Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightAnchalchevron_rightമറവു ചെയ്​ത മൃതദേഹം...

മറവു ചെയ്​ത മൃതദേഹം പുറത്തെടുത്ത്​ പോസ്​റ്റ്​മോർട്ടത്തിനയച്ചു

text_fields
bookmark_border
മറവു ചെയ്​ത മൃതദേഹം പുറത്തെടുത്ത്​ പോസ്​റ്റ്​മോർട്ടത്തിനയച്ചു
cancel
camera_alt

മൃതദേഹം പോസ്​റ്റുമോർട്ടത്തിനായി പുറത്തെടുക്കുന്നു


അ​ഞ്ച​ൽ: ദു​രൂ​ഹ സാ​ഹ​ച​ര്യ​ത്തി​ൽ മ​രി​ച്ച​യാ​ളു​ടെ മ​റ​വ് ചെ​യ്ത മൃ​ത​ദേ​ഹം പു​റ​ത്തെ​ടു​ത്ത്​ പോ​സ്​​റ്റ്​​മോ​ർ​ട്ട​ത്തി​ന​യ​ച്ചു. ത​ടി​ക്കാ​ട് കൈ​ത​ക്കെ​ട്ട് മാ​രൂ​ർ മാ​ഹി​ൻ മ​ൻ​സി​ലി​ൽ ബ​ദ​റു​ദ്ദീ​െൻറ (52) മൃ​ത​ദേ​ഹ​മാ​ണ് ത​ടി​ക്കാ​ട് മു​സ്​​ലിം ജ​മാ​അ​ത്ത് പ​ള്ളി ഖ​ബ​ർ​സ്ഥാ​നി​ൽ​നി​ന്ന​്​ പു​റ​ത്തെ​ടു​ത്ത​ത്.

വ്യാ​ഴാ​ഴ്​​ച ഉ​ച്ച​യോ​ടെ പു​ന​ലൂ​ർ ഡി​വൈ.​എ​സ്.​പി ബി. ​വി​നോ​ദ്, പു​ന​ലൂ​ർ ത​ഹ​സി​ൽ​ദാ​ർ അ​ജി​ത് ജോ​യി, അ​ഞ്ച​ൽ പൊ​ലീ​സ് ഇ​ൻ​സ്പെ​ക്ട​ർ കെ.​ജി. ഗോ​പ​കു​മാ​ർ, എ​സ്.​ഐ ജോ​തി​ഷ്, ഫോ​റ​ൻ​സി​ക് വി​ദ​ഗ്ധ​ർ, മെ​ഡി​ക്ക​ൽ ഓ​ഫി​സ​ർ, ഇ​ട​മു​ള​യ്ക്ക​ൽ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ൻ​റ്, സെ​ക്ര​ട്ട​റി, അ​റ​യ്ക്ക​ൽ വി​ല്ലേ​ജ് ഓ​ഫി​സ​ർ, ഗ്രാ​മ​പ​ഞ്ചാ​യ​ത്തം​ഗ​ങ്ങ​ൾ, ജ​മാ​അ​ത്ത് ഭാ​ര​വാ​ഹി​ക​ൾ എ​ന്നി​വ​രു​ടെ സാ​ന്നി​ധ്യ​ത്തി​ലാ​ണ് മൃ​ത​ദേ​ഹം പു​റ​ത്തെ​ടു​ത്ത​ത്. നി​യ​മ​ന​ട​പ​ടി​ക​ൾ പൂ​ർ​ത്തി​യാ​ക്കി​യ​ശേ​ഷം മൃ​ത​ദേ​ഹം പോ​സ്​​റ്റ്​​മോ​ർ​ട്ട​ത്തി​നാ​യി പാ​രി​പ്പ​ള്ളി മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക്​ മാ​റ്റി

ക​ഴി​ഞ്ഞ ശ​നി​യാ​ഴ്​​ച രാ​വി​ലെ അ​ഞ്ചോ​ടെ​യാ​ണ് ബ​ദ​റു​ദ്ദീ​നെ വീ​ട്ടി​ലെ കി​ട​പ്പു​മു​റി​യി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ട​ത്. ബ​ന്ധു​ക്ക​ൾ ഈ ​വി​വ​രം മ​റ​ച്ചു​െ​വ​ക്കു​ക​യും ഹൃ​ദ​യ​സ്തം​ഭ​നം മൂ​ലം മ​രി​ച്ച​താ​ണെ​ന്ന് തെ​റ്റി​ദ്ധ​രി​പ്പി​ച്ച് ഖ​ബ​റ​ട​ക്ക​ത്തി​ന്​ എ​ത്തി​ക്കു​ക​യും ചെ​യ്​​തു​വ​ത്രെ. എ​ന്നാ​ൽ, ബ​ദ​റു​ദ്ദീ​െൻറ ഗ​ൾ​ഫി​ലു​ള്ള സ​ഹോ​ദ​രി മ​ര​ണ​ത്തി​ൽ സം​ശ​യ​മു​ണ്ടെ​ന്ന് കാ​ട്ടി പൊ​ലീ​സി​ൽ പ​രാ​തി ന​ൽ​കി. തു​ട​ർ​ന്നാ​ണ് മൃ​ത​ദേ​ഹം പു​റ​ത്തെ​ടു​ത്ത​ത്. അ​ന്വേ​ഷ​ണ​ത്തി​െൻറ ഭാ​ഗ​മാ​യി വി​ര​ല​ട​യാ​ള, ഫോ​റ​ൻ​സി​ക് വി​ദ​ഗ്​​ധ​ർ ബ​ദ​റു​ദ്ദീ​െൻറ വീ​ട്ടി​ലെ​ത്തി തെ​ളി​വു​ക​ൾ ശേ​ഖ​രി​ച്ചു. കു​ടും​ബാം​ഗ​ങ്ങ​ളു​ടെ​ മൊ​ഴി​യും രേ​ഖ​പ്പെ​ടു​ത്തി.

ത​ടി​ക്കാ​ട് മു​സ്​​ലിം ജ​മാ​അ​ത്തി​െൻറ നൂ​റ്റി അ​മ്പ​തി​ലേ​റെ വ​ർ​ഷ​ത്തെ ച​രി​ത്ര​ത്തി​ൽ ഇ​ത്ത​ര​ത്തി​ലൊ​രു സം​ഭ​വം ആ​ദ്യ​മാ​ണെ​ന്ന് ജ​മാ​അ​ത്ത് ഭാ​ര​വാ​ഹി​ക​ൾ പ​റ​ഞ്ഞു. നി​ല​വി​ൽ 1500ഒാ​ളം കു​ടും​ബ​ങ്ങ​ൾ ഈ ​ജ​മാ​അ​ത്തി​ലു​ണ്ട്. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്ക​പ്പെ​ടാ​തി​രി​ക്കാ​ൻ അ​വ​ധാ​ന​ത​യോ​ടെ​യു​ള്ള ന​ട​പ​ടി​ക​ൾ കൈ​ക്കൊ​ള്ളു​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു.



Show Full Article
TAGS:buried body postmortem 
News Summary - The buried body was taken out Sent for postmortem
Next Story