Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightChavarachevron_rightകോവിഡ് മാനദണ്ഡം...

കോവിഡ് മാനദണ്ഡം ലംഘിച്ച ബോട്ട് പിടികൂടി

text_fields
bookmark_border
കോവിഡ് മാനദണ്ഡം ലംഘിച്ച ബോട്ട് പിടികൂടി
cancel
camera_alt

കോവിഡ് മാനദണ്ഡങ്ങൾ ലംഘിച്ച് മത്സ്യബന്ധനം നടത്തിയതിന് മറൈൻ എൻഫോഴ്സമെൻറ്​ വിജിലൻസ് പിടികൂടിയ ബോട്ട്

ചവറ: കോവിഡ് മാനദണ്ഡം ലംഘിച്ച ബോട്ട് നീണ്ടകര ഫിഷറീസ് മറൈൻ എൻഫോഴ്‌സ്‌മെൻറ്​ വിജിലൻസ് വിഭാഗം പിടികൂടി. കണ്ണൂർ രജിസ്ട്രേഷൻ ഉള്ള 'ബിസ്മി.1'-എന്ന ബോട്ടാണ് കസ്​റ്റഡിയിൽ എടുത്തത്. മറൈൻ എൻഫോഴ്‌സ്‌മെൻറ്​ എസ്.പിയുടെ നിർദേശാനുസരണം നീണ്ടകര മറൈൻ എൻഫോഴ്‌സ്‌മെൻറ്​ പൊലീസ് ഇൻസ്‌പെക്ടർ എസ്.എസ്. ബൈജുവി​െൻറ നേതൃത്വത്തിൽ പരിശോധന നടത്തിവരവെ ശക്തികുളങ്ങര ഹാർബറിൽ നിന്നാണ് ബോട്ട് പിടികൂടിയത്.

കസ്​റ്റഡിയിൽ എടുത്ത്​ പരിശോധിച്ചപ്പോൾ ബോട്ടിന്​ കൊല്ലത്ത്​ മത്സ്യവിപണനം നടത്തുന്നതിനുള്ള യാതൊരുവിധ രേഖകളും കൈവശം ഉണ്ടായിരുന്നില്ല. ഇതി​െൻറ അടിസ്ഥാനത്തിൽ മത്സ്യം വിറ്റതിന് 50000 രൂപയും പിഴയായി 25000 രൂപയും ചുമത്തുമെന്ന് കൊല്ലം ഫിഷറീസ് ഡെപ്യൂട്ടി ഡയറക്ടർ കെ. സുഹൈർ അറിയിച്ചു.

സർക്കാറി​െൻറ കോവിഡ് മാനദണ്ഡങ്ങൾ പാലിച്ച്​ രജിസ്​റ്റർ ചെയ്തിട്ടുള്ള യാനങ്ങളും തൊഴിലാളികളും മാത്രമേ നീണ്ടകരയിലും ശക്തികുളങ്ങരയിലും മത്സ്യവിപണനം നടത്താൻ പാടുള്ളൂവെന്നും ഇത് ലംഘിക്കുന്ന യാനങ്ങൾക്കെതിരെ കർശന നിയമനടപടികൾ സ്വീകരിക്കുന്നതാണെന്നും നീണ്ടകര ഫിഷറീസ് അസി.​ ഡയറക്ടർ കെ. നൗഷർഖാൻ അറിയിച്ചു. പരിശോധനയിൽ മറൈൻ എൻഫോഴ്‌സ്‌മെൻറ്​ വിഭാഗം എ.എസ്.ഐ സുനിൽകുമാർ, സി.പി.ഒമാരായ മനു, വിമൽ, മനോജ്‌ ലാൽ, ലൈഫ് ഗാർഡ് റോയി, കോസ്​റ്റൽ ​െപാലീസ് എസ്.ഐ പ്രശാന്ത്, എ.എസ്.ഐ ശ്രീകുമാർ എന്നിവരും പങ്കെടുത്തു. കർശന പരിശോധനകൾ തുടരുമെന്നും മറൈൻ എൻഫോഴ്‌സ്‌മെൻറ്​ അറിയിച്ചു.

Show Full Article
TAGS:boat covid rules Covid19 covid kerala 
Next Story