ക്ഷേത്രത്തിൽ അധികാരത്തർക്കം: ഭരണസമിതി പ്രസിഡന്‍റിന് കുത്തേറ്റു

അഞ്ചൽ: അയിലറ ആയിരവല്ലി മഹാദേവ ക്ഷേത്ര ഭരണസമിതി പ്രസിഡന്‍റ് കലുങ്ക് ജങ്ഷനിൽ മുരളി ഭവനിൽ മുരളീധരൻപിള്ള (60) ക്ക് കുത്തേറ്റു.

സംഭവത്തിൽ അയിലറ അജി ഭവനിൽ അനിൽകുമാർ (46) അറസ്റ്റിലായി. ഭരണാധികാരത്തെപ്പറ്റി ട്രസ്റ്റ് ഭാരവാഹികളും വിശ്വാസികളും തമ്മിൽ കോടതിയിൽ കേസ് നിലവിലുണ്ട്.

ഈ വർഷത്തെ ഉത്സവം നടത്തിപ്പ് ചുമതല പൊതുജനങ്ങൾക്കായിരുന്നു. മധ്യസ്ഥ ചർച്ചയിലുണ്ടാക്കിയ കരാർ പ്രകാരം ഉത്സവശേഷം ക്ഷേത്രത്തിന്‍റെ താക്കോൽ ഭരണസമിതിക്ക് തിരികെ കൈമാറി. ഇതിനെത്തുടർന്ന് തർക്കം വീണ്ടും രൂക്ഷമാകുകയായിരുന്നു.