ചാത്തന്നൂർ മേഖലയിൽ തെരുവുനായ് ശല്യം രൂക്ഷം

ചാ​ത്ത​ന്നൂ​ർ: യാ​ത്ര​ക്കാ​ർ​ക്കും വി​ദ്യാ​ർ​ഥി​ക​ൾ​ക്കും ഭീ​ഷ​ണി​യാ​യി ചാ​ത്ത​ന്നൂ​ർ പ്ര​ദേ​ശ​ത്ത് തെ​രു​വു​നാ​യ് ശ​ല്യം രൂ​ക്ഷം. അ​ല​ഞ്ഞു​തി​രി​യു​ന്ന നാ​യ്ക്ക​ൾ വി​ദ്യാ​ർ​ഥി​ക​ളും സ്ത്രീ​ക​ളു​മുൾപ്പെ​ടെയുള്ള കാ​ൽ​ന​ട​യാ​ത്ര​ക്കാ​ർ​ക്ക് ഭീ​ഷണിയാകുകയാണ്. തെ​രു​വു​നാ​യ്ക്ക​ളെ നിയന്ത്രിക്കാനാവശ്യമായ ന​ട​പ​ടി​ക​ൾ സ്വീ​ക​രി​ക്കാ​ൻ പ​ഞ്ചാ​യ​ത്ത് ത​യാ​റാ​കു​ന്നി​ല്ല.

ചാ​ത്ത​ന്നൂ​ർ കെ.​എ​സ്.​ആ​ർ.​ടി.​സി ഡി​പ്പോ, ഗ​വ. എ​ൽ.​പി സ്കൂ​ൾ, തോ​ട്ട​വാ​രം, ച​ന്ത​മു​ക്ക്, വെ​ട്ടി​ക്കു​ന്ന് വി​ള റോ​ഡ്, ഇ​ത്തി​ക്ക​ര, വ​രി​ഞ്ഞം, കോ​ഷ്ണ​ക്കാ​വ്, ഏ​റം, മീ​നാ​ട് കി​ഴ​ക്കും​ക​ര, ചാ​ത്ത​ന്നൂ​ർ ടൗ​ൺ, ചാ​ത്ത​ന്നൂ​ർ കു​ടും​ബാ​രോ​ഗ്യ കേ​ന്ദ്രം എന്നിവിടങ്ങൾ തെ​രു​വു നാ​യ്ക്ക​ളു​ടെ വി​ഹാ​ര​കേ​ന്ദ്ര​മാ​ണ്. സ്കൂ​ൾ വ​രാ​ന്ത​ക​ളി​ലും പ​രി​സ​ര​ത്തും രാ​പ​ക​ൽ വ്യ​ത്യാ​സ​മി​ല്ലാ​തെ ഇ​വ അ​ല​ഞ്ഞു​തി​രി​യു​ന്നു.

തു​ര​ത്തി​യോ​ടി​ക്കാ​ൻ ശ്ര​മി​ച്ചാ​ൽ ഇവ കൂ​ടു​ത​ൽ അ​പ​ക​ട​കാ​രി​ക​ളാ​യി ആ​ക്ര​മി​ക്കാ​ൻ ശ്ര​മി​ക്കു​കയാണ്. സ്ഥാ​പ​ന​ങ്ങ​ളി​ൽ​നി​ന്നും വീ​ടു​ക​ളി​ൽ​നി​ന്നും മാ​ലി​ന്യം കൊ​ണ്ടു​വ​ന്ന് വ​ഴി​യ​രി​കി​ലും ഓ​ട​ക​ളി​ലും തോ​ടു​ക​ളി​ലും വ​ലി​ച്ചെ​റി​യു​ന്ന​താ​ണ് തെ​രു​വു​നാ​യ്ക്ക​ൾ ഇ​വി​ടെ തമ്പടിക്കാൻ കാ​ര​ണം.

മാ​ലി​ന്യം ഭ​ക്ഷി​ക്കാ​ൻ കൂ​ട്ട​ത്തോ​ടെ​യെ​ത്തു​ന്ന തെ​രു​വു​നാ​യ്ക്ക​ൾ ത​മ്മി​ൽ ഏ​റ്റു​മു​ട്ടു​ന്ന​തും യാ​ത്ര​ക്കാ​രെ​യും അ​ക്ര​മി​ക്കു​ന്ന​തും പ​തി​വാ​ണ്. നാ​യ്ക്ക​ൾ റോ​ഡി​ലും മ​റ്റും ക​ടി​ച്ചു​വ​ലി​ച്ചി​ഴ​ച്ച​തും ചി​ന്നി​ച്ചി​ത​റി​ക്കി​ട​ക്കു​ന്ന​തു​മാ​യ അ​വ​ശി​ഷ്ട​ങ്ങ​ൾ കാ​ക്ക​ക​ൾ കൊ​ത്തി​വ​ലി​ച്ച് കു​ടി​വെ​ള്ള ടാ​ങ്കു​ക​ളി​ലും കി​ണ​റു​ക​ളി​ലും കൊ​ണ്ടി​ടു​ന്ന​ത് പ​തി​വാ​ണ്.

നാ​യ്ക്ക​ൾ ഇ​രു​ച​ക്ര വാ​ഹ​ന​യാ​ത്ര​ക്കാ​ർ​ക്ക് പി​ന്നാ​ലെ ഓ​ടു​ന്ന​തി​നാ​ൽ അ​മി​ത വേ​ഗ​ത്തി​ൽ ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ, നി​യ​ന്ത്ര​ണം വി​ട്ട് അ​പ​ക​ട​ത്തി​ൽ പെ​ടു​ന്ന​തും നി​ത്യ​സം​ഭ​വ​മാ​ണ്. റോ​ഡി​ലേ​ക്ക് തെ​റി​ച്ചു​വീ​ഴു​ന്ന ഇ​രു​ച​ക്ര വാ​ഹ​ന യാ​ത്ര​ക്കാ​രെ തെ​രു​വു​നാ​യ്ക്ക​ൾ കൂ​ട്ട​ത്തോ​ടെ​യെ​ത്തി ആ​ക്ര​മി​ക്കു​ന്ന​തും പ​തി​വാ​ണ്.