വെള്ളമൊഴുകാൻ സംവിധാനമില്ല, ദുരിതമായി ദേശീയപാതയിൽ വെള്ളക്കെട്ട്

ചാ​ത്ത​ന്നൂ​ർ: വെ​ള്ളം ഒ​ഴു​കി​പ്പോ​കു​ന്ന​തി​നു​ള്ള സം​വി​ധാ​നം ഒ​രു​ക്കാ​തെ റോ​ഡ​രി​കി​ലു​ണ്ടാ​യി​രു​ന്ന ഓ​ട​ക​ളും തോ​ടു​ക​ളു​മ​ട​ച്ച് ദേ​ശീ​യ​പാ​ത​യു​ടെ നി​ർ​മാ​ണ പ്ര​വൃ​ത്തി​ക​ൾ ന​ട​ത്തു​ന്ന​തു​മൂ​ലം പ​ല​യി​ട​ത്തും വെ​ള്ള​ക്കെ​ട്ട് രൂ​പ​പ്പെ​ടു​ന്നു. ക​ഴി​ഞ്ഞ​ദി​വ​സം പെ​യ്ത ക​ന​ത്ത മ​ഴ​യി​ൽ കൊ​ല്ലം-​തി​രു​വ​ന​ന്ത​പു​രം ദേ​ശീ​യ​പാ​ത​യി​ൽ ക​ല്ലു​വാ​തു​ക്ക​ൽ പ​ഞ്ചാ​യ​ത്ത്‌ സ്കൂ​ളി​ന്​ മു​ന്നി​ലും സ​മീ​പ പ്ര​ദേ​ശ​ങ്ങ​ളും വെ​ള്ള​ക്കെ​ട്ടാ​യി മാ​റി.

വി​വി​ധ സ്ഥ​ല​ങ്ങ​ളി​ൽ നി​ന്നും സ്കൂ​ൾ ഗ്രൗ​ണ്ടി​ൽ ക​ളി​ക്കാ​നെ​ത്തി​യ​വ​ർ ഇ​തോ​ടെ ദേ​ശീ​യ​പാ​ത​യി​ലെ​ത്താ​ൻ ക​ഴി​യാ​തെ മ​റു​വ​ശ​ത്ത്​ കു​ടു​ങ്ങി. സ്കൂ​ളി​ന്റെ വ​ശ​ത്ത്​ കൂ​ടി മീ​ന​മ്പ​ലം ഭാ​ഗ​ത്തേ​ക്ക് പോ​കു​ന്ന റോ​ഡി​ലെ ഗ​താ​ഗ​തം ത​ട​സ്സ​പ്പെ​ട്ടു. മീ​ന​മ്പ​ലം റോ​ഡി​ൽ മു​ക​ളി​ൽ​നി​ന്ന് വെ​ള്ളം ഒ​ഴു​കി​വ​ന്ന്​ ദേ​ശീ​യ​പാ​ത​യി​ൽ കെ​ട്ടി​ക്കി​ട​ക്കു​ക​യാ​ണ്. ദേ​ശീ​യ​പാ​ത​യു​ടെ ഓ​ട അ​ട​ച്ച​തു​മൂ​ലം മ​ഴ​വെ​ള്ളം ഒ​ഴു​കി​പ്പോ​കാ​നാ​കാ​തെ റോ​ഡി​ൽ ത​ന്നെ കെ​ട്ടി​ക്കി​ട​ക്കു​ക​യാ​ണ്.

ക​ഴി​ഞ്ഞ മ​ഴ​യ​ത്തും ഇ​തേ​രീ​തി​യി​ൽ വെ​ള്ള​ക്കെ​ട്ടാ​യി​ട്ടും ഓ​ട ശ​രി​യാ​ക്കാ​തെ​യി​ട്ട​താ​ണ് ചെ​റി​യ മ​ഴ​യി​ൽ പോ​ലും വെ​ള്ള​ക്കെ​ട്ടു​ണ്ടാ​കു​ന്ന​തി​ന്​ കാ​ര​ണ​​മെ​ന്ന്​ പ്ര​ദേ​ശ​വാ​സി​ക​ൾ പ​രാ​തി​പ്പെ​ടു​ന്നു. ദേ​ശീ​യ​പാ​ത കൂ​ടി​യാ​യ​തി​നാ​ൽ അ​മി​ത വേ​ഗ​ത്തി​ൽ വ​രു​ന്ന വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടാ​നും സാ​ധ്യ​ത​യേ​റെ​യാ​ണ്. അ​ടി​യ​ന്ത​ര​മാ​യി ഓ​ട​ക​ൾ വൃ​ത്തി​യാ​ക്കി വെ​ള്ളം ഒ​ഴു​കി​പ്പോ​കു​ന്ന​തി​നു​ള്ള ന​ട​പ​ടി​യെ​ടു​ക്ക​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.