Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKollamchevron_rightAnchalchevron_rightസ്വപ്നം...

സ്വപ്നം യാഥാർഥ്യത്തിലേക്ക്​; അഞ്ചൽ വെസ്​റ്റ്​ സ്കൂളിന് സ്വന്തം കളിസ്ഥലമായി

text_fields
bookmark_border
സ്വപ്നം യാഥാർഥ്യത്തിലേക്ക്​; അഞ്ചൽ വെസ്​റ്റ്​ സ്കൂളിന് സ്വന്തം കളിസ്ഥലമായി
cancel
camera_alt

അഞ്ചൽ വെസ്​റ്റ്​ ഗവ. സ്കൂളിനുവേണ്ടി വാങ്ങിയ വസ്തുവി​െൻറ പ്രമാണം ഉടമ സേതുനാഥിൽനിന്ന്​ പി.ടി.എ പ്രസിഡൻറ്​ ബാബുപണിക്കർ ഏറ്റുവാങ്ങുന്നു

അഞ്ചൽ: വെസ്​റ്റ്​ ഗവ. ഹയർ സെക്കൻഡറി സ്കൂളിലെ വിദ്യാർഥികളു​െടയും പി.ടി.എയു​െടയും നാട്ടുകാരു​െടയും ചിരകാല സ്വപ്നം സാക്ഷാത്കരിക്കപ്പെട്ടു.കുട്ടികളുടെ എണ്ണത്തിലും പഠനനിലവാരത്തിലും ജില്ലയിൽ ഏറെ മുന്നിൽ നിൽക്കുന്ന അഞ്ചൽ വെസ്​റ്റ്​ ഗവ. ഹയർ സെക്കൻഡറി സ്കൂളിന് സ്വന്തമായി കളിസ്ഥലമായി.

സ്കൂളിനോട് ചേർന്ന 21 സെൻറ്​ സ്ഥലം ഇതിനായി വാങ്ങി.ബാക്കിയുള്ള 18 സെൻറ്​ പുരയിടം കൂടി വാങ്ങുന്നതിന്​ അഡ്വാൻസ്​ നൽകി കരാറെഴുതിക്കഴിഞ്ഞു. ഒരു വർഷത്തിനകം ഇടപാട്​ പൂർത്തിയാകും.

2015 ജൂൺ ആറിന് അന്നത്തെ സംസ്ഥാന ഗവർണർ ജസ്​റ്റിസ് പി. സദാശിവം ഉദ്ഘാടനം ചെയ്ത, രണ്ട് വർഷം നീണ്ടുനിൽക്കുന്ന സ്കൂൾ ഗോൾഡൻ ജൂബിലിയുടെ ഭാഗമായുള്ള പദ്ധതിയായിരുന്നു സ്കൂളിന് സ്വന്തമായി കളിസ്ഥലം യാഥാർഥ്യമാക്ക​ുക എന്നത്​.

ഇതിനായി സമ്പത്ത് കണ്ടെത്തുന്നതിന്​ പി.ടി.എയുടെ നേതൃത്വത്തിൽ ആരംഭിച്ച സമ്പാദ്യക്കുടുക്കയിലൂടെ അഞ്ചാം ക്ലാസ് മുതൽ 12ാം ക്ലാസ് വരെയുള്ള മൂവായിരത്തോളം കുട്ടികൾ രണ്ട് വർഷം കൊണ്ട് സമാഹരിച്ചതും അധ്യാപകരും രക്ഷാകർത്താക്കളും നൽകിയ സംഭാവനകളും ഉൾപ്പെടെ 15,22,200 രൂപ ഉപയോഗിച്ചാണ്​ ആദ്യഘട്ടമായി 21 സെൻറ്​ സ്ഥലം വാങ്ങിയത്.

പി.ടി.എ പ്രസിഡൻറ്​ കെ. ബാബു പണിക്കർ, വൈസ് പ്രസിഡൻറ് കെ.ജി ഹരി, പ്രിൻസിപ്പൽ ഡോ.സി. മണി, ഹെഡ്മാസ്​റ്റർ ജിലു കോശി, സമീന എന്നിവർ രേഖകൾ ഏറ്റുവാങ്ങൽ ചടങ്ങിൽ പ​​െങ്കടുത്തു.

Show Full Article
TAGS:Anchal 
News Summary - Anchal West School became its own playground
Next Story