ജപ്പാൻ കുടിവെള്ള പദ്ധതി; ഊറാംവിളയിൽ പൈപ്പ് മാറ്റൽ തുടങ്ങി

ചാ​ത്ത​ന്നൂ​ർ: ദേ​ശീ​യ​പാ​ത പു​ന​ർ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കി​ടെ പൊ​ട്ടി​യ കു​ടി​വെ​ള്ള പൈ​പ്പ് മാ​റ്റു​ന്ന ജോ​ലി​ക​ൾ തു​ട​ങ്ങി. ജ​ല​വി​ത​ര​ണം പു​നഃ​സ്ഥാ​പി​ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​ത്. ജ​പ്പാ​ൻ കു​ടി​വെ​ള്ള പ​ദ്ധ​തി​യു​ടെ പു​ന​ലൂ​രി​ൽ നി​ന്നു​ള്ള പ്ര​ധാ​ന പൈ​പ്പാ​ണ് ഊ​റാം​വി​ള​യി​ൽ വെ​ള്ളി​യാ​ഴ്ച രാ​ത്രി ത​ക​ർ​ന്ന​ത്. ദേ​ശീ​യ​പാ​ത അ​ടി​പ്പാ​ത നി​ർ​മാ​ണ​ത്തി​നി​ടെ​യാ​ണ്​ സം​ഭ​വം.

പൈ​പ്പ് പൊ​ട്ടി മ​ണി​ക്കൂ​റു​ക​ൾ​ക്കു​ള്ളി​ൽ പ​രി​സ​ര​ത്തെ വീ​ടു​ക​ളി​ൽ വെ​ള്ളം ക​യ​റി. പ​രി​സ​ര​മാ​കെ വെ​ള്ളം പൊ​ങ്ങു​ക​യും ചെ​യ്തു. കൊ​ല്ലം ന​ഗ​ര​ത്തി​ലും പ​രി​സ​ര പ​ഞ്ചാ​യ​ത്തു​ക​ളി​ലും ജ​ല​വി​ത​ര​ണം മു​ട​ങ്ങി. പു​ന​ലൂ​രി​ൽ നി​ന്ന്​ പ​മ്പി​ങ്​ നി​ർ​ത്തി​യ ശേ​ഷം വാ​ൽ​വു​ക​ൾ പൂ​ട്ടി കെ​ട്ടി​ക്കി​ട​ന്ന വെ​ള്ളം പ​മ്പ് ചെ​യ്ത് മാ​റ്റി​യി​ട്ടാ​ണ് പൈ​പ്പ് മാ​റ്റു​ന്ന ജോ​ലി​ക​ൾ തു​ട​ങ്ങി​യ​ത്. ദേ​ശീ​യ​പാ​ത അ​ധി​കൃ​ത​രു​ടെ​യും ജ​ല അ​തോ​റി​റ്റി ഉ​ദ്യോ​ഗ​സ്ഥ​രു​ടെ​യും മേ​ൽ​നോ​ട്ട​ത്തി​ലാ​ണ് ജോ​ലി​ക​ൾ ന​ട​ക്കു​ന്ന​ത്.

ജ​ല​അ​തോ​റി​റ്റി അ​ധി​കൃ​ത​രു​ടെ സാ​ന്നി​ധ്യ​മി​ല്ലാ​തെ നി​ർ​മാ​ണ​പ്ര​വ​ർ​ത്ത​നം ന​ട​ത്തു​ന്ന​താ​ണ് പൈ​പ്പ് പൊ​ട്ടാ​ൻ കാ​ര​ണം. എ​വി​ടെ​യാ​ണ് പൈ​പ്പ് ലൈ​ൻ ഉ​ള്ള​തെ​ന്ന് അ​റി​യാ​ത്ത​തി​നാ​ൽ ജെ.​സി.​ബി ഉ​പ​യോ​ഗി​ച്ച്‌ കു​ഴി​യെ​ടു​ക്കു​മ്പോ​ൾ പൈ​പ്പു​ക​ൾ പൊ​ട്ട​ലാ​ണ് പ​തി​വ്. ദേ​ശീ​യ​പാ​ത പു​ന​ർ​നി​ർ​മാ​ണം ആ​രം​ഭി​ച്ച​ശേ​ഷം അ​മ്പ​തോ​ളം സ്ഥ​ല​ങ്ങ​ളി​ലാ​ണ് പൈ​പ്പ് പൊ​ട്ടി​യ​ത്.

ര​ണ്ടു​മാ​സം മു​മ്പ് ഉ​മ​യ​ന​ല്ലൂ​രി​ലും ക​ഴി​ഞ്ഞ​യാ​ഴ്ച ക​ല്ലു​വാ​തു​ക്ക​ലി​ലും ഇ​ങ്ങ​നെ കു​ടി​വെ​ള്ളം പാ​ഴാ​യി​രു​ന്നു. റോ​ഡ്​ പു​ന​ർ​നി​ർ​മാ​ണം ആ​രം​ഭി​ച്ച​തി​നെ തു​ട​ർ​ന്ന് വെ​ള്ളം ഒ​ഴു​കി​പ്പോ​കാ​നാ​യി ഉ​ണ്ടാ​യി​രു​ന്ന ഓ​ട​ക​ളും മ​റ്റും മൂ​ടി​യ​താ​ണ് ഊ​റാം​വി​ള​ഭാ​ഗ​ത്ത് വെ​ള്ളം ക​യ​റാ​ൻ കാ​ര​ണ​മാ​യ​ത്.