അഞ്ചൽ ചന്തയിൽ തീപിടിത്തം; ലക്ഷങ്ങളുടെ നഷ്ടം

അ​ഞ്ച​ൽ: അ​ഞ്ച​ൽ ച​ന്ത​യി​ലുണ്ടായ തീ​പി​ടി​ത്തത്തിൽ ല​ക്ഷ​ങ്ങ​ളു​ടെ ന​ഷ്ടം. തി​ങ്ക​ളാ​ഴ്ച രാ​ത്രി ഒ​മ്പ​തോ​ടെ ച​ന്ത​ക്കു​ള്ളി​ൽ ഹ​രി​ത​ക​ർ​മ​സേ​ന ശേ​ഖ​രി​ച്ച് കൂ​ട്ടി​യി​ട്ടി​രു​ന്ന മാ​ലി​ന്യ​ത്തി​ന്‍റെ ഒ​രു ഭാ​ഗ​ത്താ​ണ് ആ​ദ്യം തീ​പി​ടി​ച്ച​ത്. ഇ​ത് നാ​ട്ടു​കാ​രും ക​ച്ച​വ​ട​ക്കാ​രും ചേ​ർ​ന്ന് അ​ണ​ച്ചു. ആ​രു​ടേ​യോ അ​ശ്ര​ദ്ധ​മൂ​ല​മു​ണ്ടാ​യ തീ​പി​ടി​ത്ത​മെ​ന്നാ​ണ് നാ​ട്ടു​കാ​ർ ക​രു​തി​യ​ത്. എ​ന്നാ​ൽ, പി​ന്നാ​ലെ രാ​ത്രി 11ഓ​ടെ വീ​ണ്ടും വ​ൻ​തോ​തി​ൽ തീ​പ​ട​ർ​ന്നു.

ഒ​പ്പം വ​ലി​യ സ്ഫോ​ട​ന​വും. പ​രി​ഭ്രാ​ന്ത​രാ​യ നാ​ട്ടു​കാ​ർ ഓ​ടി​ക്കൂ​ടി തീ​യ​ണ​ക്കാ​ൻ ശ്ര​മി​ച്ചെ​ങ്കി​ലും വി​ജ​യി​ച്ചി​ല്ല. വി​വ​ര​മ​റി​യി​ച്ച​ത​നു​സ​രി​ച്ച് പു​ന​ലൂ​ർ, ക​ട​യ്ക്ക​ൽ, പ​ത്ത​നാ​പു​രം, കൊ​ട്ടാ​ര​ക്ക​ര എ​ന്നി​വി​ട​ങ്ങ​ളി​ൽ നി​ന്നെ​ത്തി​യ അ​ഗ്​​നി​ര​ക്ഷാ​സേ​ന​യും പൊ​ലീ​സും നാ​ട്ടു​കാ​രും ചേ​ർ​ന്നാ​ണ് തീ​യ​ണ​ച്ച​ത്.

ഹ​രി​ത​ക​ർ​മ​സേ​ന ശേ​ഖ​രി​ച്ച വ​ൻ​തോ​തി​ലു​ള്ള മാ​ലി​ന്യം പൂ​ർ​ണ​മാ​യും ക​ത്തി​ന​ശി​ച്ചു. ക​ട​മു​റി​ക​ളു​ടെ ഷ​ട്ട​റു​ക​ൾ തീ​യി​ൽ വെ​ന്തു​രു​കി അ​ക​ത്തു​ണ്ടാ​യി​രു​ന്ന സാ​ധ​ന​ങ്ങ​ളും ന​ശി​ച്ചു. ക​ട​ക​ൾ​ക്ക് മു​ന്നി​ലും മ​റ്റ് ഭാ​ഗ​ങ്ങ​ളി​ലും സൂ​ക്ഷി​ച്ചുെ​വ​ച്ചി​രു​ന്ന അ​മ്പ​തോ​ളം ക​ച്ച​വ​ട​ക്കാ​രു​ടെ സാ​ധ​ന​ങ്ങ​ൾ ക​ത്തി ന​ശി​ച്ചു. ഹ​രി​ത ക​ർ​മ സേ​ന ശേ​ഖ​രി​ക്കു​ന്ന അ​ജൈ​വ മാ​ലി​ന്യം ഇ​വി​ടെ കൂ​ട്ടി​യി​ട്ട്​ ത​രം​തി​രി​ച്ചാ​ണ്​ ക​യ​റ്റി​വി​ട്ടു​കൊ​ണ്ടി​രു​ന്ന​ത്.

എ​ന്നാ​ൽ മാ​സ​ങ്ങ​ളാ​യി മാ​ലി​ന്യ​നീ​ക്കം നി​ല​ച്ച​തോ​ടെ മാ​ലി​ന്യ​ക്കെ​ട്ടു​ക​ൾ സൂ​ക്ഷി​ക്കാ​ൻ സ്ഥ​ലം തി​ക​യാ​തെ കോ​ൺ​ക്രീ​റ്റ് ക​ട​മു​റി​ക​ളു​ടെ മു​ക​ളി​ലും സൂ​ക്ഷി​ച്ചി​രി​ക്കു​ക​യാ​യി​രു​ന്നു. ഈ ​മാ​ലി​ന്യ​മു​ൾ​പ്പെ​ടെ​യാ​ണ് ക​ത്തി​യ​ത്. ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​യു​ടെ മൊ​ഴി​യു​ടെ​യ​ടി​സ്ഥാ​ന​ത്തി​ൽ അ​ഞ്ച​ൽ പൊ​ലീ​സ് കേ​സെ​ടു​ത്തു.