എണ്ണപ്പനത്തോട്ടത്തിൽ വീണ്ടും മൃഗവേട്ട

അ​ഞ്ച​ൽ: ഓ​യി​ൽ​പാം ഇ​ന്ത്യ​യു​ടെ ഭാ​ര​തീ​പു​രം എ​സ്റ്റേ​റ്റി​ൽ ക​റ​വ​പ്പ​ശു​വി​നെ മൃ​ഗ​വേ​ട്ട​ക്കാ​ർ കൊ​ന്ന് ഇ​റ​ച്ചി​യെ​ടു​ത്തു. വി​ള​ക്കു​പാ​റ കൊ​ച്ചു​ക​ളം തു​ണ്ടി​ൽ​വീ​ട്ടി​ൽ രാ​ജ​ന്‍റെ ക​റ​വ​പ്പ​ശു​വി​നെ​യാ​ണ് ക​ശാ​പ്പ് ചെ​യ്ത​ത്. ക​ഴി​ഞ്ഞ ഞാ​യ​റാ​ഴ്ച രാ​ത്രി​യി​ലാ​ണ് പ​ശു​വി​നെ കൊ​ന്ന​ത്. എ​ണ്ണ​പ്പ​ന​ത്തോ​ട്ട​ത്തി​ൽ മേ​യാ​ൻ വി​ട്ടി​രു​ന്ന പ​ശു സ​ന്ധ്യ​യാ​യി​ട്ടും തി​രി​കെ​യെ​ത്താ​തി​രു​ന്ന​തി​നാ​ൽ രാ​ജ​നും കു​ടും​ബാം​ഗ​ങ്ങ​ളും മ​റ്റും പ​രി​സ​ര​മാ​കെ അ​ന്വേ​ഷി​ച്ചെ​ങ്കി​ലും ക​ണ്ടെ​ത്താ​നാ​യി​ല്ല. തി​ങ്ക​ളാ​ഴ്ച ഉ​ച്ച​യോ​ടെ എ​സ്​​റ്റേ​റ്റി​ലെ തൊ​ഴി​ലാ​ളി​ക​ൾ തോ​ട്ട​ത്തി​ൽ പ​ശു​വി​ന്‍റെ അ​വ​ശി​ഷ്ട​ങ്ങ​ൾ കി​ട​ക്കു​ന്ന​താ​യ വി​വ​രം അ​റി​ഞ്ഞ്​ രാ​ജ​ൻ സ്ഥ​ല​ത്തെ​ത്തി കൊ​ല്ല​പ്പെ​ട്ട​ത് ത​ന്‍റെ പ​ശു​വാ​ണെ​ന്ന് സ്ഥി​രീ​ക​രി​ച്ചു. തു​ട​ർ​ന്ന് ഏ​രൂ​ർ പൊ​ലീ​സി​ൽ പ​രാ​തി​ന​ൽ​കി.

എ​ണ്ണ​പ്പ​ന​ത്തോ​ട്ട​ത്തി​ൽ മേ​യാ​ൻ വി​ടു​ന്ന വ​ള​ർ​ത്തു​മൃ​ഗ​ങ്ങ​ളെ മോ​ഷ്ടാ​ക്ക​ൾ കൊ​ന്ന് ഇ​റ​ച്ചി​യെ​ടു​ക്കു​ന്ന​ത് സ്ഥി​ര​മാ​ണ്. തോ​ട്ടം തൊ​ഴി​ലാ​ളി​ക​ളു​ടെ​യും മ​റ്റ് നാ​ട്ടു​കാ​രു​ടെ​യും വ​ള​ർ​ത്തു​മൃ​ഗ​ങ്ങ​ളെ എ​ണ്ണ​പ്പ​ന​ത്തോ​ട്ട​ത്തി​ലാ​ണ് മേ​യാ​ൻ വി​ട്ടാ​ൽ വൈ​കു​ന്നേ​ര​ത്തോ​ടെ തി​രി​കെ​യെ​ത്തു​ക​യാ​ണ് പ​തി​വ്. ഇ​വ​യെ പി​ടി​കൂ​ടി ക​ശാ​പ്പ് ചെ​യ്ത് കാ​ട്ടി​റ​ച്ചി​യെ​ന്ന പേ​രി​ൽ നാ​ട്ടി​ലെ​ത്തി​ച്ച് വ​ൻ വി​ല​യാ​ണ്​ വാ​ങ്ങു​ന്ന​ത്. അ​പൂ​ർ​വം ചി​ല കേ​സു​ക​ൾ മാ​ത്ര​മാ​ണ് പി​ടി​ക്ക​പ്പെ​ടു​ന്ന​ത്.