ബാലികക്കെതിരെ ലൈംഗികാതിക്രമം: യുവാവ്​ അറസ്​റ്റിൽ

അഞ്ചൽ: ഏഴ് വയസ്സുകാരിയെ നിരന്തരമായി ലൈംഗികാതിക്രമം ചെയ്​തു വന്ന ബന്ധുവായ 35 കാരനെ അഞ്ചൽ പൊലീസ് അറസ്​റ്റ്​ ചെയ്തു. വിവരം പെൺകുട്ടി മാതാവിനോട് പറഞ്ഞു. രണ്ട് ദിവസത്തിനുശേഷം ശാരീരികാസ്വസ്ഥതയുണ്ടായതിനെതുടർന്ന് പുനലൂർ താലൂക്കാശുപത്രിയിൽ ചികിത്സ തേടിയെത്തി.

ആശുപത്രി അധികൃതർ അഞ്ചൽ പൊലീസിൽ വിവരം അറിയിച്ചതിനെതുടർന്ന് പൊലീസ് പ്രതിയെ കസ്​റ്റഡിയിലെടുത്തു. പുനലൂർ കോടതിയിൽ ഹാജരാക്കിയ പ്രതിയെ റിമാൻഡ്​ ചെയ്തു.