അ​വ​ധി​ക്കാ​ലം ആ​ഘോ​ഷി​ക്കാം ക​രു​ത​ലോ​ടെ

കൊ​ല്ലം: അ​വ​ധി​ക്കാ​ല​മാ​ണ്, ആ​ഘോ​ഷ​ക്കാ​ല​വും. വി​നോ​ദ​യാ​ത്ര​യും ബ​ന്ധു​വീ​ട്​ സ​ന്ദ​ർ​ശ​ന​വു​മൊ​ക്കെ​യാ​യി ഏ​വ​രും പ്ര​ത്യേ​കി​ച്ച്​ കു​ട്ടി​ക​ൾ ആ​ഹ്ലാ​ദ​ത്തി​മി​ർ​പ്പി​ലാ​കു​ന്ന ദി​ന​ങ്ങ​ൾ. എ​സ്.​എ​സ്.​എ​ൽ.​സി, പ്ല​സ്​ ടു ​പ​രീ​ക്ഷ​ക​ൾ കൂ​ടി​ക്ക​ഴി​ഞ്ഞ​തോ​ടെ​ വേ​ന​ല​വ​ധി​യു​ടെ അ​വ​സാ​ന​മാ​സം അ​ടി​ച്ചു​പൊ​ളി​ക്കാ​ൻ എ​ത്തു​ന്ന​വ​രു​ടെ ഒ​ഴു​ക്കാ​ണ്​ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ. ആ​വേ​ശം എ​ത്ര കൂ​ടി​യാ​ലും ക​രു​ത​ലൊ​ട്ടും കു​റ​യാ​തെ വേ​ണം കു​ടും​ബ​വും കൂ​ട്ടു​കാ​രു​മൊ​ത്ത്​ അ​വ​ധി​യാ​ഘോ​ഷി​ക്കു​ന്ന​ത്. ക​ട​ലും കാ​യ​ലും വെ​ള്ള​ച്ചാ​ട്ട​വും ന​ദി​ക​ളും പോ​ലെ ജ​ല​സ്രോ​ത​സ്സു​ക​ൾ​ക്ക്​ സ​മീ​പ​മാ​ണ​ല്ലോ​ മി​ക്ക​വാ​റും​പേ​രും ആ​ഘോ​ഷ​നി​മി​ഷ​ങ്ങ​ൾ പ​ങ്കി​ടാ​ൻ പ​ല​പ്പോ​ഴും തെ​ര​ഞ്ഞെ​ടു​ക്കു​ന്ന​ത്. പ​റ​യു​മ്പോ​ൾ ദു​ര​ന്ത​മെ​ന്ന്​ ട്രോ​ൾ ചെ​യ്യാ​മെ​ങ്കി​ലും ജ​ലാ​ശ​യ​ങ്ങ​ളി​ൽ ഒ​ളി​ഞ്ഞി​രി​ക്കു​ന്ന അ​പ​ക​ട​സാ​ധ്യ​ത വ​ള​രെ വ​ലു​താ​ണ്. പ​ല​രും പ​ല​പ്പോ​ഴും സൗ​ക​ര്യ​പൂ​ർ​വം അ​ത്​ ക​ണ്ടി​ല്ലെ​ന്ന്​ ന​ടി​ക്കു​മ്പോ​ൾ പൊ​ലി​യു​ന്ന ജീ​വ​നു​ക​ൾ വി​ല​മ​തി​ക്കാ​നാ​കാ​ത്ത​താ​ണെ​ന്ന ഓ​ർ​മ​യോ​ടെ വേ​ണം ഓ​രോ നി​മി​ഷ​വും ആ​ഘോ​ഷി​ക്കാ​ൻ. അ​ൽ​പം ജാ​ഗ്ര​ത ആ​രെ​യും മു​റി​വേ​ൽ​പി​ക്കി​ല്ല, ഒ​രു​പാ​ട്​ ജീ​വി​ത​ങ്ങ​ൾ​ക്ക്​ സു​ര​ക്ഷ​യാ​കു​ക​യേ​യു​ള്ളൂ.

വെ​ള്ളം വെ​റും വെ​ള്ള​മ​ല്ല

ക​ട​ലി​ൽ കാ​ൽ ന​ന​ക്കാ​നി​റ​ങ്ങി​യ ദ​മ്പ​തി​ക​ൾ തി​ര​യി​ൽ​പെ​ട്ട്​ മ​രി​ച്ചു, ബ​ന്ധു​വീ​ട്ടി​ൽ വി​രു​ന്നെ​ത്തി​യ കു​ട്ടി​ക​ൾ പു​ഴ​യി​ൽ മു​ങ്ങി​മ​രി​ച്ചു, കു​ളി​ക്കാ​നി​റ​ങ്ങി​യ യു​വാ​ക്ക​ൾ ക​യ​ത്തി​ൽ​പെ​ട്ട്​ മ​രി​ച്ചു... എ​ന്തെ​ല്ലാം ത​ല​ക്കെ​ട്ടു​ക​ൾ മാ​റി​മാ​റി​വ​ന്നാ​ലും മു​ങ്ങി​മ​ര​ണ​ങ്ങ​ൾ​ക്ക്​ മാ​ത്രം അ​വ​സാ​ന​മാ​കു​ന്നി​ല്ല. ക​ഴി​ഞ്ഞ​യാ​ഴ്ച ഒ​രു​ദി​വ​സം മാ​ത്രം ആ​റ്​ കു​ട്ടി​ക​ളാ​ണ്​ സം​സ്ഥാ​ന​ത്ത്​ മു​ങ്ങി​മ​രി​ച്ച​ത്. അ​തി​ന്​ തൊ​ട്ട​ടു​ത്ത ദി​വ​സ​മാ​ണ്​ കൊ​ല്ലം ബീ​ച്ചി​ൽ ഒ​രൊ​റ്റ മ​ണി​ക്കൂ​റി​ൽ തി​ര​യി​ൽ​പെ​ട്ട 14 പേ​രു​ടെ ജീ​വ​ൻ ലൈ​ഫ്​ ഗാ​ർ​ഡു​ക​ളും മ​ത്സ്യ​ത്തൊ​ഴി​ലാ​ളി​ക​ളും ചേ​ർ​ന്ന്​ ര​ക്ഷി​ച്ച​ത്. കു​ട്ടി​ക​ളും മാ​താ​പി​താ​ക്ക​ളും അ​ട​ങ്ങി​യ കു​ടും​ബ​ങ്ങ​ളാ​യി​രു​ന്നു ത​ല​നാ​രി​ഴ​ക്ക്​ ജീ​വി​ത​ക്ക​ര​യി​ലേ​ക്ക്​ തി​രി​ച്ചു​ക​യ​റി​യ​ത്. കൊ​ല്ലം പോ​ലെ കൂ​ടു​ത​ൽ ടൂ​റി​സം മേ​ഖ​ല​ക​ളും ജ​ലാ​ശ​യ​ങ്ങ​ൾ കേ​ന്ദ്രീ​ക​രി​ച്ചു​ള്ള അ​പ​ക​ട സാ​ധ്യ​ത മേ​ഖ​ല​ക​ളും ധാ​രാ​ളം. ഏ​റ്റ​വും കൂ​ടു​ത​ൽ സ​ന്ദ​ർ​ശ​ക​രെ​ത്തു​ന്ന കൊ​ല്ലം ബീ​ച്ച്​ ത​ന്നെ​യാ​ണ്​ അ​ക്കാ​ര്യ​ത്തി​ൽ പ്ര​ധാ​ന ഉ​ദാ​ഹ​ര​ണം. ജ​ലാ​ശ​യ​ങ്ങ​ളി​ലെ വെ​ള്ളം കാ​ണു​മ്പോ​ൾ ഒ​ന്ന്​ കാ​ൽ ന​ന​ക്കാ​നു​ള്ള, കു​ളി​ക്കാ​നി​റ​ങ്ങാ​നു​ള്ള കൗ​തു​കം ആ​ർ​ക്കു​മു​ണ്ടാ​കാം, ശ​രി​യാ​ണ്. പേ​ടി​ച്ചി​രു​ന്നാ​ൽ ജീ​വി​തം ആ​സ്വ​ദി​ക്ക​ണ്ടേ എ​ന്ന്​ ചി​ന്തി​ക്കു​ന്ന​വ​രു​മു​ണ്ട്. ആ​സ്വ​ദി​ക്കാം, വെ​ള്ള​ത്തി‍െൻറ സ്വ​ഭാ​വം അ​റി​ഞ്ഞ്​ ആ​സ്വ​ദി​ക്ക​ണ​മെ​ന്ന്​ മാ​ത്രം.

ശാ​ന്ത​മാ​യി അ​ടി​ച്ചെ​ത്തു​ന്ന തി​ര​ക്ക​ടി​യി​ലാ​കും ക​ട​ൽ ചി​ല​പ്പോ​ൾ മ​ര​ണ​ച്ചു​ഴി ഒ​ളി​പ്പി​ച്ചു​​വെ​ച്ചി​രി​ക്കു​ന്ന​ത്. പു​റ​മെ​നി​ന്ന്​ നോ​ക്കി​യാ​ൽ ഓ​ളം​പോ​ലും വെ​ട്ടാ​ത്ത പു​ഴ​ക്ക​ടി​യി​ലെ അ​ടി​യൊ​ഴു​ക്ക്​ നി​ല​യി​ല്ലാ​ക്ക​യ​ത്തി​ലേ​ക്കാ​കും ചി​ല​പ്പോ​ൾ വാ​രി​യെ​ടു​ത്ത്​ കൊ​ണ്ടു​പോ​കു​ന്ന​ത്. അ​ങ്ങ​നെ പൊ​ലി​ഞ്ഞ ജീ​വ​നു​ക​ൾ ഇ​പ്പോ​ൾ എ​ണ്ണി​യാ​ൽ ഒ​ടു​ങ്ങാ​ത്ത​താ​യി​രി​ക്കു​ന്നു. എ​ത്ര മി​ക​ച്ച നീ​ന്ത​ൽ​വി​ദ​ഗ്​​ധ​രാ​ണെ​ങ്കി​ലും പ​രി​ചി​ത​മ​ല്ലാ​ത്ത കു​ളി​ക്ക​ട​വു​ക​ളി​ലേ​ക്ക്​ ഇ​റ​ങ്ങു​ന്ന​ത്​ എ​പ്പോ​ഴും അ​പ​ക​ടം ഒ​രു കൈ​യ​ക​ലെ എ​ത്തി​യേ​ക്കാ​മെ​ന്ന ചി​ന്ത​യോ​ടെ വേ​ണം. പ​രി​ച​യ​മു​ള്ള​വ​രെ​പോ​ലും പ​ല​പ്പോ​ഴും വെ​ള്ള​ത്തി‍െൻറ അ​പ്ര​വ​ച​നീ​യ​ത കീ​ഴ​ട​ക്കി​ക്ക​ള​യു​ന്ന​ത്​ ന​മ്മ​ൾ കാ​ണു​ന്ന​താ​ണ്.

കൊ​ല്ലം ബീ​ച്ച്​ എ​ന്ന അ​പ​ക​ട​തീ​രം

കൊ​ല്ല​ത്തി​ന്‍റെ ടൂ​റി​സം ഭൂ​പ​ട​ത്തി​ലെ പ​ക​രം​വ​ക്കാ​നി​ല്ലാ​ത്ത മ​നോ​ഹ​ര​തീ​ര​മാ​യ കൊ​ല്ലം ബീ​ച്ച്​ സ്വ​ദേ​ശി​ക​ളാ​യ സ​ഞ്ചാ​രി​ക​ളു​ടെ പ്രി​യ​പ്പെ​ട്ട കേ​ന്ദ്ര​മാ​ണ്. അ​വ​ധി​യാ​യാ​ലും ഇ​ല്ലെ​ങ്കി​ലും ഇ​വി​ടേ​ക്കു​ള്ള ആ​ളൊ​ഴു​ക്കി​ന്​ ഒ​രു കു​റ​വു​മു​ണ്ടാ​കാ​റി​ല്ല. പ​തി​നാ​യി​ര​ക്ക​ണ​ക്കി​ന്​ പേ​ർ​വ​രെ ഒ​ത്തു​ചേ​രു​ന്ന സാ​യാ​ഹ്ന​ങ്ങ​ൾ സാ​ധാ​ര​ണം. എ​ന്നാ​ൽ, കാ​ൽ​ന​ന​ക്കാ​ൻ ഇ​റ​ങ്ങി​യ ന​വ​ദ​മ്പ​തി​ക​ളു​ടെ ജീ​വ​ൻ​വ​രെ അ​പ​ഹ​രി​ച്ച അ​പ​ക​ട​തീ​ര​മാ​ണ്​ ഇ​വി​ട​മെ​ന്ന്​ ആ​രും ഓ​ർ​ക്കാ​റി​ല്ല. ഇ​വി​ടെ തി​ര​ക​ൾ വ​ന്ന്​ മാ​ടി​വി​ളി​ച്ച്​ കൊ​ണ്ടു​പോ​കു​ന്ന​ത്​ അ​പ​ക​ട​ത്തി​ലേ​ക്കാ​ണെ​ന്ന്​ ഇ​തി​ന​കം നി​ര​വ​ധി​പേ​ർ അ​നു​ഭ​വം കൊ​ണ്ട്​ പ​ഠി​ച്ചു​ക​ഴി​ഞ്ഞു. സാ​ധാ​ര​ണ മീ​റ്റ​റു​ക​ളോ​ളം ഇ​റ​ങ്ങി​നി​ന്നാ​ലും അ​പ​ക​ട​മി​ല്ലാ​ത്ത ബീ​ച്ചു​ക​ളി​ൽ​നി​ന്ന്​ വ്യ​ത്യ​സ്ത​മാ​യി തു​ട​ക്കം ത​ന്നെ മ​ണ​ൽ​തി​ട്ട​യും അ​പ​ക​ട​ച്ചു​ഴി​ക​ളു​മാ​ണ്​ കൊ​ല്ലം ബീ​ച്ചി​ൽ അ​പ​ക​ട​​ക്കെ​ണി​യൊ​രു​ക്കു​ന്ന​ത്.

എ​ന്നാ​ൽ, ഇ​പ്പോ​ഴും അ​ത്​ ഉ​ൾ​ക്കൊ​ള്ളാ​തെ എ​ടു​ത്തു​ചാ​ടു​ന്ന​വ​ർ കാ​ര​ണം ലൈ​ഫ്​​ഗാ​ർ​ഡു​ക​ളും മ​ത്സ്യ​ത്തൊ​ഴി​ലാ​ളി​ക​ളും ഇ​വി​ടെ ​പൊ​റു​തി​മു​ട്ടി​യി​രി​ക്കു​ക​യാ​ണ്.

സു​ര​ക്ഷി​ത​മാ​യ അ​ഞ്ചി​ട​ങ്ങ​ൾ

സാ​മ്പ്രാ​ണി​ക്കോ​ടി

കൊ​ല്ലം ജി​ല്ല​യി​ൽ ഇ​പ്പോ​ഴ​ത്തെ 'ഹോ​ട്ട്​ ടൂ​റി​സം സ്​​പോ​ട്ട്​' ഏ​തെ​ന്ന്​ ചോ​ദി​ച്ചാ​ൽ അ​ത്​ ഈ ​കാ​യ​ൽ​തു​രു​ത്താ​ണ്. വെ​ള്ള​ത്തി​ലി​റ​ങ്ങാ​ൻ മ​ന​സ്സ്​​ വെ​മ്പു​ന്ന​വ​ർ​ക്ക്​ സു​ര​ക്ഷി​ത​മാ​യി കാ​യ​ലി​ന്‍റെ ഒ​ത്ത ന​ടു​വി​ൽ​ത​ന്നെ മ​ണി​ക്കൂ​റു​ക​ൾ ചെ​ല​വ​ഴി​ക്കാം. ചെ​റി​യ കു​ട്ടി​ക​ളു​മാ​യി​പോ​ലും ഇ​വി​ടെ വെ​ള്ള​ത്തി​ൽ വി​ശ്വ​സി​ച്ച്​ ഇ​റ​ങ്ങാ​മെ​ന്ന​തി​നാ​ൽ കു​ടും​ബ​ങ്ങ​ൾ​ക്ക്​ ഏ​റെ പ്രി​യ​പ്പെ​ട്ട​താ​യി മാ​റി​യി​രി​ക്കു​ന്നു ഇ​വി​ടം. കൂ​ടു​ത​ൽ സൗ​ക​ര്യ​മൊ​രു​ക്കു​ന്ന​തി​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കു​ന്ന തി​ര​ക്കി​ലാ​ണ്​ ജി​ല്ല ഭ​ര​ണ​കൂ​ട​വും ഡി.​ടി.​പി.​സി​യും.

​കൊ​ല്ലം ​അ​ഡ്വൈ​ഞ്ച​ർ പാ​ർ​ക്ക്​

സാ​ഹ​സി​ക​ത അ​ത്ര​ക്ക്​ ഇ​ഷ്ട​മാ​ണെ​ങ്കി​ൽ ധൈ​ര്യ​മാ​യി ഇ​ങ്ങോ​ട്ടേ​ക്ക്​ ഇ​റ​ങ്ങി​ത്തി​രി​ക്കാം. ഡി.​ടി.​പി.​സി ഒ​രു​ക്കു​ന്ന സു​ര​ക്ഷ​യി​ൽ സാ​ഹ​സി​ക ജ​ല​കേ​ളി​ക​ൾ ഉ​ൾ​പ്പെ​ടെ ആ​സ്വ​ദി​ച്ച്​​ തൃ​പ്തി​യോ​ടെ തി​രി​ച്ചു​പോ​കാം.

മ​ൺ​റോ​തു​രു​ത്ത്​

സ്വ​ദേ​ശി​ക​ളും വി​ദേ​ശി​ക​ളും ഒ​രു​പോ​ലെ ഇ​ഷ്ട​പ്പെ​ടു​ന്ന ഗ്ലോ​ബ​ൽ ഡെ​സ്റ്റി​നേ​ഷ​ൻ ടൂ​റി​സം കേ​ന്ദ്ര​മാ​യ മ​ൺ​റോ​തു​രു​ത്ത്​ ചി​ര​പ​രി​ചി​ത​മാ​ണ്. തു​രു​ത്തു​ക​ൾ​ക്കും ക​ണ്ട​ൽ​കാ​ടി​നും ഇ​ട​യി​ലൂ​ടെ വ​ള്ള​ത്തി​ൽ മ​ണി​ക്കൂ​റു​ക​ൾ ​കു​ടും​ബ​വു​​മൊ​ത്ത്​ ചെ​ല​വി​ടാം.

മ​ല​മേ​ൽ​പ്പാ​റ

പ്ര​ഭാ​ത​വും സാ​യാ​ഹ്ന​വും ഈ ​മ​ല​മു​ക​ളി​ൽ കാ​ത്തു​വ​ച്ചി​രി​ക്കു​ന്ന കാ​ഴ്ച അ​തി​​മ​നോ​ഹ​രം. അ​ഞ്ച​ൽ ഇ​ട​മു​ള​യ്ക്ക​ലി​ൽ സ്ഥി​തി​ചെ​യ്യു​ന്ന ഇ​വി​ടെ വേ​ന​ൽ​ക്കാ​ല​ത്ത്​ ഉ​ച്ച​സ​മ​യ​ത്ത്​ പോ​കാ​തി​രി​ക്കു​ന്ന​താ​ണ്​ ന​ല്ല​ത്. അ​ൽ​പം ചാ​റ്റ​ൽ മ​ഴ​കൂ​ടി​യു​ള്ള സ​മ​യ​മാ​ണെ​ങ്കി​ൽ ഇ​വി​ടെ ചെ​ല​വ​ഴി​ക്കു​ന്ന സ​മ​യം ഒ​രി​ക്ക​ലും നി​രാ​ശ​പ്പെ​ടു​ത്തി​ല്ല.

മീ​ൻ​പി​ടി​പ്പാ​റ

പാ​റ​ക്കെ​ട്ടും വെ​ള്ള​വും നി​റ​ഞ്ഞ സ്ഥ​ല​ത്ത്​ കു​ട്ടി​ക​ൾ​ക്കൊ​പ്പം സു​ര​ക്ഷി​ത​മാ​യി കു​ളി​ക്കാ​ൻ ഇ​റ​ങ്ങാ​ൻ ഉ​ൾ​പ്പെ​ടെ സൗ​ക​ര്യ​മു​ള്ള കൊ​ട്ടാ​ര​ക്ക​ര മീ​ൻ​പി​ടി​പ്പാ​റ വി​നോ​ദ​സ​ഞ്ചാ​രി​ക​ൾ ഏ​റെ ഇ​ഷ്ട​പ്പെ​ടു​ന്ന സ്ഥ​ല​മാ​യി മാ​റി​ക്ക​ഴി​ഞ്ഞു.

ഇക്കാര്യങ്ങൾ ശ്ര​ദ്ധി​ക്കാം

യാ​ത്ര​പോ​കു​ന്ന സ്ഥ​ലം, സ്വ​ന്തം ജി​ല്ല​യി​ലാ​യാ​ലും മ​റ്റ്​ ജി​ല്ല​ക​ളി​ലാ​യാ​ലും കേ​ര​ള​ത്തി​ന്​ പു​റ​ത്താ​യാ​ലും, സം​ബ​ന്ധി​ച്ച വി​വ​ര​ങ്ങ​ൾ മു​ൻ​കൂ​ട്ടി മ​ന​സ്സി​ലാ​ക്കു​ക. ഓ​ൺ​ലൈ​നി​ൽ പ​ര​തു​മ്പോ​ൾ ചി​ല​പ്പോ​ൾ അ​നി​വാ​ര്യ​മാ​യി അ​റി​ഞ്ഞി​രി​ക്കേ​ണ്ട പ​ല​തും കി​ട്ടി​യെ​ന്ന്​ വ​രി​ല്ല. റോ​ഡു​ക​ളു​ടെ അ​വ​സ്ഥ, ഗ​താ​ഗ​ത സൗ​ക​ര്യം, കാ​ലാ​വ​സ്ഥ, ജ​ലാ​ശ​യ​ങ്ങ​ളു​ടെ അ​പ​ക​ട സാ​ധ്യ​ത, താ​മ​സ​സൗ​ക​ര്യ​ങ്ങ​ളി​ൽ ശ്ര​ദ്ധി​ക്കേ​ണ്ട​വ എ​ന്നി​ങ്ങ​നെ പ​ല വി​വ​ര​ങ്ങ​ളും പ്രാ​ദേ​ശി​ക​മാ​യി അ​ന്വേ​ഷി​ച്ചാ​​ലേ അ​റി​യാ​നാ​കൂ. ടൂ​റി​സം കേ​ന്ദ്ര​ങ്ങ​ളി​ൽ വി​വ​ര​ങ്ങ​ൾ ന​ൽ​കി സ​ഹാ​യി​ക്കാ​ൻ ടൂ​റി​സം ഇ​ൻ​ഫ​ർ​മേ​ഷ​ൻ ഓ​ഫി​സ​ർ​മാ​രും ട്രാ​വ​ൽ ഏ​ജ​ന്‍റു​മാ​രും ഉ​ണ്ടാ​കും. യാ​ത്ര തു​ട​ങ്ങു​ന്ന​തി​ന്​ അ​ത്ത​രം ആ​ളു​ക​ളി​ൽ​നി​ന്ന്​ വി​വ​ര​ങ്ങ​ൾ തേ​ടു​ക.

• സെ​ൽ​ഫി​യും വി​ഡി​യോ​യു​മെ​ല്ലാം എ​ത്ര​ത്തോ​ളം സാ​ഹ​സി​ക​മാ​കു​മോ അ​ത്ര​ത്തോ​ളം ലൈ​ക്കും ഷെ​യ​റും കൂ​ടും എ​ന്ന അ​ബ​ദ്ധ​ചി​ന്ത​യു​മാ​യി ക​ഴി​യു​ന്ന​വ​ർ ധാ​രാ​ള​മു​ണ്ട്. ക​ട​ലി​​ലും ജ​ലാ​ശ​യ​ങ്ങ​ളി​ലും ഇ​റ​ങ്ങി നി​ന്നും പാ​റ​ക​ളു​ടെ അ​റ്റ​ത്ത്​ പോ​യും ഒ​ക്കെ സ്വ​ന്തം ജീ​വ​ൻ ത​ന്നെ അ​പ​ക​ട​ത്തി​ലാ​ക്കി അ​ത്ത​രം ചി​ത്രം പ​ക​ർ​ത്ത​ലു​ക​ൾ​ക്ക്​ മു​തി​ര​രു​ത്.
• യാ​ത്ര പോ​കു​ന്ന സ്ഥ​ല​ത്തെ​ത്തി​യാ​ൽ അ​പ​ക​ട സാ​ധ്യ​ത​മേ​ഖ​ല​ക​ളെ​ക്കു​റി​ച്ച്​ പ്രാ​ദേ​ശി​ക​മാ​യി വി​ശ​ദ​മാ​യി അ​ന്വേ​ഷി​ച്ച​റി​യു​ക. അ​ത്ത​രം സ്ഥ​ല​ങ്ങ​ളി​ലേ​ക്കു​ള്ള യാ​ത്ര ഒ​ഴി​വാ​ക്കു​ക. അ​പ​ക​ട​മൊ​ളി​ച്ചി​രി​ക്കു​ന്ന ജ​ലാ​ശ​യ​ങ്ങ​ളി​ൽ ഇ​റ​ങ്ങ​രു​ത്.
• അ​പ​ക​ട​സാ​ധ്യ​ത ബോ​ർ​ഡു​ക​ളെ ഒ​രി​ക്ക​ലും അ​വ​ഗ​ണി​ക്ക​രു​ത്. സ​മാ​ന​മാ​യി പ്ര​ദേ​ശ​വാ​സി​ക​ളു​ടെ​യും ലൈ​ഫ്​​ഗാ​ർ​ഡു​ക​ളു​ടെ​യും മു​ന്ന​റി​യി​പ്പു​ക​ളും ചെ​വി​ക്കൊ​ള്ളു​ക. ആ​ളു​ക​ൾ അ​ടി​ച്ചു​പൊ​ളി​ക്കു​ന്ന​തി​ലെ അ​സൂ​യ കൊ​ണ്ട​ല്ല അ​ത്ത​ര​ക്കാ​ർ മു​ന്ന​റി​യി​പ്പ്​ ന​ൽ​കു​ന്ന​തെ​ന്ന്​​ ഓ​ർ​ക്കു​ക.
• ടൂ​റി​സം വ​കു​പ്പ്​ സൗ​ക​ര്യ​ങ്ങ​ളും സു​ര​ക്ഷ​യും ഏ​ർ​പ്പെ​ടു​ത്തി​യി​ട്ടു​ള്ള സ്ഥ​ല​ങ്ങ​ളി​േ​ല​ക്ക്​ മാ​ത്രം വി​നോ​ദ​യാ​ത്ര​ക​ൾ പ​രി​മി​ത​പ്പെ​ടു​ത്താം.
• അ​പൂ​ർ​വ സ്ഥ​ല​ങ്ങ​ൾ തേ​ടി​യു​ള്ള യാ​ത്ര അ​പ​ക​ട​ത്തി​ലേ​ക്ക്​ ആ​ക​രു​ത്. ആ​ളു​ക​ൾ അ​ധി​കം​വ​രാ​ത്ത ക​ട​ൽ​തീ​ര​വും വെ​ള്ള​ച്ചാ​ട്ട​വും അ​രു​വി​ക​ളും ന​ദീ​മു​ഖ​ങ്ങ​ളും പാ​റ​ക്കെ​ട്ടു​ക​ളും ​ഒ​ക്കെ തേ​ടി​പ്പോ​കു​ന്ന​വ​ർ ഏ​റെ​യാ​ണ്. അ​ത്ത​രം സ്ഥ​ല​ങ്ങ​ളി​ൽ അ​പ​ക​ട​സാ​ധ്യ​ത ഏ​റെ​യാ​ണെ​ന്ന കാ​ര്യ​വും മ​റ​ക്കാ​തി​രി​ക്കു​ക. അ​ത്യാ​ഹി​തം ഉ​ണ്ടാ​യാ​ൽ സ​ഹാ​യ​ത്തി​ന്​ ആ​ളെ ല​ഭി​ക്കാ​ൻ പോ​ലും അ​ത്ത​രം സ്ഥ​ല​ങ്ങ​ളി​ൽ പ്ര​യാ​സ​മാ​യി​രി​ക്കും.
• കൗ​മാ​ര​ക്കാ​ർ​ക്കി​ട​യി​ൽ ജ​ലാ​ശ​യ​ങ്ങ​ളി​ൽ ഒ​ളി​ഞ്ഞി​രി​ക്കു​ന്ന അ​പ​ക​ട​ങ്ങ​ളെ​ക്കു​റി​ച്ച്​ ബോ​ധ​വ​ത്​​ക​ര​ണം അ​നി​വാ​ര്യം.
• വേ​ന​ൽ​ക്കാ​ല​യാ​ത്ര​ക​ളി​ൽ സു​ര​ക്ഷി​ത​മാ​യ ഭ​ക്ഷ​ണം ക​ഴി​ക്കാ​ൻ ശ്ര​ദ്ധി​ക്ക​ണം. ധാ​രാ​ളം വെ​ള്ളം കു​ടി​ക്കാ​നും മ​റ​ക്കേ​ണ്ട. സൂ​ര്യാ​ത​പം, ഇ​ടി​മി​ന്ന​ൽ എ​ന്നി​​വ​യെ​ക്കു​റി​ച്ചും ജാ​ഗ്ര​ത പാ​ലി​ക്ക​ണം.
• ന​ഗ​ര​ത്തി​ലെ പാ​ർ​ക്കു​ക​ളി​ൽ പോ​ക്ക​റ്റ​ടി​യും മോ​ഷ​ണ​വും വി​ല​പി​ടി​പ്പു​ള്ള സാ​ധ​ന​ങ്ങ​ൾ ന​ഷ്ട​പ്പെ​ട​ലു​മൊ​ക്കെ സം​ഭ​വി​ക്കു​ന്നു​ണ്ട്. ഇ​ത്ത​രം സാ​ഹ​ച​ര്യ​ങ്ങ​ൾ ഒ​ഴി​വാ​ക്കാ​ൻ ത​ങ്ങ​ളു​ടെ വ​സ്തു​വ​ക​ക​ൾ​ക്ക്​ പ്ര​ത്യേ​കം ശ്ര​ദ്ധ ന​ൽ​കു​ക. ആ​ൾ​ക്കൂ​ട്ട​ങ്ങ​ളു​ള്ള സ്ഥ​ല​ങ്ങ​ളി​ൽ പ്ര​ത്യേ​കി​ച്ചും.

സുരക്ഷിതമായ സ്ഥലങ്ങൾ തെരഞ്ഞെടുക്കുക

സുരക്ഷിതമായി വിനോദസഞ്ചാരം നടത്താൻ പറ്റിയ ധാരാളം സ്ഥലങ്ങൾ കൊല്ലത്തുണ്ട്. മനോഹര തീരമാണെങ്കിലും കൊല്ലം ബീച്ചിൽ അപകടം ഒളിഞ്ഞിരിക്കുകയാണെന്നത് എല്ലാവരും മനസ്സിലാക്കണം. ലൈഫ് ഗാർഡുകളുടെ നിർദേശങ്ങൾ അനുസരിച്ച് വേണം ഇത്തരം തീരങ്ങളിൽ വെള്ളത്തിലിറങ്ങാൻ. അപകടകരമായ രീതിയിൽ സെൽഫി പകർത്താൻ എത്തുന്നവരെക്കൊണ്ട് വലിയ ബുദ്ധിമുട്ടാണ് വിനോദസഞ്ചാരകേന്ദ്രങ്ങളിൽ ഉണ്ടാകുന്നത്. പൊലീസ് സഹായംപോലും തേടേണ്ട സാഹചര്യങ്ങൾ ഉണ്ടാകാറുണ്ട്. ആരും എത്തിച്ചേരാത്ത സ്ഥലങ്ങളിൽ അപകടസാധ്യതയും ഏറെയാണെന്ന് ഓർക്കുക. കുടുംബവുമൊത്ത് പോകാൻ സുരക്ഷിതമായ സൗകര്യങ്ങളുള്ള സ്ഥലങ്ങൾ മാത്രം തെരഞ്ഞെടുക്കുന്നതാണ് നല്ലത്.

(ഡോ. രമ്യ ആർ. കുമാർ കൊല്ലം ഡി.ടി.പി.സി സെക്രട്ടറി)

മുന്നറിയിപ്പ്​ അവഗണിക്കുന്നത്​ അപകടങ്ങൾക്ക്​ കാരണം

കൊ​ല്ലം തീ​രം തു​ട​ക്ക​ത്തി​ൽ​ത​ന്നെ മൂ​ന്ന്​ മീ​റ്റ​ർ ആ​ഴ​മു​ണ്ട്. ശ​ക്ത​മാ​യ തി​ര​മാ​ല​യും അ​ടി​യൊ​ഴു​ക്കു​മാ​ണി​വി​ടെ. വേ​ലി​യേ​റ്റം ശ​ക്ത​മാ​കു​ന്ന ദി​വ​സ​ങ്ങ​ളി​ൽ ക​ട​ൽ പ്ര​ക്ഷു​ബ്​​ധ​മാ​യി ക​ര​യി​ലേ​ക്ക്​ ഇ​ടി​ച്ചു​ക​യ​റും. അ​ത്ത​രം ദി​വ​സ​ങ്ങ​ളി​ൽ ആ​ളു​ക​ൾ കാ​ൽ​ന​ന​ക്കാ​ൻ ഇ​റ​ങ്ങു​ന്ന​തു​പോ​ലും അ​പ​ക​ട​ത്തി​ലേ​ക്ക്​ ന​യി​ക്കും. ഇ​ക്കാ​ര്യം കു​ട്ടി​ക​ളു​മാ​യി വ​രു​ന്ന​​വ​രോ​ട്​ പോ​ലും പ​റ​ഞ്ഞാ​ൽ പ​ല​പ്പോ​ഴും ചെ​വി​ക്കൊ​ള്ളി​ല്ല. അ​ങ്ങ​നെ​യാ​ണ്​ അ​പ​ക​ട​ങ്ങ​ൾ ഇ​വി​ടെ സ്ഥി​ര​മാ​കു​ന്ന​ത്. ന​വീ​ക​ര​ണം ന​ട​ന്ന​തോ​ടെ ബീ​ച്ചി​ന്‍റെ വ​ലി​പ്പം ര​ണ്ട്​ കി​ലോ​മീ​റ്റ​റോ​ള​മാ​യ​തും വ​ലി​യ വെ​ല്ലു​വി​ളി​യാ​ണ്.

നാ​ല്​ പേ​ർ മാ​ത്ര​മ​ട​ങ്ങു​ന്ന ലൈ​ഫ്​ ഗാ​ർ​ഡ്​ സം​ഘ​മാ​ണ്​ ഈ ​ദൂ​ര​മ​ത്ര​യും നോ​ക്കാ​ൻ. തി​ര​യി​ൽ​പെ​ടു​ന്ന​വ​രെ അ​പ്പോ​ൾ​ത​ന്നെ ചാ​ടി ര​ക്ഷി​ച്ചാ​ലേ ജീ​വ​ൻ ന​ഷ്ട​പ്പെ​ടാ​തി​രി​ക്കൂ. മ​ഴ​യാ​യാ​ലും വെ​യി​ലാ​യാ​ലും ക​ലി തു​ള്ളി നി​ൽ​ക്കു​ന്ന ക​ട​ലി​ലേ​ക്ക്​ ചാ​ടി ജീ​വ​നു​ക​ൾ ര​ക്ഷി​ക്കു​ന്ന​ത്​ സ്വ​ന്തം ജീ​വ​​ൻ പ​ണ​യം​വെ​ച്ചാ​ണ്. ബീ​ച്ച്​ നി​ശ്ചി​ത പ​രി​ധി നി​ശ്ച​യി​ച്ച്​ ത​ര​ണ​മെ​ന്ന്​ നി​ര​വ​ധി ത​വ​ണ അ​ധി​കാ​രി​ക​ളോ​ട്​ ആ​വ​ശ്യ​പ്പെ​ട്ട​താ​ണ്.

അ​തു​പോ​ലെ അ​പ​ക​ട​ത്തി​ൽ​പെ​ട്ട​വ​രെ ആ​ശു​പ​ത്രി​യി​ൽ എ​ത്തി​ക്കാ​ൻ ആം​ബു​ല​ൻ​സ്​ സൗ​ക​ര്യം​പോ​ലും ഇ​വി​ടെ​യി​ല്ല. കൂ​ടു​ത​ൽ ആ​ളു​ക​ൾ എ​ത്തു​ന്ന കൊ​ല്ലം പോ​ലൊ​രു ബീ​ച്ചി​ൽ ര​ക്ഷാ​പ്ര​വ​ർ​ത്ത​ക​രു​ടെ എ​ണ്ണം ഇ​ത​ല്ല​ വേ​ണ്ട​ത്. ബീ​ച്ച്​ സു​ര​ക്ഷ​ക്ക്​ ടൂ​റി​സം പൊ​ലീ​സ്, കാ​മ​റ, ര​ക്ഷാ​പ്ര​വ​ർ​ത്ത​ന​ത്തി​ന്​ ആ​ധു​നി​ക സൗ​ക​ര്യ​ങ്ങ​ൾ ഉ​ൾ​പ്പെ​ടെ​യു​ള്ള കാ​ര്യ​ങ്ങ​ൾ ഒ​ക്കെ സ്വ​പ്​​ന​ങ്ങ​ളി​ലും നി​വേ​ദ​ന​ങ്ങ​ളി​ലും മാ​ത്ര​മാ​യി ഒ​തു​ങ്ങു​ന്ന​താ​ണ്​ പ​തി​വ്.

(ഡോ​ൾ​ഫി​ൻ ര​തീ​ഷ് ലൈ​ഫ്​ ഗാ​ർ​ഡ്​)