പ്ലാസ്റ്റിക് മാലിന്യം വേര്‍തിരിക്കല്‍ കേന്ദ്രത്തിൽ വന്‍ തീപിടിത്തം

അ​ഞ്ചാ​ലും​മൂ​ട്: അ​ഞ്ചാ​ലും​മൂ​ട്ടി​ലെ പ​ഴ​യ ബ്ലോ​ക്ക് ഓ​ഫി​സ് കെ​ട്ടി​ട​ത്തി​ല്‍ പ്ര​വ​ര്‍ത്തി​ക്കു​ന്ന പ്ലാ​സ്റ്റി​ക് മാ​ലി​ന്യം വേ​ര്‍തി​രി​ക്ക​ല്‍ കേ​ന്ദ്ര​ത്തി​ൽ വ​ന്‍ തീ​പി​ടി​ത്തം. ചൊ​വ്വാ​ഴ്ച ഉ​ച്ച​ക്ക് 2.45നാ​യി​രു​ന്നു സം​ഭ​വം. കോ​ര്‍പ​റേ​ഷ​ന്‍ പ​രി​ധി​യി​ല്‍ നി​ന്നും​മ​റ്റും ഹ​രി​ത​ക​ര്‍മ​സേ​ന അം​ഗ​ങ്ങ​ള്‍ ശേ​ഖ​രി​ക്കു​ന്ന പ്ലാ​സ്റ്റി​ക് ഉ​ള്‍പ്പെ​ടെ മാ​ലി​ന്യം പ​ഴ​യ ബ്ലോ​ക്ക് ഓ​ഫി​സ്​ കെ​ട്ടി​ട​ത്തി​ലാ​ണ് സൂ​ക്ഷി​ക്കു​ന്ന​ത്.

50 ട​ണ്‍ മാ​ലി​ന്യ​മാ​ണ് ഇ​വി​ടെ​യു​ണ്ടാ​യി​രു​ന്ന​ത്. കെ​ട്ടി​ട​ത്തി​ന് പി​റ​കി​ല്‍നി​ന്ന് പു​ക ഉ​യ​രു​ന്ന​ത്​ ശ്ര​ദ്ധ​യി​ൽ​പെ​ട്ട പ്ര​ദേ​ശ​വാ​സി​ക​ളാ​ണ് അ​ഞ്ചാ​ലും​മൂ​ട് പൊ​ലീ​സി​ലും അ​ഗ്നി​ര​ക്ഷ​സേ​ന​യി​ലും വി​വ​രം അ​റി​യി​ച്ച​ത്. തീ​പി​ടി​ത്ത​മു​ണ്ടാ​യ കെ​ട്ടി​ട​ത്തി​ന് തൊ​ട്ട​ടു​ത്ത കെ​ട്ടി​ട​ത്തി​ല്‍ നാ​ല് സ്ത്രീ​ക​ള്‍ ജോ​ലി​ചെ​യ്തി​രു​ന്നു.

സ​മീ​പ​ത്തെ സ്ഥാ​പ​ന​ത്തി​ലെ ജീ​വ​ന​ക്കാ​രെ​ത്തി പു​ക ഉ​യ​രു​ന്ന​താ​യി അ​റി​യി​ച്ച​തി​നെ തു​ട​ര്‍ന്ന് ഇ​വ​ർ സു​ര​ക്ഷി​ത സ്ഥാ​ന​ത്തേ​ക്ക് മാ​റി. കെ​ട്ടി​ട​ത്തി​ന്റെ പി​ന്‍വ​ശ​ത്ത് പ്ലാ​സ്റ്റി​ക് മാ​ലി​ന്യ​വും അ​ല്ലാ​ത്ത​വ​യും ഒ​ന്നി​ച്ച്​ ഇ​ട്ടി​രി​ക്കു​ക​യാ​യി​രു​ന്നു. സ​മീ​പ​കെ​ട്ടി​ട​ത്തി​ലെ ആ​രെ​ങ്കി​ലും പു​ക​വ​ലി​ച്ച ശേ​ഷം സി​ഗ​ര​റ്റ് കു​റ്റി​യോ സി​ഗ​ര​റ്റ് ക​ത്തി​ച്ച തീ​കൊ​ള്ളി​യോ വ​ലി​ച്ചെ​റി​ഞ്ഞ​താ​കാം തീ​പി​ടി​ക്കാ​ന്‍ കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.

കെ​ട്ടി​ട​ത്തി​ന് പി​ന്നി​ലെ മ​ര​ച്ചുവ​ട്ടി​ല്‍ ക​ത്തി​യ തീ ​പ്ലാ​സ്റ്റി​ക് മാ​ലി​ന്യ​ങ്ങ​ള്‍ കൂ​ടു​ത​ലു​ണ്ടാ​യി​രു​ന്ന​തി​നാ​ല്‍ പെ​ട്ടെ​ന്നാ​ണ് സ​മീ​പ​ത്തെ കെ​ട്ടി​ട​ത്തി​ലേ​ക്ക് പ​ട​ര്‍ന്ന്​ ആ​ളി​ക്ക​ത്തി​യ​ത്. നാ​ല് അ​ഗ്നി​ര​ക്ഷ​സേ​ന കേ​ന്ദ്ര​ങ്ങ​ളി​ൽ​നി​ന്ന് ഏ​ഴ് യൂ​നി​റ്റു​ക​ളി​ലാ​യി 50 ഫ​യ​ര്‍മാ​ന്മാ​ര്‍ ഒ​ന്ന​ര​മ​ണ​ക്കൂ​റോ​ളം പ്ര​യ​ത്‌​നി​ച്ചാ​ണ് തീ​യ​ണ​ച്ച​ത്.

പു​ക ശ്വ​സി​ച്ച നി​ര​വ​ധി​പേ​ര്‍ക്ക് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ടു. സ​മീ​പ​വാ​സി​യെ ശ്വാ​സ​ത​ട​സ്സ​ത്തെ തു​ട​ര്‍ന്ന് അ​ഞ്ചാ​ലും​മൂ​ട്ടി​ലെ സ്വ​കാ​ര്യ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ഫ​യ​ര്‍മാ​ന്‍മാ​രാ​യ സു​നി​ല്‍, വി​വേ​ക്, ലി​ന്റു ദാ​സ് എ​ന്നി​വ​ര്‍ക്കും ദേ​ഹാ​സ്വാ​സ്ഥ്യ​മു​ണ്ടാ​യി. ഇ​വ​ര്‍ക്ക് ഉ​ട​ന്‍ ത​ന്നെ വൈ​ദ്യ​സ​ഹാ​യം ന​ല്‍കി. കെ​ട്ടി​ട​ത്തി​ന് പി​ന്‍ഭാ​ഗ​ത്തെ ജ​ന​ലു​ക​ള്‍ ത​ക​ര്‍ക്കു​ക​യും കെ​ട്ടി​ട​ത്തി​നു​ള്ളി​ലൂ​ടെ ക​ട​ന്നു​മാ​ണ് തീ​യ​ണ​ച്ച​ത്.

നാ​ലോ​ടെ​യാ​ണ് തീ​യും പു​ക​യും ശ​മി​ച്ച​ത്. പ്ലാ​സ്റ്റി​ക്ക് മാ​ലി​ന്യ​ത്തി​ൽ തീ ​ശേ​ഷി​ക്കാ​നു​ള്ള സാ​ധ്യ​ത​കാ​ര​ണം ദീ​ര്‍ഘ​നേ​രം പ​രി​ശോ​ധ​ന ന​ട​ത്തി​യ ശേ​ഷ​മാ​ണ് അ​ഗ്നി​ര​ക്ഷ​സേ​ന സം​ഘം മ​ട​ങ്ങി​യ​ത്. തീ​യ​ണ​ച്ച​ശേ​ഷ​വും അ​ഞ്ചാ​ലും​മൂ​ട്ടി​ലും പ​രി​സ​ര​ത്തും ഏ​റെ​നേ​രം ക​റു​ത്ത പു​ക പ​ട​ര്‍ന്നി​രു​ന്നു. മൂ​ന്ന് ല​ക്ഷം​ രൂ​പ​യു​ടെ ന​ഷ്ട​മു​ണ്ടാ​യ​താ​യി അ​ഗ്നി​ര​ക്ഷ​സേ​ന ക​ണ​ക്കാ​ക്കു​ന്നു.

ബ്ലോ​ക്ക് പ​ഞ്ചാ​യ​ത്തി​ല്‍നി​ന്ന് അ​ടു​ത്തി​ടെ​യാ​ണ് ഈ ​കെ​ട്ടി​ടം കോ​ര്‍പ​റേ​ഷ​ന്‍ ഏ​റ്റെ​ടു​ത്ത​ത്. ഇ​വി​ടെ പ്ലാ​സ്റ്റി​ക് മാ​ലി​ന്യം സൂ​ക്ഷി​ക്കു​ന്ന​ത് സു​ര​ക്ഷ പ്ര​ശ്‌​ന​വും തീ​പി​ടിത്ത സാ​ധ്യ​ത​യു​ണ്ടെ​ന്നും കാ​ണി​ച്ച് അ​ഗ്നി​ശ​ന​സേ​ന കോ​ര്‍പ​റേ​ഷ​ന് മാ​സ​ങ്ങ​ള്‍ക്ക് മു​മ്പ് റി​പ്പോ​ര്‍ട്ട് ന​ല്‍കി​യി​രു​ന്നു.

എ​ന്നാ​ൽ, ന​ട​പ​ടി​യു​ണ്ടാ​യി​ല്ല. ജി​ല്ല ഫ​യ​ര്‍ ഓ​ഫി​സ​ര്‍ വി​സി വി​ശ്വ​നാ​ഥ്, ക​ട​പ്പാ​ക്ക​ട സ്‌​റ്റേ​ഷ​ന്‍ഓ​ഫി​സ​ര്‍ ഡി. ​ബൈ​ജു, ചാ​മ​ക്ക​ട സ്‌​റ്റേ​ഷ​ന്‍ഓ​ഫി​സ​ര്‍ സു​രേ​ഷ്‌​കു​മാ​ര്‍, അ​സി​സ​്റ്റ​ന്റ് സ്‌​റ്റേ​ഷ​ന്‍ ഓ​ഫി​സ​ര്‍ വി​ക്ട​ര്‍ദേ​വ്, കു​ണ്ട​റ, ചാ​മ​ക്ക​ട നി​ല​യ​ങ്ങ​ളി​ലെ അ​ഗ്‌​നി​ര​ക്ഷ​സേ​ന ഉ​ദ്യോ​ഗ​സ്ഥ​ര്‍, സി​വി​ല്‍ ഡി​ഫ​ന്‍സ് അം​ഗ​ങ്ങ​ള്‍, നാ​ട്ടു​കാ​ര്‍ എ​ന്നി​വ​ര്‍ ചേ​ര്‍ന്നാ​ണ് തീ ​നി​യ​ന്ത്ര​ണ​വി​ധേ​യ​മാ​ക്കി​യ​ത്. അ​ഞ്ചാ​ലും​മൂ​ട് പൊ​ലീ​സ് ഗ​താ​ഗ​ത ക്ര​മീ​ക​ര​ണ​മു​ള്‍പ്പെ​ടെ മേ​ല്‍ന​ട​പ​ടി​ക​ള്‍ സ്വീ​ക​രി​ച്ചു.