബ ഗ്രൂപ്പുകളുടെ പ്രവര്‍ത്തനവും അവ നിരീക്ഷിക്കുന്ന പഞ്ചായത്ത്-അസംബ്ലി മണ്ഡലങ്ങള്‍ കേന്ദ്രീകരിച്ചുള്ള ഗ്രൂപ്പുകളുടെ പ്രവര്‍ത്തനവും കാര്യക്ഷമമാക്കി റിപ്പോര്‍ട്ടുകള്‍ സമര്‍പ്പിക്കാനും ബന്ധപ്പെട്ട ഉദ്യോഗസ്ഥര്‍ക്ക് കലക്ടര്‍ നിര്‍ദേശം നല്‍കി.ഈ മാസം നടക്കുന്ന നീറ്റ് പരീക്ഷയുടെ നടത്തിപ്പുമായി ബന്ധപ്പെട്ട് കോവിഡ് പ്രോട്ടോകോള്‍ പാലിച്ചുള്ള ക്രമീകരണങ്ങള്‍ ഒരുക്കാനും യോഗം തീരുമാനിച്ചു.

യന്ത്രവത്​കൃത വള്ളങ്ങൾ ഭീഷണിയാകുന്നു

ഇ​ര​വി​പു​രം: തീ​ര​ത്തോ​ട​ടു​ത്ത് മ​ത്സ്യ​ബ​ന്ധ​നം ന​ട​ത്തു​ന്ന യ​ന്ത്ര​വ​ത്​​കൃ​ത വ​ള്ള​ങ്ങ​ൾ ഫൈ​ബ​ർ ക​ട്ട​മ​ര​ങ്ങ​ൾ​ക്ക് ഭീ​ഷ​ണി​യാ​കു​ന്നു. യ​ന്ത്രം​ഘ​ടി​പ്പി​ച്ച വ​ള്ള​ങ്ങ​ൾ ക​ട്ട​മ​ര​ങ്ങ​ൾ​ക്ക​രി​കി​ലൂ​ടെ വേ​ഗ​ത്തി​ൽ പോ​കു​ന്ന​താ​ണ് ഭീ​ഷ​ണി​യു​യ​ർ​ത്തു​ന്ന​ത്. ഇ​ത്​ ക​ട്ട​മ​ര​ങ്ങ​ൾ മ​റി​യു​ന്ന​തി​നും വ​ല​ക​ൾ ന​ശി​ക്കു​ന്ന​തി​നും കാ​ര​ണ​മാ​കു​ന്ന​താ​യി മ​ത്സ്യ​ത്തൊ​ഴി​ലാ​ളി​ക​ൾ പ​റ​ഞ്ഞു. തീ​ര​ത്തോ​ട​ടു​ത്ത് മ​ത്സ്യ ബ​ന്ധ​നം ന​ട​ത്താ​ൻ യ​ന്ത്ര​വ​ത്​​കൃ​ത വ​ള്ള​ങ്ങ​ൾ​ക്ക് അ​നു​മ​തി​യി​ല്ലെ​ന്ന് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്നു.