കാർ വാഹനങ്ങളിലേക്ക് ഇടിച്ചുകയറി

ചടയമംഗലം: നിയന്ത്രണംവിട്ട കാർ റോഡരികിൽ നിർത്തിയിട്ടിരുന്ന വാഹനങ്ങളിലേക്ക് ഇടിച്ചുകയറി. പോരേടം ഗണപതിനടയിൽ ഞായറാഴ്ച രാവിലെയാണ് അപകടം നടന്നത്.

അമിതവേഗത്തിലെത്തിയ കാർ പച്ചക്കറിക്കടയുടെ മുന്നിൽ പാർക്ക് ചെയ്തിരുന്ന മിനിബസിലേക്കും സ്കൂട്ടിയിലേക്കും ഇടിച്ചുകയറുകയായിരുന്നു.അപകടസമയത്ത് റോഡരികിലും നിർത്തിയിട്ടിരുന്ന വാഹനങ്ങളിലും ആളില്ലാതിരുന്നതിനാൽ ദുരന്തമൊഴിവായി.കാർ ഡ്രൈവറും പരിക്കേൽക്കാതെ രക്ഷപ്പെട്ടു.