കലക്ടറേറ്റിലെ വ്യാജബോംബ് ഭീഷണി; മാതാവും അറസ്റ്റിൽ

കൊ​ല്ലം: ജി​ല്ല ഭ​ര​ണ​സം​വി​ധാ​ന​ത്തെ മൂ​ന്നുമ​ണി​ക്കൂ​റോ​ളം മു​ൾ​മു​ന​യി​ൽ നി​ർ​ത്തി​യ വ്യാ​ജ ബോം​ബ് ഭീ​ഷ​ണി ക​ത്തി​ന്‍റെ സൂ​ത്ര​ധാ​ര​ന്‍റെ മാ​താ​വും അ​റ​സ്റ്റി​ലാ​യി. വ​ർ​ഷ​ങ്ങ​ളാ​യി കൊ​ല്ലം കോ​ട​തി​യി​ലും ക​ല​ക്ട​റേ​റ്റി​ലു​മാ​യി വ​രു​ന്ന വ്യാ​ജ ബോം​ബ് ഭീ​ഷ​ണി ക​ത്തു​ക​ൾ ഇ​വ​ർ ആ​സൂ​ത്ര​ണം ചെ​യ്ത​താ​ണെ​ന്ന് പൊ​ലീ​സ് പ​റ​ഞ്ഞു.

തൃ​ക്ക​ട​വൂ​ർ മ​തി​ലി​ൽ പു​ത്ത​ൻ​പു​ര സാ​ജ​ൻ വി​ല്ല​യി​ൽ സാ​ജ​ൻ ക്രി​സ്​​റ്റ​ഫ​റി​നെ (34) ക​ഴി​ഞ്ഞ ദി​വ​സം പൊ​ലീ​സ് പി​ടി​കൂ​ടി​യി​രു​ന്നു. കോ​ട​തി​യെ തെ​റ്റി​ദ്ധ​രി​പ്പി​ക്കാ​ൻ ശ്ര​മി​ച്ച കേ​സി​ൽ മാ​താ​വ് കൊ​ച്ചു​ത്രേ​സ്യ​യെ​യും (62) പൊ​ലീ​സ്​ അ​റ​സ്റ്റ് ചെ​യ്തു.

2014 ൽ ​സാ​ജ​നും സു​ഹൃ​ത്താ​യ അ​മ​ൽ​ജോ​ൺ​സ​നും ചേ​ർ​ന്ന് അ​മ​ലി​ന്‍റെ കാ​മു​കി​യു​ടെ പേ​രി​ൽ വ്യാ​ജ ഫേ​സ്​​ബു​ക്ക് അ​ക്കൗ​ണ്ട് ഉ​ണ്ടാ​ക്കി അ​ശ്ലീ​ല ചി​ത്ര​ങ്ങ​ളും മെ​സേ​ജു​ക​ളും സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ്ര​ച​രി​പ്പി​ച്ച​തി​ന് അ​ഞ്ചാ​ലും​മൂ​ട് പൊ​ലീ​സ്​ സ്​​റ്റേ​ഷ​നി​ൽ കേ​സ്​ ര​ജി​സ്റ്റ​ർ ചെ​യ്ത് വി​ചാ​ര​ണ ന​ട​ന്നു​വ​രുക​യാ​ണ്.

കേ​സു​മാ​യി ബ​ന്ധ​പ്പെ​ട്ട് കോ​ട​തി​യി​ൽ വ​രാ​റു​ള്ള സാ​ജ​ൻ ക്രി​സ്​​റ്റ​ഫ​ർ കോ​ട​തി​ക്കും ജി​ല്ല ജ​ഡ്ജി​ക്കും ക​ല​ക്ട​ർ​ക്കും വ്യാ​ജ അ​ശ്ലീ​ല ക​ത്തു​ക​ളും ഭീ​ഷ​ണി ക​ത്തു​ക​ളും അ​യ​ച്ചു​കൊ​ണ്ടി​രു​ന്നു. അ​ഞ്ചാ​ലും​മൂ​ട് സ്​​റ്റേ​ഷ​നി​ൽ ര​ജി​സ്​​റ്റ​ർ ചെ​യ്ത കേ​സി​ന്‍റെ ന​ട​പ​ടി​ക്ര​മ​ങ്ങ​ൾ ഏ​താ​ണ്ട് പൂ​ർ​ത്തി​യാ​കാ​നി​രി​ക്കെ​യാ​ണ് തു​ട​ർ​ന്നും ഇ​ത്ത​ര​ത്തി​ലു​ള്ള വ്യാ​ജ ക​ത്തു​ക​ളും ഭീ​ഷ​ണി ക​ത്തു​ക​ളും ജെ.​പി എ​ന്ന ചു​രു​ക്ക​നാ​മ​ത്തി​ൽ അ​യ​ച്ചു​കൊ​ണ്ടി​രു​ന്ന​ത്.

ക​ല​ക്ട​റേ​റ്റ് ബോം​ബ് ഭീ​ഷ​ണി കേ​സി​ൽ നാ​ളു​ക​ളാ​യി ഇ​യാ​ൾ നി​രീ​ക്ഷ​ണ​ത്തി​ലാ​യി​രു​ന്നെന്ന് പൊ​ലീ​സ് പ​റ​ഞ്ഞു. അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി കോ​ട​തി​യു​ടെ അ​നു​മ​തി​യോ​ടെ ഇ​യാ​ളു​ടെ വീ​ട് പൊ​ലീ​സ് പ​രി​ശോ​ധി​ച്ച​പ്പോ​ൾ ഞെ​ട്ടി​ക്കു​ന്ന വി​വ​ര​ങ്ങ​ളാ​ണ് പു​റ​ത്തു​വ​ന്ന​ത്. വീ​ട്ടി​ൽനി​ന്ന് ഏ​ഴ് മൊ​ബൈ​ൽ ഫോ​ണു​ക​ളും മെ​മ്മ​റി കാ​ർ​ഡു​ക​ളും പെ​ൻ ഡ്രൈ​വു​ക​ളും ഹാ​ർ​ഡ് ഡി​സ്​​കു​ക​ളും അ​മ്പ​തോ​ളം ഭീ​ഷ​ണിക്കത്തു​ക​ളും പൊ​ലീ​സ്​ ക​ണ്ടെ​ടു​ത്തു.

ഇ​തി​ൽ കോ​ട​തി​യി​ൽ വ​ന്ന അ​തേ കൈ​പ്പ​ട​യി​ൽ ജെ.​പി എ​ന്ന ചു​രു​ക്ക നാ​മ​ത്തി​ൽ സാ​ജ​നെ​യും മാതാവ്​ കൊ​ച്ചു​ത്രേ​സ്യ​യെയും ഭീ​ഷ​ണി​പ്പെ​ടു​ത്തി കൊ​ണ്ടു​ള്ള പ​ല ക​ത്തു​ക​ളും ഉ​ണ്ടാ​യി​രു​ന്നു. ഇ​ത് ​പൊലീ​സി​നെ ആ​ശ​യ​ക്കു​ഴ​പ്പ​ത്തി​ലാ​ക്കി​യെ​ങ്കി​ലും തു​ട​ർ​ന്നു​ള്ള ചോ​ദ്യം ചെ​യ്യ​ലി​ലാ​ണ് പ്ര​തി​യു​ടെ ക്രി​മി​ന​ൽ ബു​ദ്ധി​യു​ടെ ആ​ഴം മ​ന​സ്സിലാ​യ​ത്.

പ്ര​തി മ​ജി​സ്​​ട്രേ​റ്റി​ന് അ​യ​ക്കാ​നാ​യി വെ​ച്ചി​രു​ന്ന ക​ത്തി​ൽ ജി​ൻ​സ​ൺ എ​ന്ന​യാ​ളാ​ണ് ഇ​ത്ത​ര​ത്തി​ൽ ഭീ​ഷ​ണി​ക്ക​ത്തു​ക​ൾ അ​യ​ക്കു​ന്ന​തെ​ന്നും അ​യാ​ളു​ടെ വാ​ഹ​ന ന​മ്പ​റും കൈയക്ഷ​ര​വും പ​രി​ശോ​ധി​ച്ചാ​ൽ കാ​ര്യ​ങ്ങ​ൾ വ്യ​ക്ത​മാ​കു​മെ​ന്ന സൂ​ച​ന ഉ​ണ്ടാ​യി​രു​ന്നു. ഇ​തി​ന്‍റെ അ​ടി​സ്​​ഥാ​ന​ത്തി​ൽ ജി​ൻ​സ​നെ പൊ​ലീ​സ്​ ചോ​ദ്യം ചെ​യ്ത​തി​ൽ 2016 ൽ ​പ്ര​തി​യും മാതാവും ക​ല​ക്ട​റേ​റ്റി​ൽ ​െവച്ച് ക​ണ്ടി​രു​ന്നു​വെ​ന്നും, ക​ല​ക്ട​ർ​ക്ക് പ​രാ​തി ന​ൽ​കാ​ൻ വ​ന്ന​താ​ണെ​ന്നും എ​ഴു​താ​ന​റി​യി​ല്ലെന്നും പ​റ​ഞ്ഞ് ത​ന്നെ കൊ​ണ്ട് പ​രാ​തി എ​ഴു​തി​പ്പി​ച്ചു​വെ​ന്നും പ​റ​ഞ്ഞു.

തു​ട​ർ​ന്ന് സാ​ജ​ൻ ക്രി​സ്​​റ്റ​ഫ​റെ ചോ​ദ്യം ചെ​യ്ത​തി​ൽ പ്ര​തി കു​റ്റം സ​മ്മ​തി​ക്കു​ക​യാ​യി​രു​ന്നു. ക​ല​ക്ട​റേ​റ്റി​ൽ വെച്ച് വാ​ഹ​ന ന​മ്പ​ർ മ​ന​സ്സിലാ​ക്കി​യ പ്ര​തി ആ​ർ.​ടി.​ഒ സൈ​റ്റി​ൽ നി​ന്ന് ആ​ർ.​സി ഓ​ണ​ർ ജി​ൻ​സ​ന്‍റെ വി​വ​ര​ങ്ങ​ൾ മ​ന​സ്സിലാ​ക്കി​യും വ​ർ​ഷ​ങ്ങ​ളോ​ളം ജി​ൻ​സ​ന്‍റെ കൈ​യ​ക്ഷ​രം പ​ക​ർ​ത്തി​യെ​ഴു​തി പ​ഠി​ച്ചു​മാ​ണ് ക​ത്തു​ക​ൾ അ​യ​ച്ചു കൊ​ണ്ടി​രു​ന്ന​ത്.

2014 ൽ ​ന​ട​ന്ന കേ​സി​ന്‍റെ വി​ചാ​ര​ണ​യി​ൽ താ​ന​ല്ല ആ ​കു​റ്റം ചെ​യ്ത​തെ​ന്ന് വ​രു​ത്തിത്തീർ​ക്കു​ക​യാ​യി​രു​ന്നു പ്ര​തി​യു​ടെ ല​ക്ഷ്യം. അ​തി​നാ​ണ് പ​ല കൈ​യ​ക്ഷ​ര​ത്തി​ൽ സ്വ​ന്തം വി​ലാ​സ​ത്തി​ലേ​ക്കും ഭീ​ഷ​ണിക്കത്തു​ക​ൾ അ​യ​ച്ചി​രു​ന്ന​ത്. ഇവരുടെ ഫോ​ണി​ൽനി​ന്ന് ക​ല​ക്ട​ർ​ക്കും ജ​ഡ്ജി​ക്കും അ​യ​ച്ചി​രു​ന്ന ക​ത്തു​ക​ളു​ടെ ഫോ​ട്ടോ​ക​ളും ക​ണ്ടെ​ടു​ത്തു.

തു​യ്യം വേ​ളാ​ങ്ക​ണ്ണി പ​ള്ളി​യി​ൽ ‘ഇ​സ്​ലാമി​ക് സ്റ്റേ​റ്റ് ബോം​ബ്’

2016 ൽ ​തു​യ്യം വേ​ളാ​ങ്ക​ണ്ണി പ​ള്ളി​യി​ൽ ‘ഇ​സ്​ലാ​മി​ക് സ്റ്റേ​റ്റ് ബോം​ബ് വെച്ചി​രി​ക്കു​ന്നു’​എ​ന്ന വ്യാ​ജ മെ​സേ​ജ് അ​യ​ച്ച​തും താ​നാ​ണെ​ന്ന് പ്ര​തി സ​മ്മ​തി​ച്ചി​ട്ടു​ണ്ട്. അ​ന്ന് വി​കാ​രി​യാ​യി​രു​ന്ന ജോ​ളി എ​ബ്ര​ഹാ​മി​നോ​ടു​ള്ള വി​രോ​ധ​മാ​ണ് ഇ​പ്ര​കാ​രം ചെ​യ്യാ​ൻ പ്ര​ച​രി​പ്പി​ച്ച​തെ​ന്ന് പ്ര​തി പ​റ​യു​ന്നു.

ഈ ​കേ​സ്​ നി​ല​വി​ൽ കൊ​ല്ലം ഈ​സ്​​റ്റ് പൊ​ലീ​സി​ന്‍റെ അ​ന്വേ​ഷ​ണ​ത്തി​ലാ​ണ് ജി​ല്ല പൊ​ലീ​സ്​ മേ​ധാ​വി മെ​റി​ൻ ജോ​സ​ഫി​ന്‍റെ നി​ർ​ദ്ദേ​ശ​പ്ര​കാ​രം എ.​സി.​പി അ​ഭി​ലാ​ഷി​ന്‍റെ നേ​തൃ​ത്വ​ത്തി​ൽ വെ​സ്റ്റ് സ്റ്റേ​ഷ​ൻ സി.​ഐ ഷെ​ഫീ​ഖ്, ക​ൺ​ട്രോ​ൾ റൂം ​സി.​ഐ ജോ​സ്, എ​സ്.​ഐ അ​നീ​ഷ്, ദീ​പു, ജ്യോ​തി​ഷ് കു​മാ​ർ, ഷെ​മീ​ർ, ബി​നു, ജ​ല​ജ, ര​മ, ബി​ന്ദു, സു​മ തു​ട​ങ്ങി​യ അ​ന്വേ​ഷ​ണ സം​ഘ​മാ​ണ് ഇ​വ​രെ അ​റ​സ്​​റ്റ് ചെ​യ്ത​ത്. സാ​ജ​ൻ ക്രി​സ്​​റ്റ​ഫ​റി​നെ ജി​ല്ല ജ​യി​ലി​ലേ​ക്കും കൊ​ച്ചു​ത്രേ​സ്യ​യെ അ​ട്ട​ക്കുള​ങ്ങ​ര വ​നി​താ ജ​യി​ലി​ലേ​ക്കും മാ​റ്റി.

സി​നി​മാ​ക​ഥ​ക​ളെ വെ​ല്ലു​ന്ന പ്ര​വൃ​ത്തി​ക​ള്‍

കൊ​ല്ലം: വ്യാ​ജ ഭീ​ഷ​ണി​ക്കത്തു​മാ​യി ബ​ന്ധ​പ്പെ​ട്ട് പി​ടി​യി​ലാ​യ സാ​ജ​നെ ചോ​ദ്യം ചെ​യ്ത​തോ​ടെ പു​റ​ത്ത​റി​ഞ്ഞ കാ​ര്യ​ങ്ങ​ളി​ല്‍ ഞെ​ട്ട​ലി​ലാ​ണ്​ അ​ന്വേ​ഷ​ണ​സം​ഘം.

സി​നി​മാ​ക​ഥ​ക​ളി​ലെ സൈ​ക്കോ​ക​ഥാ​പാ​ത്ര​ങ്ങ​ളേ​ക്കാ​ള്‍ ദു​രൂഹ​ത നി​റ​ഞ്ഞ പ്ര​വൃ​ത്തി​ക​ളാ​യി​രു​ന്നു സാ​ജ​ന്‍ ചെ​യ്തു​വ​ന്നി​രു​ന്ന​ത്. പ​ത്താം​ക്ലാ​സ് മാ​ത്രം വി​ദ്യാ​ഭ്യാ​സ​യോ​ഗ്യ​ത​യു​ള്ള ഇ​യാ​ള്‍ ഇ​ല​ക്‌​ട്രോ​ണി​ക്സ് ഉ​പ​ക​ര​ണ​ങ്ങ​ള്‍ ഉ​പ​യോ​ഗി​ക്കു​ന്ന​തി​ലും സി.​സിടി.​വി കാ​മ​റ​ക​ള്‍ കൈ​കാ​ര്യം ചെ​യ്യു​ന്ന​തി​ലും വി​ദ​ഗ്​​ധ​നാ​യി​രു​ന്നു. വ്യാ​ജ ഭീ​ഷ​ണിക്കത്തു​ക​ൾ എ​ഴു​താ​ൻ സ്വ​ന്ത​മാ​യി ര​ണ്ട്​ കൈ​യ​ക്ഷ​ര​ങ്ങ​ള്‍ ഉ​പ​യോ​ഗി​ക്കു​ക​യും ചെ​യ്തു.

സ്വ​ത​സി​ദ്ധ​മാ​യ കൈ​യ​ക്ഷ​രം മാ​റ്റി മ​റ്റൊ​രു കൈ​യ​ക്ഷ​ര​ത്തി​ലാ​യി​രു​ന്നു സാ​ജ​ന്‍ ഭീ​ഷ​ണി​ക​ത്തു​ക​ള്‍ ത​യാ​റാ​ക്കി​യി​രു​ന്ന​ത്. 2018 മു​ത​ല്‍ പു​തി​യ കൈ​യ​ക്ഷ​ര​ത്തി​ലാ​ണ് ഭീ​ഷ​ണി​ക്കത്തു​ക​ള്‍ ത​യാ​റാ​ക്കി​യി​രു​ന്ന​ത്. ജ​ഡ്ജി​ക്ക​യ​ച്ച ഭീ​ഷ​ണി​ക്ക​ത്ത് പു​തി​യ കൈ​യ​ക്ഷ​ര​ത്തി​ലാ​യി​രു​ന്നു. അ​ന്ന് പൊ​ലീ​സ് ഇ​യാ​ളെ ചോ​ദ്യം ചെ​യ്​തെ​ങ്കി​ലും പ​ഴ​യ കൈ​യ​ക്ഷ​രം എ​ഴു​തി​ക്കാ​ണി​ച്ച​തോ​ടെ പൊ​ലീ​സ് വി​ട്ട​യ​ച്ചി​രു​ന്നു.

ചൊ​വ്വാഴ്ച ന​ട​ത്തി​യ ചോ​ദ്യം ചെ​യ്യ​ലി​ല്‍ പ​ഴ​യ​തും പു​തി​യ​തു​മാ​യ അ​ക്ഷ​ര​ത്തി​ല്‍ ഇ​യാ​ള്‍ എ​ഴു​തി​യ ക​ത്തു​ക​ള്‍ ല​ഭി​ച്ചെ​ന്നും ക​ല​ക്ട​റേ​റ്റി​ലേ​ക്ക് ക​ത്തെ​ഴു​താ​ന്‍ കാ​ര​ണം ഒ​രി​ക്ക​ല്‍ പോ​യ​പ്പോ​ള്‍ ക​ല​ക്ട​റേ​റ്റി​ല്‍ ക​ണ്ട ഉ​ദ്യോ​ഗ​സ്ഥ​യോ​ട്​ തോ​ന്നി​യ പ്ര​ണ​യ​മാ​ണെ​ന്നും ഇ​യാ​ള്‍ അ​ന്വേ​ഷ​ണ സം​ഘ​ത്തോ​ട് പ​റ​ഞ്ഞു. സം​ഭ​വം ന​ട​ന്ന് അ​ഞ്ചുദി​വ​സ​ത്തി​നു​ള്ളി​ല്‍ പ്ര​തി​യെ ക​ണ്ടെ​ത്താ​നാ​യ​തി​ന്റെ ആ​ശ്വാ​സ​ത്തി​ലാ​ണ് പൊ​ലീ​സ്.