Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightChadayamangalamchevron_rightസമൂഹമാധ്യമത്തിലൂടെ...

സമൂഹമാധ്യമത്തിലൂടെ പെൺകുട്ടിക്ക്​ അധിക്ഷേപം; യുവാവ്​ അറസ്​റ്റിൽ

text_fields
bookmark_border
Lijo joy
cancel

ചടയമംഗലം: ഇൻസ്​റ്റ​ഗ്രാമിലൂടെ പെൺകുട്ടിയെ അധിക്ഷേപിച്ച യുവാവിനെ പൊലീസ് അറസ്​റ്റ്​ ചെയ്തു. 'ലിജോസ് സ്ട്രീറ്റ് റൈഡര്‍ 46' എന്ന ഇൻസ്​റ്റഗ്രാം ഐഡിയിലൂടെ പെണ്‍കുട്ടിക്കെതിരെ അധിക്ഷേപകരമായ പരാമര്‍ശം നടത്തിയ മൈനാഗപ്പള്ളി കടപ്പ തടത്തില്‍ പുത്തന്‍വീട്ടില്‍ ലിജോ ജോയിയെയാണ് ചടയമംഗലം പൊലീസ് അറസ്​റ്റ്​ ചെയ്തത്.

കോളജ് വിദ്യാർഥിനിയായ ആയൂര്‍ സ്വദേശിനി സുഹൃത്തുക്കളുമായി ഇൻസ്​റ്റഗ്രാമില്‍ ലൈവ് ചാറ്റിങ്ങില്‍ ഏര്‍പ്പെടവെ പബ്ലിക് ചാറ്റ് ബോക്സില്‍ വന്ന് തുടര്‍ച്ചയായി അസഭ്യങ്ങളും ലൈംഗിക ചുവയുള്ള മെസേജുകളും അയക്കുകയും ലൈംഗികമായി ആക്രമിക്കുമെന്ന് ഭീഷണിപ്പെടുത്തുകയും ചെയ്ത കേസിലാണ് അറസ്​റ്റ്​. പൊലീസിനെയും വെല്ലുവിളിച്ചിരുന്നു. അന്വേഷണം ആരംഭിച്ചപ്പോള്‍ ഒളിവില്‍ പോയ പ്രതിയെ തിരുവനന്തപുരം ഹൈടെക് സെല്ലി‍െൻറയും കൊട്ടാരക്കര സൈബര്‍ സെല്ലി‍െൻറയും സഹായത്തോടെ കര്‍ണാടക-തമിഴ്നാട് അതിര്‍ത്തിയായ ഹുസൂറില്‍നിന്ന്​ ചടയമംഗലം പൊലീസ്​ അറസ്​റ്റ്​ ചെയ്തു.

ഇയാളെ സ്​റ്റേഷനിലേക്ക് കൊണ്ടുപോകുന്ന പൊലീസി​െൻറ വിഡിയോ സമൂഹമാധ്യമങ്ങളിൽ വൈറലായി. 'ഹൊസ്സൂരല്ല, നീ എങ്ക പോയ് ഒളിച്ചാലും ഉന്നൈ വിടമാട്ടേ കണ്ണാ...' എന്ന തലക്കെട്ടിൽ കേരള പൊലീസി​െൻറ ഫേസ്ബുക്ക് പേജിലെ വിഡിയോയാണ് വൈറലാകുന്നത്.

എസ്.എച്ച്.ഒ എസ്. ബിജോയ്, എസ്.ഐ ജെ. സലീം, സനല്‍കുമാര്‍, അജീഷ് എന്നിവര്‍ അറസ്​റ്റിന് നേതൃത്വം നല്‍കി.

കൊല്ലം റൂറല്‍ ജില്ല പൊലീസ് മേധാവി കെ.ബി. രവി, അഡീഷനല്‍ ജില്ല പൊലീസ് മേധാവി ബിജുമോന്‍ ഇ.എസ്, കൊട്ടാരക്കര ഡിവൈ.എസ്​.പി സ​്​റ്റുവര്‍ട്ട് കീലര്‍, ചടയമംഗലം എസ്.എച്ച്.ഒ ബിജോയ് എസ് എന്നിവരാണ് അന്വേഷണത്തിന് നേതൃത്വം നൽകിയത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:arrestGirl Abusedsocial media abuse
News Summary - abuse against girl in social media
Next Story