ലൈ​ബ്ര​റി പ്ര​വ​ർ​ത്ത​ക​രെ ആ​ക്ര​മി​ച്ച സം​ഭ​വം; ര​ണ്ടു​പേ​ർ കോ​ട​തി​യി​ൽ കീ​ഴ​ട​ങ്ങി

ഇ​ര​വി​പു​രം: കോ​വി​ഡ് കാ​ല​ത്ത് പു​റ​ത്തു​നി​ന്നു​മെ​ത്തു​ന്ന​തി​നെ ചോ​ദ്യം ചെ​യ്ത​തിെൻറ പേ​രി​ൽ മ​യ​ക്കു​മ​രു​ന്നു സം​ഘം ലൈ​ബ്ര​റി പ്ര​വ​ർ​ത്ത​ക​രെ ആ​ക്ര​മി​ച്ച്​ പ​രി​ക്കേ​ൽ​പി​ച്ച കേ​സി​ൽ സം​ഘ​ത്തി​ൽ​പ്പെ​ട്ട ര​ണ്ടു​പേ​ർ കോ​ട​തി​യി​ൽ കീ​ഴ​ട​ങ്ങി.പ്ര​ധാ​ന പ്ര​തി​ക​ളാ​യ നൗ​ഷാ​ദ്, സ​ക്കീ​ർ എ​ന്നി​വ​രാ​ണ് കൊ​ല്ലം ജു​ഡീ​ഷ്യ​ൽ ഫ​സ്​​റ്റ്​ ക്ലാ​സ് മ​ജി​സ്ട്രേ​റ്റ്​ ര​ണ്ട് കോ​ട​തി മു​മ്പാ​കെ കീ​ഴ​ട​ങ്ങി​യ​ത്.

കേ​സു​മാ​യി ബ​ന്ധ​പ്പെ​ട്ട് അ​ഖി​ൽ, സ​ബീ​ർ, ആ​ഷി​ക്ക്, നി​ഷാ​ദ് എ​ന്നി​വ​രെ ഇ​ര​വി​പു​രം പൊ​ലീ​സ് നേ​ര​ത്തേ പി​ടി​കൂ​ടി​യി​രു​ന്നു. മു​ഖ്യ​പ്ര​തി​ക​ളെ ക​ണ്ടെ​ത്തു​ന്ന​തി​നാ​യി പൊ​ലീ​സ് അ​ന്വേ​ഷ​ണം ന​ട​ത്തി വ​ര​വെ​യാ​ണ് ഇ​വ​ർ കോ​ട​തി​യി​ൽ കീ​ഴ​ട​ങ്ങി​യ​ത്. ക​സ്​​റ്റ​ഡി​യി​ൽ വാ​ങ്ങി ചോ​ദ്യം ചെ​യ്യു​ന്ന​തി​നാ​യി പൊ​ലീ​സ് ശ്ര​മം തു​ട​ങ്ങി​യി​ട്ടു​ണ്ട്. ഒ​ളി​വി​ൽ ക​ഴി​യാ​ൻ സ​ഹാ​യം ചെ​യ്തു​കൊ​ടു​ത്ത​വ​രെ​ക്കു​റി​ച്ച് പൊ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്.

തി​രു​വോ​ണ​ദി​വ​സം രാ​ത്രി പ​ത്ത​ര​യോ​ടെ വാ​ള​ത്തും​ഗ​ൽ ലി​യോ ക്ല​ബി​ൽ കോ​വി​ഡ് ബോ​ധ​വ​ത്ക​ര​ണ പ്ര​വ​ർ​ത്ത​ന​ങ്ങ​ളു​ടെ അ​വ​ലോ​ക​നം ന​ട​ക്ക​വെ പ്ര​ദേ​ശ​ത്തി​ന് പു​റ​ത്തു​നി​ന്നു​ള്ള ചി​ല യു​വാ​ക്ക​ൾ സം​ശ​യ​ക​ര​മാ​യ സാ​ഹ​ച​ര്യ​ത്തി​ൽ കാ​ണ​പ്പെ​ട്ട​തി​നെ ലൈ​ബ്ര​റി പ്ര​വ​ർ​ത്ത​ക​ർ ചോ​ദ്യം ചെ​യ്തി​രു​ന്നു. ഇ​തി​നു​ശേ​ഷം സം​ഘ​ടി​ച്ചെ​ത്തി​യ സം​ഘം മ​ന്നം മെ​മ്മോ​റി​യ​ൽ എ​ച്ച്.​എ​സ്.​എ​സി​ന് സ​മീ​പം ലി​യോ​ന​ഗ​ർ നാ​ല് ശ്രീ​ഭ​വ​നി​ൽ ശ്രീ​ജി​ത്ത് (39) ഉ​ൾ​െ​പ്പ​ടെ ഏ​താ​നും പേ​രെ ഗു​രു​ത​ര​മാ​യി ആ​ക്ര​മി​ച്ച് പ​രി​ക്കേ​ൽ​പി​ച്ച​ശേ​ഷം ക​ട​ന്നു​ക​ള​യു​ക​യാ​യി​രു​ന്നു.

ഇ​ര​വി​പു​രം പൊ​ലീ​സ് ഇ​ൻ​സ്പെ​ക്ട​ർ കെ. ​വി​നോ​ദിെൻറ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം രൂ​പ​വ​ത്​​ക​രി​ക്കു​ക​യും അ​ന്വേ​ഷ​ണം ഊ​ർ​ജി​ത​മാ​ക്കു​ക​യും ചെ​യ്ത​തി​നെ​തു​ട​ർ​ന്നാ​ണ് കേ​സി​ൽ നാ​ലു​പേ​രെ അ​റ​സ്​​റ്റ്​ ചെ​യ്യാ​നാ​യ​ത്.