മാധ്യമപ്രവർത്തകർക്കുനേരെ ആക്രമണം; മൂന്നുപേർ അറസ്റ്റിൽ

കൊ​ല്ലം: ന​ഗ​ര​മ​ധ്യ​ത്തി​ൽ വാ​ർ​ത്ത ശേ​ഖ​രി​ക്കു​ക​യാ​യി​രു​ന്ന മാ​ധ്യ​മ​പ്ര​വ​ർ​ത്ത​ക​ർ​ക്കുനേ​രെ ഗു​ണ്ടാ​സം​ഘ​ത്തി​ന്‍റെ ആ​ക്ര​മ​ണം. മൂന്നുപേ​രെ കൊ​ല്ലം ഈ​സ്റ്റ്​ പൊ​ലീ​സ്​ അ​റ​സ്റ്റ്​ ചെ​യ്തു. മാ​തൃ​ഭൂ​മി സ്റ്റാ​ഫ് റി​പ്പോ​ർ​ട്ട​ർ അ​നി​ൽ മു​കു​​േന്ദ​രി, സ്റ്റാ​ഫ് ഫോ​ട്ടോ​ഗ്രാ​ഫ​ർ സു​ധീ​ർ മോ​ഹ​ൻ എ​ന്നി​വ​ർ​ക്ക്​ നേ​രെ​യാ​ണ്​ ആ​ക്ര​മ​ണ​മു​ണ്ടാ​യ​ത്. പ​രി​ക്കേ​റ്റ ഇ​രു​വ​രെ​യും ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ബു​ധ​നാ​ഴ്ച ഉ​ച്ച​ക്ക്​ ഒ​ന്നോ​ടെ പോ​ള​യ​ത്തോ​ട് ശ്മ​ശാ​ന​ത്തി​ന് സ​മീ​പ​ത്താ​ണ് സം​ഭ​വം. ആ​ക്ര​മ​ണ​ത്തി​ന് നേ​തൃ​ത്വം ന​ൽ​കി​യ വ​ട​ക്കേ​വി​ള കെ.​ടി.​എ​ൻ.​ന​ഗ​ർ മാ​ളി​ക​വ​യ​ൽ അ​ൽ​ത്താ​ഫ്, സെ​യ്ദ​ലി, തി​രു​ന​ൽ​വേ​ലി വെ​ള്ളം​കു​ളി വെ​ള്ള​പ്പാ​ണ്ടി സ്വ​ദേ​ശി രാ​ജ എ​ന്നി​വ​രെ​യാ​ണ്​ പൊ​ലീ​സ്​ പി​ടി​കൂ​ടി​യ​ത്. ആ​റം​ഗ സം​ഘം പി​ന്തു​ട​ർ​ന്നെ​ത്തി​യാ​ണ്​ മ​ർ​ദ​നം ന​ട​ത്തി​യ​ത്.

ര​ണ്ട്​ കി​ലോ​മീ​റ്റ​ർ അപ്പു​റ​ത്ത്​ കൊ​ല്ലം പ​ബ്ലി​ക് ലൈ​ബ്ര​റി​ക്ക്​ മു​ന്നി​ൽ ശോ​ച്യാ​വ​സ്ഥ​യി​ലു​ള്ള റോ​ഡി​ന്റെ ഫോ​ട്ടോ എ​ടു​ക്കു​ന്ന​തി​ന്​ മാ​ധ്യ​മ​പ്ര​വ​ർ​ത്ത​ക​ർ എ​ത്തി​യ​തി​നുപി​ന്നാ​ലെ​യാ​ണ്​ ആ​ക്ര​മ​ണ​മു​ണ്ടാ​യ​ത്. ഇ​വി​ടെ അ​ന​ധി​കൃ​ത​മാ​യി ത​ട്ടു​ക​ട ന​ട​ത്തു​ന്ന​യാ​ൾ, ത​ങ്ങ​ളു​ടെ ബ​ങ്കി​ന്‍റെ ചി​ത്രം പ​ക​ർ​ത്തു​ക​യാ​ണെ​ന്ന്​ തെ​റ്റി​ദ്ധ​രി​ച്ച്​ സു​ധീ​റി​നെ ഭീ​ഷ​ണി​പ്പെ​ടു​ത്തി.

റോ​ഡി​ന്‍റെ ചി​ത്രം പ​ക​ർ​ത്തു​ന്ന​താ​ണെ​ന്ന്​ പ​റ​ഞ്ഞി​ട്ടും ഇ​വ​ർ സ​മ്മ​തി​ച്ചി​ല്ല. തു​ട​ർ​ന്ന്​ ബൈ​ക്കി​ൽ പോ​ള​യ​ത്തോ​ട്ടേ​ക്ക് പോ​യ സു​ധീ​റി​നെ​യും അ​നി​ലി​നേ​യും ര​ണ്ടു​പേ​ർ ആ​യു​ധ​ങ്ങ​ളു​മാ​യി അ​പ​ക​ട​ക​ര​മാ​യി പി​ന്തു​ട​ർ​ന്നു. വി​വ​രം ഉ​ട​ൻ​ത​ന്നെ അ​നി​ൽ കൊ​ല്ലം ഈ​സ്റ്റ് സി.​ഐ​യെ ഫോ​ണി​ൽ വി​ളി​ച്ച് അ​റി​യി​ച്ചു.

പോ​ള​യ​ത്തോ​ട് ശ്മ​ശാ​ന​ത്തി​ന് മു​ന്നി​ൽ ഹ​രി​ത​ക​ർ​മ സേ​നാം​ഗ​ങ്ങ​ളു​മാ​യി സം​സാ​രി​ക്കു​ന്ന​തി​നി​ടെ മൂ​ന്ന്​ ബൈ​ക്കു​ക​ളി​ൽ എ​ത്തി​യ അ​ക്ര​മി​ക​ൾ സു​ധീ​റി​ന്റെ ക​ഴു​ത്തി​ന് കു​ത്തി​പ്പി​ടി​ക്കു​ക​യും ച​വി​ട്ടു​ക​യും ചെ​യ്തു.

ഇ​ത് ത​ട​യാ​നെ​ത്തി​യ അ​നി​ലി​ന് നേ​രെ തി​രി​ഞ്ഞ അ​ക്ര​മി​ക​ൾ ത​ല​ക്കും നെ​ഞ്ച​ത്തും മ​ർ​ദി​ക്കു​ക​യും ഇ​ടി​ച്ച് വീ​ഴ്ത്തു​ക​യും ചെ​യ്തു. ഹ​രി​ത​ക​ർ​മ സേ​നാം​ഗ​ങ്ങ​ളും സ്ഥ​ല​ത്തു​ണ്ടാ​യി​രു​ന്ന​വ​രും പി​ന്തി​രി​പ്പി​ക്കാ​ൻ ശ്ര​മി​ച്ചെ​ങ്കി​ലും അ​ക്ര​മി​ക​ൾ വ​ഴ​ങ്ങി​യി​ല്ല. മ​ർ​ദ​ന​മേ​റ്റ അ​നി​ൽ ബോ​ധ​ര​ഹി​ത​നാ​യി. ഈ ​സ​മ​യം പ​ട്രോ​ളി​ങ് ഡ്യൂ​ട്ടി​യി​ലു​ണ്ടാ​യി​രു​ന്ന പി​ങ്ക് പൊ​ലീ​സ് സ്ഥ​ല​ത്തെ​ത്തി.

ഇ​വ​ർ വി​വ​ര​ങ്ങ​ൾ ചോ​ദി​ച്ച​റി​യു​ന്ന​തി​നി​ടെ ഈ​സ്റ്റ് പൊ​ലീ​സെ​ത്തി. പൊ​ലീ​സെ​ത്തു​ന്ന​തു​ക​ണ്ട് അ​ക്ര​മി​ക​ളി​ൽ അ​ഞ്ചു​പേ​രും ക​ട​ന്നു. സ്ഥ​ല​ത്തു​ണ്ടാ​യി​രു​ന്ന അ​ൽ​ത്താ​ഫി​നെ പൊ​ലീ​സ് ക​സ്റ്റ​ഡി​യി​ലെ​ടു​ത്തു. പ​രി​ക്കേ​റ്റ ഇ​രു​വ​രേ​യും ഓ​ട്ടോ​യി​ൽ ജി​ല്ല ആ​ശു​പ​ത്രി​യി​ലേ​ക്ക് മാ​റ്റി. ഈ​സ്റ്റ് പൊ​ലീ​സ് സം​ഘം ആ​ശു​പ​ത്രി​യി​ലെ​ത്തി ഇ​രു​വ​രു​ടേ​യും മൊ​ഴി​യെ​ടു​ത്ത് കേ​സ് ര​ജി​സ്റ്റ​ർ ചെ​യ്തു. സെ​യ്ദ​ലി​യെ പൊ​ലീ​സ് പി​ന്നീ​ട് വീ​ട്ടി​ൽ നി​ന്ന് അ​റ​സ്റ്റു​ചെ​യ്തു.

കൊ​ല്ലം ന​ഗ​ര​ത്തി​ലെ പ്ര​ധാ​ന​പ്ര​ശ്ന​ങ്ങ​ളി​ലൊ​ന്നാ​യ അ​ന​ധി​കൃ​ത വ​ഴി​യോ​ര ബ​ങ്കു​ക​ളു​ടെ ന​ട​ത്തി​പ്പു​കാ​രാ​ണ്​ ആ​ക്ര​മ​ണം ന​ട​ത്തി​യ​ത്. കോ​ർ​പ​റേ​ഷ​ന്‍റെ അ​നു​മ​തി പോ​ലു​മി​ല്ലാ​തെ ഇ​ത്ത​രം നി​ര​വ​ധി ബ​ങ്കു​ക​ളാ​ണ്​ ന​ഗ​ര​ത്തി​ൽ പ്ര​വ​ർ​ത്തി​ക്കു​ന്ന​ത്. ഈ ​നി​യ​മ​വി​രു​ദ്ധ പ്ര​വ​ർ​ത്ത​നം വാ​ർ​ത്ത​യാ​ക്കു​മെ​ന്ന്​ ക​രു​തി​യാ​ണ്​ സം​ഘം മാ​ധ്യ​മ​പ്ര​വ​ർ​ത്ത​ക​രെ ആ​ക്ര​മി​ച്ച​ത്.

ശു​ചി​ത്വ​മാ​ന​ദ​ണ്ഡ​ങ്ങ​ൾ പോ​ലും പാ​ലി​ക്കാ​തെ പ്ര​വ​ർ​ത്തി​ക്കു​ന്ന ഇ​ത്ത​രം ബ​ങ്കു​ക​ൾ​ക്കെ​തി​രെ പ​രാ​തി ന​ൽ​കി​യാ​ൽ പോ​ലും ന​ട​പ​ടിയു​ണ്ടാ​കു​ന്നി​ല്ല. അ​ന​ധി​കൃ​ത കൈയേ​റ്റ​ങ്ങ​ൾ​ക്കെ​തി​രെ ന​ട​പ​ടി ഉ​ണ്ടാ​കു​മെ​ന്ന്​ കോ​ർ​പ​റേ​ഷ​ൻ അ​ധി​കൃ​ത​രും നി​ര​ന്ത​രം പ്ര​സ്താ​വ​ന ന​ട​ത്തു​ന്ന​ത​ല്ലാ​തെ ന​ട​പ​ടിയൊന്നും ഉ​ണ്ടാ​കാ​റി​ല്ല.