ബുക്ക് സ്​റ്റാളിലെ മോഷണക്കേസ്; പ്രതി പിടിയിൽ

അഞ്ചൽ: ബുക്ക് സ്​റ്റാളിൽ മോഷണം നടത്തിയ കേസിലെ പ്രതി പിടിയിലായി. ആലഞ്ചേരി സെൻറ് മേരീസ് ഓർത്തഡോക്സ് പള്ളി കോമ്പൗണ്ടിലുള്ള ബുക്ക് സ്​റ്റാൾ കുത്തിത്തുറന്ന് മേശയിലുണ്ടായിരുന്ന 4000 രൂപ മോഷ്​ടിച്ച കേസിലെ പ്രതിയായ ഏരൂർ ആലഞ്ചേരി പണ്ടാരക്കോണം വാഴവിള പുത്തൻവീട്ടിൽ ജനി(44)യാണ് അഞ്ചൽ പൊലീസി​െൻറ പിടിയിലായത്.

കഴിഞ്ഞ വെള്ളിയാഴ്ചയാണ് മോഷണം നടന്നത്. പള്ളി അധികൃതരുടെ പരാതിയെത്തുടർന്ന് പൊലീസ് നടത്തിയ അന്വേഷണത്തിലാണ് പ്രതി പിടിയിലായത്. പുനലൂർ കോടതിയിൽ ഹാജരാക്കിയ പ്രതിയെ റിമാൻഡ്​ ചെയ്തു.