കാഷ്യൂ കോൺക്ലേവ്​; ലക്ഷ്യം ട്രംപിന്‍റെ ചുങ്ക കൊള്ളക്ക്​ ബദൽ- ജയമോഹൻ

കൊ​ല്ലം: ക​ശു​വ​ണ്ടി വ്യ​വ​സാ​യം നേ​രി​ടു​ന്ന പ്ര​തി​സ​ന്ധി​ക്ക്​ പ​രി​ഹാ​രം തേ​ടി​യു​ള്ള സം​സ്ഥാ​ന സ​ർ​ക്കാ​രി​ന്‍റെ കാ​ഷ്യൂ കോ​ൺ​ക്ലേ​വി​ന്​ കൊ​ല്ല​ത്ത്​ ഒ​രു​ക്ക​ങ്ങ​ളാ​യി. ഒ​രു​കാ​ല​ത്ത്​ കേ​ര​ള​ത്തി​ന്‍റെ സ​മ്പ​ദ്​​ഘ​ട​ന​യു​ടെ ത​ന്നെ ന​ട്ടെ​ല്ലാ​യി​രു​ന്ന ക​ശു​വ​ണ്ടി വ്യ​വ​സാ​യം ഏ​താ​ണ്ട്​ ത​ക​ർ​ന്ന നി​ല​യി​ലാ​ണ്, ഏ​ക​ദേ​ശം എ​ണ്ണൂ​റോ​ളം ക​ശു​വ​ണ്ടി ഫാ​ക്ട​റി​ക​ളാ​ണ്​ അ​ട​ച്ചു​പൂ​ട്ടി​യ​ത്​. ക​ശു​വ​ണ്ടി വി​ക​സ​ന കോ​ർ​പ്പ​റേ​ഷ​ന്‍റെ​യും കാ​പ്പ​ക്സി​ന്‍റെ​യും നി​യ​ന്ത്ര​ണ​ത്തി​ലു​ള്ള​തും ഏ​താ​നും സ്വ​കാ​ര്യ ക​മ്പ​നി​ക​ളും മാ​ത്ര​മാ​ണ്​ ബാ​ക്കി​യു​ള്ള​ത്. ഈ ​സ്ഥാ​പ​ന​ങ്ങ​ളു​ടെ പ്ര​ധാ​ന വി​പ​ണ​ന​കേ​ന്ദ്ര​മാ​യി​രു​ന്ന യു.​എ​സ്​ പു​തി​യ ഇ​റ​ക്കു​മ​തി തീ​രു​വ​കൂ​ടി പ്ര​ഖ്യാ​പി​ച്ച​തോ​ടെ ശേ​ഷി​ക്കു​ന്ന ക​ശു​വ​ണ്ടി വ്യ​വ​സാ​യ​വും ത​ക​ർ​ച്ച​യി​ലേ​ക്ക്​ കൂ​പ്പ്​​കൂ​ത്തു​ക​യാ​ണ്. ഈ ​സാ​ഹ​ച​ര്യ​ത്തി​ൽ ന​ട​ത്തു​ന്ന കോ​ൺ​ക്ലേ​വി​ന്‍റെ പ്രാ​ധാ​ന്യ​ത്തെ കു​റി​ച്ച്​ ക​ശു​വ​ണ്ടി വി​ക​സ​ന കോ​ർ​പ്പ​റേ​ഷ​ൻ ചെ​യ​ർ​മാ​ൻ എ​സ്. ജ​യ​മോ​ഹ​ൻ ‘മാ​ധ്യ​മ’​ത്തോ​ട്​ സം​സാ​രി​ക്കു​ന്നു.

?ക​ശു​വ​ണ്ടി വ്യ​വ​സാ​യം പ്ര​തി​സ​ന്ധി​യി​ലാ​യ​തി​ന്‍റെ കാ​ര​ണ​ങ്ങ​ൾ?

* കേ​ര​ള​ത്തി​ലെ ക​ശു​വ​ണ്ടി മേ​ഖ​ല​യി​ലെ പ്ര​ശ്ന​ങ്ങ​ളി​ൽ പ്ര​ധാ​ന​പ്പെ​ട്ട​വ ക​ർ​ഷ​ക​ർ​ക്ക് താ​ങ്ങു​വി​ല ല​ഭി​ക്കാ​തി​രു​ന്ന​തും ക​ച്ച​വ​ട​ക്കാ​ർ​ക്ക് ലാ​ഭം കി​ട്ടാ​ത്ത​തു​മാ​ണ്. അ​ന്താ​രാ​ഷ്ട്ര വി​പ​ണി​യി​ലെ വി​ല​യി​ടി​വും, വി​ദേ​ശ ഇ​റ​ക്കു​മ​തി വ​ർ​ധി​ച്ച​തും പ്ര​തി​സ​ന്ധി​ക്ക്​ ആ​ക്കം​കൂ​ട്ടി. സ​ർ​ക്കാ​ർ ഇ​ട​പെ​ട​ലി​ൽ തി​രി​ച്ചു​വ​ര​വി​ന്​ ക​ള​മൊ​രു​ങ്ങു​മ്പോ​ഴാ​ണ്​ യു.​എ​സി​ന്‍റെ​ തീ​രു​വ വ​ർ​ധ​ന​വ്. കോ​വി​ഡ്​ കാ​ലം വ്യ​വ​സാ​യി​ക​ളെ ക​ടു​ത്ത പ്ര​തി​സ​ന്ധി​യി​ലാ​ക്കി. അ​ത്​ മ​റി​ക​ട​ക്കാ​ൻ ബാ​ങ്കു​ക​ളെ സ​മീ​പി​ച്ച വ്യ​വ​സാ​യി​ക​ൾ​ക്ക്​ പു​ന​ർ​വാ​യ്പ​യോ പു​തു​ക്കി​കൊ​ടു​ക്ക​ലോ അ​നു​വ​ദി​ച്ചി​ല്ല. കു​ടി​ശി​ക​യാ​യി കി​ട​ക്കു​ന്ന വ്യ​വ​സാ​യം എ​ന്ന്​ പ​റ​ഞ്ഞ്​ റി​സ​ർ​വ്​ ബാ​ങ്കും കൈ​വി​ട്ടു. ഇ​തോ​ടെ ബാ​ങ്കു​ക​ൾ സ​ർ​ഫാ​സി ആ​ക്ടു​മാ​യി രം​ഗ​ത്തി​റ​ങ്ങി​യ​ത്​ വ്യ​വ​സാ​യി​ക​ളെ ആ​ത്​​മ​ഹ​ത്യ​യി​ലേ​ക്ക്​ വ​രെ ന​യി​ച്ചു. ആ​യി​ര​ക്ക​ണ​ക്കി​ന്​ തൊ​ഴി​ലാ​ളി​ക​ൾ​ക്ക്​ തൊ​ഴി​ൽ ന​ഷ്ട​മാ​വു​ക​യും വ്യ​വ​സാ​യ​സ്ഥാ​പ​ന​ങ്ങ​ൾ അ​ട​ച്ചു പൂ​ട്ടു​ക​യും ചെ​യ്​​തു. ആ​ഫ്രി​ക്ക​ൻ രാ​ജ്യ​ങ്ങ​ളി​ൽ നി​ന്നു​ള്ള തോ​ട്ട​ണ്ടി ഇ​റ​ക്കു​മ​തി​ക്ക്​ 9.33 ശ​ത​മാ​നം നി​കു​തി ഏ​ർ​പ്പെ​ടു​ത്തി​യ​പ്പോ​ൾ അ​സം​സ്കൃ​ത ക​ശു​വ​ണ്ടി​യു​ടെ വി​ല​യും കു​തി​ച്ചു.

? ഇ​പ്പോ​ൾ വി​ദേ​ശ വി​പ​ണി ത​ന്നെ​യാ​ണ​ല്ലോ പ്ര​ധാ​ന പ്ര​ശ്നം. ട്ര​മ്പി​ന്‍റെ തീ​രു​വ എ​ങ്ങ​നെ നേ​രി​ടാ​നാ​ണ്​ ഉ​ദ്ദേ​ശം?

*അ​ഞ്ചു​വ​ർ​ഷ​ത്തി​നി​ടെ കേ​ര​ള​ത്തി​ലെ ക​ശു​വ​ണ്ടി​പ​രി​പ്പി​ന്‍റെ യു.​എ​സ്​ ക​യ​റ്റു​മ​തി​യി​ൽ 28 ശ​ത​മാ​ന​ത്തി​ന്‍റെ വ​ർ​ധ​ന​വ്​ നേ​ടി​യി​രു​ന്നു. അ​വി​ട​ത്തെ വി​പ​ണി​യി​ൽ വി​യ​റ്റ്​​നാ​മും ഐ​വ​റി കോ​സ്റ്റും ക​ഴി​ഞ്ഞാ​ൽ മൂ​ന്നാം സ്ഥാ​നം ന​മ്മ​ളാ​യി​രു​ന്നു. പ​ര​മ്പ​രാ​ഗ​ത മാ​തൃ​ക​യി​ൽ ക​ശു​വ​ണ്ടി ചു​ട്ടു ത​ല്ലി സം​സ്ക​രി​ച്ച പ​രി​പ്പ്​ ന​ൽ​കു​ന്ന​തി​നാ​ലാ​ണ്​ ഈ ​ഡി​മാ​ന്‍റ്​ കൈ​വ​ന്ന​ത്. മ​റ്റ്​ രാ​ജ്യ​ങ്ങ​ളി​ൽ യ​ന്ത്ര​വ​ൽ​കൃ​ത സം​സ്ക​ര​ണ​മാ​ണ്​. ഈ ​സ​ന്ദ​ർ​ഭ​ത്തി​ൽ അ​മേ​രി​ക്ക​യു​ടെ തീ​രു​വ വ​ർ​ധ​ന ക​യ​റ്റു​മ​തി​യെ കാ​ര്യ​മാ​യി ബാ​ധി​ക്കും. ഈ ​സാ​ഹ​ച​ര്യ​ത്തി​ൽ ബ​ദ​ൽ മാ​ർ​ഗ​ങ്ങ​ളെ കു​റി​ച്ചാ​ണ്​ കോ​ൺ​​ക്ലേ​വ്​ ഒ​ന്നാ​മ​താ​യി ച​ർ​ച്ച ചെ​യ്യു​ന്ന​ത്. മ​റ്റ്​ വി​ദേ​ശ വി​പ​ണി ക​ണ്ടെ​ത്തു​ന്ന​തി​നൊ​പ്പം ആ​ഭ്യ​ന്ത​ര​വി​പ​ണി​യി​ലും നേ​ട്ടം കൈ​വ​രി​ക്കേ​ണ്ട​തു​ണ്ട്.

?സാ​ധാ​ര​ണ​ക്കാ​രി​ലേ​ക്ക്​ പ​രി​പ്പ്​ എ​ത്തി​യാ​ല​ല്ലേ ആ​ഭ്യ​ന്ത​ര വി​പ​ണി​യി​ൽ മെ​ച്ച​മു​ണ്ടാ​ക്കാ​നാ​വൂ?

*അ​തു​ത​ന്നെ​യാ​ണ്​ ല​ക്ഷ്യം. പൊ​തു​മേ​ഖ​ല സ്ഥാ​പ​ന​ങ്ങ​ളാ​യ ക​ശു​വ​ണ്ടി വി​ക​സ​ന കോ​ർ​പ്പ​റേ​ഷ​ന്‍റെ​യും കാ​പ്പെ​ക്സി​ന്‍റെ​യും ഉ​ൽ​പ​ന്ന​ങ്ങ​ൾ കെ ​സ്​​റ്റോ​ർ വ​ഴി​യും റേ​ഷ​ൻ ക​ട​ക​ൾ വ​ഴി​യും സാ​ധാ​ര​ണ​ക്കാ​ർ​ക്ക്​ ല​ഭ്യ​മാ​ക്കാ​നു​ള്ള ധാ​ര​ണ പ​ത്രം കോ​ൺ​ക്ലേ​വി​ൽ കൈ​മാ​റും.

​? ക​ശു​മാ​വ് കൃ​ഷി വ്യാ​പി​ക്കു​ന്ന​തി​നു വേ​ണ്ടി ന​ൽ​കി​യ തൈ​ക​ൾ വ​ഴി 23 ല​ക്ഷം മെ​ട്രി​ക് ട​ൺ ക​ശു​വ​ണ്ടി ഉ​ൽ​പാ​ദ​നം ല​ക്ഷ്യ​മി​ട്ടി​രു​ന്ന​ല്ലോ. ഇ​പ്പോ​ൾ 2000 മെ​ട്രി​ക് ട​ൺ സം​ഭ​രി​ക്കാ​ൻ പോ​ലും ക​ഴി​യു​ന്നി​ല്ലെ​ന്നും ക​ണ​ക്കു​ക​ൾ പ​റ​യു​ന്നു. അ​തെ​ങ്ങ​നെ സം​ഭ​വി​ച്ചു​?

*സം​സ്ഥാ​ന​ത്ത് ക​ശു​വ​ണ്ടി വ്യ​വ​സാ​യം അ​ഭി​മു​ഖീ​ക​രി​ക്കു​ന്ന പ്ര​ശ്ന​ങ്ങ​ളും പ്ര​തി​സ​ന്ധി​ക​ളും പ​ഠി​ക്കു​ന്ന​തി​നും നി​ർ​ദേ​ശ​ങ്ങ​ൾ സ​മ​ർ​പ്പി​ക്കു​ന്ന​തി​നു​മാ​യി രൂ​പീ​ക​രി​ച്ച വി​ദ​ഗ്​​ധ സ​മി​തി റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ സ്വ​കാ​ര്യ ക​ശു​വ​ണ്ടി മേ​ഖ​ല​യു​ടെ പു​ന​രു​ദ്ധാ​ര​ണ​ത്തി​നാ​യി 2022-’23 ബ​ജ​റ്റി​ൽ 30 കോ​ടി രൂ​പ വ​ക​യി​രു​ത്തി​യി​രു​ന്നു. ഇ​തി​ന്‍റെ ഭാ​ഗ​മാ​യി തോ​ട്ട​ണ്ടി​യു​ടെ ല​ഭ്യ​ത ഉ​റ​പ്പാ​ക്കാ​ൻ ത​രി​ശു​ഭൂ​മി​ക​ളി​ലെ സാ​മൂ​ഹി​ക വ​ന​വ​ൽ​ക്ക​ര​ണ​ത്തി​ന്‍റെ ഭാ​ഗ​മാ​യി ന​ട്ടു​പി​ടി​പ്പി​ച്ച യൂ​ക്കാ​ലി, അ​ക്കേ​ഷ്യ​പോ​ലു​ള്ള മ​ര​ങ്ങ​ൾ വെ​ട്ടി​മാ​റ്റി ക​ശു​മാ​വ്​ കൃ​ഷി ആ​രം​ഭി​ക്കു​ക എ​ന്ന ന​യ​ത്തി​ന്​ തു​ട​ക്ക​മി​ട്ടു. എ​ന്നാ​ൽ അ​ത്​ വി​പു​ല​മാ​യി ന​ട​പ്പാ​ക്കാ​നാ​യി​ല്ല.

? ബാ​ങ്കു​ക​ളു​ടെ സ​മീ​പ​നം അ​ട​ക്കം ക​ശു​വ​ണ്ടി വ്യ​വ​സാ​യി​ക​ളു​ടെ പ്ര​ശ്ന​ങ്ങ​ളെ എ​ങ്ങ​നെ​യാ​ണ്​ പ​രി​ഹ​രി​ക്കു​ക?

*വ്യ​വ​സാ​യി​ക​ളെ സ​ഹാ​യി​ക്കാ​ൻ സം​സ്ഥാ​ന സ​ർ​ക്കാ​ർ ത​ന്നെ നി​ര​വ​ധി പ​ദ്ധ​തി​ക​ൾ ന​ട​പ്പാ​ക്കി. വ്യ​വ​സാ​യി​ക​ൾ തൊ​ഴി​ലാ​ളി​ക​ൾ​​ക്ക്​ വേ​ണ്ടി അ​ട​ക്കു​ന്ന പി.​എ​ഫ്, ഇ.​എ​സ്.​ഐ ആ​നു​കൂ​ല്യ​ങ്ങ​ളു​ടെ ഒ​രു ഭാ​ഗ​ത്തി​ന്​ സ​ർ​ക്കാ​ർ സാ​മ്പ​ത്തി​ക സ​ഹാ​യം അ​നു​വ​ദി​ച്ചു. ഇ​പ്പോ​ൾ പ്ര​വ​ർ​ത്തി​ക്കു​ന്ന വ്യ​വ​സാ​യി​ക​ളെ​യും പ്ര​വ​ർ​ത്തി​ക്കാ​ൻ താ​ല്പ​ര്യം പ്ര​ക​ടി​പ്പി​ച്ച്​ അ​പേ​ക്ഷ ന​ൽ​കി​യ​വ​രെ​യും സ​ഹാ​യി​ച്ച്​ ഈ ​വ്യ​വ​സാ​യ​ത്തെ തി​രി​ച്ചു​പി​ടി​ക്കാ​നും കോ​ൺ​ക്ലേ​വ്​ ല​ക്ഷ്യ​മി​ടു​ന്നു​ണ്ട്.