അഷ്ടമുടിക്ക്​ സംരക്ഷണമൊരുക്കാൻ ബയോ ഡൈജസ്റ്ററുകൾ

കൊ​ല്ലം: അ​ഷ്​​ട​മു​ടി കാ​യ​ൽ മ​ലി​നീ​ക​ര​ണം ത​ട​യു​ന്ന​തി​ന്​ വ​ഴി​യൊ​രു​ക്കു​ന്ന പ്ര​ധാ​ന പ​ദ്ധ​തി​ക്ക്​ തു​ട​ക്ക​മി​ട്ട്​ കോ​ർ​പ​റേ​ഷ​ൻ. കാ​യ​ലി​ൽ ശൗ​ചാ​ല​യ മാ​ലി​ന്യം എ​ത്തു​ന്ന​ത്​ ഒ​ഴി​വാ​ക്കു​ന്ന​ത്​ ല​ക്ഷ്യ​മി​ട്ട്, കാ​യ​ലോ​ര​ങ്ങ​ളി​ൽ താ​മ​സി​ക്കു​ന്ന നി​ർ​ധ​ന കു​ടും​ബ​ങ്ങ​ൾ​ക്ക്​ ചെ​റു​മാ​ലി​ന്യ പ്ലാ​ന്‍റ്​ ആ​യി പ്ര​വ​ർ​ത്തി​ക്കു​ന്ന ബ​യോ ഡൈ​ജ​സ്റ്റ​റു​ക​ൾ ന​ൽ​കു​ന്ന പ​ദ്ധ​തി​ക്കാ​ണ്​ തു​ട​ക്ക​മാ​യ​ത്. അ​ഷ്ട​മു​ടി കാ​യ​ലി​ലേ​ക്ക്​ വീ​ടു​ക​ളി​ൽ നി​ന്നു​ൾ​പ്പെ​ടെ ശൗ​ചാ​ല​യ മാ​ലി​ന്യം വ​ൻ തോ​തി​ൽ എ​ത്തു​ന്നു​ണ്ട്. ഇ​ത്​ പൂ​ർ​ണ​മാ​യി ഒ​ഴി​വാ​ക്കി​യാ​ൽ മാ​ത്ര​മേ അ​ഷ്ട​മു​ടി​യു​ടെ ശു​ചീ​ക​ര​ണം സാ​ധ്യ​മാ​കൂ.

ഈ ​ല​ക്ഷ്യം സാ​ധ്യ​മാ​ക്കു​ന്ന​തി​നാ​യി കോ​ർ​പ​റേ​ഷ​ന്‍റെ ‘ജീ​വ​നാ​ണ് അ​ഷ്ട​മു​ടി ജീ​വി​ക്ക​ണം അ​ഷ്ട​മു​ടി’ പ​ദ്ധ​തി​യു​ടെ ഭാ​ഗ​മാ​യി ബി.​പി.​എ​ൽ കു​ടും​ബ​ങ്ങ​ൾ​ക്ക്​ സൗ​ജ​ന്യ​മാ​യി ബ​യോ ഡൈ​ജ​സ്റ്റ​ർ സ്ഥാ​പി​ച്ചു​ന​ൽ​കു​ന്ന പ​ദ്ധ​തി​യാ​ണ്​ ആ​രം​ഭി​ച്ച​ത്. 100 ബി.​പി.​എ​ൽ കു​ടും​ബ​ങ്ങ​ൾ​ക്ക് 50 ല​ക്ഷം രൂ​പ ചെ​ല​വ​ഴി​ച്ചാ​ണ്​ ബ​യോ ഡൈ​ജ​സ്റ്റ​റു​ക​ൾ സ്ഥാ​പി​ക്കു​ന്ന​ത്. 700 ലി​റ്റ​ർ സം​ഭ​ര​ണ​ശേ​ഷി​യു​ള്ള​താ​ണ്​ ബ​യോ​ഡൈ​ജ​സ്റ്റ​ർ ടാ​ങ്ക്. ഇ​തി​ൽ അ​ന​റോ​ബി​ക്​ മൈ​ക്രോ​ബ​യ​ൽ ഇ​നോ​ക്കു​ലം ബാ​ക്ടീ​രി​യ​ൽ ലാ​യ​നി 200 ലി​റ്റ​ർ ഒ​ഴി​ക്കു​ക​യാ​ണ്​ ചെ​യ്യു​ന്ന​ത്. ശൗ​ചാ​ല​യ മാ​ലി​ന്യം ഈ ​ലാ​യ​നി​യു​മാ​യി പ്ര​വ​ർ​ത്തി​ച്ച്​ സം​സ്ക​രി​ച്ച്​ കാ​ർ​ഷി​ക​വൃ​ത്തി​ക്ക്​ ഉ​പ​യോ​ഗി​ക്കാ​ൻ ക​ഴി​യു​ന്ന വെ​ള്ള​മാ​യി പു​റ​ത്ത​വ​രും. മേ​യ​ർ പ്ര​സ​ന്ന ഏ​ണ​സ്റ്റ് ഉ​ദ്​​ഘാ​ട​നം നി​ർ​വ​ഹി​ച്ചു. ഡെ​പ്യൂ​ട്ടി മേ​യ​ർ കൊ​ല്ലം മ​ധു അ​ധ്യ​ക്ഷ​ത വ​ഹി​ച്ചു. സ്റ്റാ​ൻ​ഡി​ങ്​ ക​മ്മി​റ്റി ചെ​യ​ർ​മാ​ൻ​മാ​ർ, കൗ​ൺ​സി​ല​ർ​മാ​ർ, രാ​ഷ്ട്രീ​യ പ്ര​വ​ർ​ത്ത​ക​ർ, ഉ​ദ്യോ​ഗ​സ്ഥ​ർ എ​ന്നി​വ​ർ പ​ങ്കെ​ടു​ത്തു.