യുവതി കിണറ്റിൽ ചാടി ജീവനൊടുക്കി

അഞ്ചൽ: യുവതിയായ വീട്ടമ്മ കിണറ്റിൽ ചാടി ജീവനൊടുക്കി. ഇടമുളയ്ക്കൽ കൈപ്പള്ളി തൊള്ളൂർ മാധവത്തിൽ സജി കുമാറിന്‍റെ ഭാര്യ സജിത (36) യാണ് ബുധനാഴ്ച രാവിലെ എട്ടോടെ വീട്ടുമുറ്റത്തെ കിണറ്റിൽ ചാടിയത്. ഉടന്‍തന്നെ ബന്ധുക്കളും പരിസരവാസികളും ചേർന്ന് സജിതയെ കിണറ്റില്‍ നിന്നു പുറത്തെടുത്ത് അഞ്ചലിലെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു.

കുടുംബപ്രശ്നങ്ങളാണ് ജീവനൊടുക്കാൻ കാരണമെന്ന് പറയപ്പെടുന്നു. സംഭവത്തിൽ അഞ്ചൽ പൊലീസ് കേസെടുത്തു. മൃതദേഹം നിയമ നടപടികൾക്കായി പാരിപ്പള്ളി മെഡിക്കൽ കോളജ് ആശുപത്രിയിലേക്ക് മാറ്റി. മക്കൾ: ആരോമല്‍, അര്‍ജുന്‍.