Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightChathannoorchevron_rightകാമുകനെ മർദിക്കാൻ...

കാമുകനെ മർദിക്കാൻ ക്വ​േട്ടഷൻ: യുവതി ഉൾപ്പെടെ പ്രതികൾ റിമാൻഡിൽ

text_fields
bookmark_border
quotation case-accused
cancel
camera_alt

ലെൻസി ലോറൻസ്, അമ്പു, അനന്ദു

ചാത്തന്നൂർ: കാമുകനെ മർദിക്കുന്നതിന്​ ക്വട്ടേഷൻ നൽകിയ കേസിൽ ചാത്തന്നൂർ പൊലീസ്​ അറസ്​റ്റ്​ ചെയ്​ത യുവതിയെയും ക്വട്ടേഷൻ സംഘാംഗങ്ങളെയും കോടതിയിൽ ഹാജരാക്കി റിമാൻഡ്​ ചെയ്തു. ക്വട്ടേഷൻ സംഘത്തിൽപെട്ട മറ്റുള്ളവർക്കായി പൊലീസ് തിരച്ചിൽ ഊർജിതമാക്കി. മയ്യനാട് സങ്കീർത്തനയിൽ ലെൻസി ലോറൻസ് (30), ക്വട്ടേഷൻ സംഘാംഗങ്ങളായ വർക്കല കണ്ണമ്പ പുല്ലാനിയോട് മാനസ സരസിൽ അനന്ദു (21), അയിരൂർ തണ്ടിൽവീട്ടിൽ അമ്പു (33) എന്നിവരെയാണ് കോടതി റിമാൻഡ്​ ചെയ്തത്. സംഘത്തിൽപെട്ട നാല് പ്രതികൾ ഒളിവിലാണ്. സംഭവത്തെക്കുറിച്ച്

പൊലീസ് പറയുന്നത്: ഭർത്താവ് വിദേശത്തായ ലെൻസി ലോറൻസും ശാസ്താംകോട്ട സ്വദേശിയായ മൈക്രോഫിനാൻസ് ബാങ്ക് ജീവനക്കാരനായ ഗൗതമും അടുപ്പത്തിലായിരുന്നു. ഗൗതമിന്​ മറ്റൊരു വിവാഹാലോചന വന്നതോടെ ഇരുവരും പിണങ്ങിയതിനെതുടർന്നാണ്​ ഇയാളെ മർദിക്കുന്നതിന്​ ലെൻസി ക്വ​േട്ടഷൻ നൽകിയത്​. ​ഗൗതമിന് കൊടുത്ത മൊബൈൽ ഫോണും രൂപയും തിരികെ വാങ്ങിക്കൊടുക്കണമെന്ന്​ ആവശ്യപ്പെട്ടിരുന്നു. വർക്കല സ്വദേശിയും സുഹൃത്തുമായ അനന്ദുപ്രസാദിന് 40000 രൂപക്കാണ്​ ക്വട്ടേഷൻ കൊടുത്തത്. 10000 രൂപ അഡ്വാൻസ് നൽകി.

ക്വ​േട്ടഷനെടുത്ത അനന്ദുവി​െൻറ സഹോദരൻ വിഷ്​ണുപ്രസാദ്​ ഗൗതമി​െൻറ സഹപ്രവർത്തകനും അടുത്ത സുഹൃത്തുമാണ്​. ഗൗതമിനെ വർക്കലയിൽ എത്തിക്കുന്നതിന്​ കഴിഞ്ഞ 14ന്​ ചാത്തന്നൂർ പൊലീസ് സ്​റ്റേഷന്​ സമീപം താമസസ്ഥലത്ത് കാറിലെത്തി വിഷ്ണുപ്രസാദിനെ ആദ്യം വിളിച്ചു​കൊണ്ടുപോയി.

വിഷ്ണുപ്രസാദ് വഴങ്ങാത്തതിനെതുടർന്ന് ഇയാളെ ആളില്ലാത്ത സ്ഥലത്തെത്തിച്ച്​ മർദിച്ചു. തുടർന്ന്​ വിഷ്ണുവിനെ ഉപയോഗിച്ച് ഗൗതമിനെ അയിരൂരിൽ വിളിച്ചുവരുത്തുകയും അതിക്രൂരമായി മർദിക്കുകയും മൊബൈൽ ഫോണും പണവും കവരുകയും ചെയ്തു. വിഷ്ണുപ്രസാദും ഗൗതമും ചാത്തന്നൂർ പൊലീസിൽ പരാതി നൽകിയതി​െൻറ അടിസ്ഥാനത്തിൽ നടത്തിയ അന്വേഷണത്തിലാണ് പ്രതികളെ അറസ്​റ്റ്​ ചെയ്തത്.

ശാസ്താംകോട്ടയിലെ ആശുപത്രിയിൽ ചികിത്സയുടെ പേരിൽ ഒളിവിൽ കഴിഞ്ഞുവരവെ, മൊബൈൽ ഫോൺ സിഗ്​നൽ കേന്ദ്രീകരിച്ച്​ നടത്തിയ അന്വേഷണത്തിലാണ് ലെൻസിയെ പിടികൂടിയത്. മറ്റ് പ്രതികളെ അയിരൂരിലെ വിവിധ ഒളിസങ്കേതങ്ങളിൽനിന്നാണ് പിടികൂടിയത്. നാലുമുതൽ ഏഴുവരെയുള്ള പ്രതികളായ വർക്കല സ്വദേശികൾ അരുൺ, മഹേഷ്‌, അനസ്, പൊടി എന്ന് വിളിക്കുന്ന സതീഷ് എന്നിവരെയാണ് അറസ്​റ്റ്​ ചെയ്യാനുള്ളത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:quotation caseremandedbeating boyfriend
News Summary - Quotation for beating boyfriend: Defendants, including woman, remanded
Next Story