അത്തമെത്തി; ഇനി പൊന്നോണത്തിന്​ പത്തുനാൾ

കൊ​ല്ലം: മ​ല​നാ​ടി​ന്‍റെ മ​ണ്ണി​ല്‍ മ​ഴ​ക്കാ​ലം പെ​യ്തു​തോ​ര്‍ന്നാ​ല്‍ പി​ന്നെ ചി​ങ്ങ​വെ​യി​ലി​ന്‍റെ പൂ​ക്കാ​ല​മാ​ണ്. പൊ​ന്നോ​ണ​ത്തി​ന്‍റെ വ​ര​വ​റി​യി​ച്ച് അ​ത്ത​ദി​നം വ​ന്നെ​ത്തി​യി​രി​ക്കു​ന്നു. ഇ​നി പ​ത്ത് ദി​നം ക​ഴി​യു​മ്പോ​ൾ പൊ​ന്നോ​ണ​മി​ങ്ങെ​ത്തും. ക​ര്‍ക്ക​ട​ക​ത്തി​ന്‍റെ ക​റു​ത്ത ക​ഷ്ട​ന​ഷ്ട​ങ്ങ​ള്‍ക്കെ​ല്ലാം വി​രാ​മ​മി​ട്ടാ​ണ് പൊ​ന്നി​ന്‍ ചി​ങ്ങ​മാ​സ​ത്തി​ലെ അ​ത്തം പി​റ​ക്കു​ന്ന​ത്.

ഇ​നി ഓ​ണ​പ​രി​പാ​ടി​ക​ളു​ടെ നാ​ളു​ക​ളാ​ണ്. വി​വി​ധ സം​ഘ​ട​ന​ക​ളു​ടെ​യും സ്​​ഥാ​പ​ന​ങ്ങ​ടെ​യും നേ​തൃ​ത്വ​ത്തി​ൽ ചെ​റു​തും വ​ലു​തു​മാ​യി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലാ​യി ഓ​ണ​പ​രി​പാ​ടി​ക​ൾ അ​ര​ങ്ങേ​റും. ഇ​ന്നു​മു​ത​ൽ ഓ​ണ​ത്തി​ന്‍റെ വ​ര​വ​റി​യി​ച്ച്​ ആ​ളു​ക​ള്‍ വീ​ടു​ക​ളി​ലും സ്ഥാ​പ​ന​ങ്ങ​ളി​ലും പൂ​ക്ക​ള​മൊ​രു​ക്കാ​ന്‍ തു​ട​ങ്ങും. അ​ത്തം മു​ത​ല്‍ പ​ത്താം ദി​നം വ​രെ, ഓ​രോ നി​റ​ങ്ങ​ളി​ല്‍ ഓ​രോ പൂ​ക്ക​ളാ​ല്‍ അ​ത്ത​പ്പൂ​ക്ക​ളം ഒ​രു​ക്കു​ന്നു.

വി​പ​ണി​ക​ളെ​ല്ലാം സ​ജീ​വ​മാ​യി​ക്ക​ഴി​ഞ്ഞു. ന​ഗ​ര​ത്തി​ലെ തു​ണി​ക്ക​ട​ക​ളി​ലാ​ണ്​ ഏ​റെ​യും ഓ​ണ​ത്തി​ര​ക്ക്. ആ​ളു​ക​ളെ ആ​ക​ർ​ഷി​ക്കാ​ൻ വി​വി​ധ ഓ​ഫ​റു​ക​ളും ഡി​സ്കൗ​ണ്ടു​ക​ളു​മാ​ണ്​ വി​പ​ണി​യി​ൽ. ഓ​ണ​ക്കോ​ടി നേ​ര​ത്തെ​ത​ന്നെ വാ​ങ്ങി​വെ​ക്കാ​നു​ള്ള ത​യാ​റെ​ടു​പ്പി​ലാ​ണ്​ എ​ല്ലാ​വ​രും. കു​ടും​ബ​ശ്രീ, ക​ൺ​സ്യൂ​മ​ർ ഫെ​ഡ്, സ​പ്ലൈ​കോ, വി​വി​ധ സ​ഹ​ക​ര​ണ സം​ഘ​ങ്ങ​ൾ എ​ന്നി​വ കേ​ന്ദ്രീ​ക​രി​ച്ചു​ള്ള ഓ​ണ​ച്ച​ന്ത​ക​ളും ഒ​രു​ങ്ങി​ക്ക​ഴി​ഞ്ഞു.

ജി​ല്ല​യി​ലെ സ്ഥാ​പ​ന​ങ്ങ​ളും ഓ​ഫി​സു​ക​ളി​ലു​മെ​ല്ലാം ഓ​ണ​ത്തെ വ​ര​വേ​ൽ​ക്കാ​ൻ പൂ​ക്ക​ള​ങ്ങ​ളൊ​രു​ക്കി​ത്തു​ട​ങ്ങി. ഓ​ണ​ത്തി​ന്​ ക​​ളം​​നി​​റ​​യെ പൂ​ക്ക​ള​മൊ​രു​​ക്കാ​​ൻ നാ​​ട​​ൻ പൂ​​ക്ക​​ൾ ​റെ​​ഡി​യാ​ക്കു​ന്ന​തി​ന്‍റെ തി​ര​ക്കി​ലാ​ണ്​ പ​ല​സ്ഥാ​പ​ന​ങ്ങ​ളും. വി​ദ്യാ​ല​യ​ങ്ങ​ൾ, ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ, സ​ഹ​ക​ര​ണ സം​ഘ​ങ്ങ​ൾ, കു​ടും​ബ​ശ്രീ എ​ന്നി​വ​യു​ടെ നേ​തൃ​ത്വ​ത്തി​ൽ ജി​ല്ല​യു​ടെ വി​​വി​​ധ ഭാ​​ഗ​​ങ്ങ​​ളി​​ൽ ന​​ട​​ന്ന പൂ​കൃ​​ഷി ഇ​​ത്ത​​വ​​ണ​​യും വ​​ൻ​​ഹി​​റ്റാ​ണ്. ഇ​തോ​ടെ ക​​ളം​​നി​​റ​​യെ ക​​ള​​റാ​​ക്കാ​​ൻ നാ​​ട​​ൻ പൂ​​ക്ക​​ൾ ​നേ​ര​ത്തെ​ത​ന്നെ​യെ​ത്തും. ബ​​ന്ദി​​പ്പൂ​​ക്ക​​ൾ ത​​ന്നെ​​യാ​​ണ്​ ഇ​​ത്ത​​വ​​ണ​​യും താ​​രം.

കൃ​​ഷി​വ​​കു​​പ്പും ത​​ദ്ദേ​​ശ​​സ്ഥാ​​പ​​ന​​ങ്ങ​​ളും സ​​ഹ​​ക​​രി​​ച്ച്​ മി​​ക്ക​​യി​​ട​​ങ്ങ​​ളി​​ലും കൃ​ഷി​ചെ​യ്ത പൂ​​ക്ക​​ൾ ഇ​​ത്ത​​വ​​ണ​​യും നാ​​ട​​ൻ ചേ​​ല്​ നി​​റ​​ക്കും. 30 ഹെ​​ക്ട​​റി​​ലാ​​ണ്​ ജി​​ല്ല​​യി​​ൽ ബ​​ന്ദി​​പ്പൂ​​ക്ക​​ൾ മാ​​ത്രം കൃ​​ഷി​​ചെ​​യ്തി​രി​ക്കു​ന്ന​ത്. കു​ടും​ബ​ശ്രീ ഉ​ൾ​പ്പെ​ടെ വി​വി​ധ സ്ഥാ​പ​ന​ങ്ങ​ളു​ടെ​യും ഹോ​ട്ട​ലു​ക​ള​ടെ​യും ​കാ​റ്റ​റി​ങ്​ യൂ​നി​റ്റു​ക​ളു​ടെ​യും നേ​തൃ​ത്വ​ത്തി​ൽ ഓ​ണ​സ​ദ്യ​യും വി​പ​ണി​യി​ലു​ണ്ട്.

19കൂ​ട്ടം 22 കൂ​ട്ടം 25 കൂ​ട്ടം എ​ന്നി​ങ്ങ​നെ​യാ​ണ്​ കു​ടും​ബ​ശ്രീ ഓ​ണ​സ​ദ്യ. വി​വി​ധ ബേ​ക്ക​റി​ക​ളി​ലാ​ക​ട്ടെ ഉ​പ്പേ​രി​യും ശ​ർ​ക്ക​ര വ​ര​ട്ടി​യും ത​യാ​റാ​ക്കു​ന്ന തി​ര​ക്കി​ലാ​ണ്. ഉ​പ​ഭോ​ക്​​താ​ക്ക​ളു​ടെ ഇ​ഷ്ട​പ്ര​കാ​രം വെ​ളി​ച്ചെ​ണ്ണ​യി​ലും പാ​മോ​യി​ലി​ലും ഒ​രു​ക്കി​യ ചി​പ്സു​ക​ൾ ബേ​ക്ക​റി​ക​ളി​ലെ അ​ല​മാ​ര​ക​ളി​ൽ നി​റ​ഞ്ഞു​ക​ഴി​ഞ്ഞു.