ഒറ്റയ്ക്ക് താമസിച്ചിരുന്നയാളെ മരിച്ച നിലയിൽ കണ്ടെത്തി

അഞ്ചൽ: ഒറ്റയ്ക്ക് താമസിച്ചു വന്നയാൾ വീട്ടിനുള്ളിൽ മരിച്ച നിലയിൽ. ഇടയം രഘുവിലാസത്തിൽ ആർ. അനിൽ കുമാർ (55) ആണ് മരിച്ചത്. വെള്ളിയാഴ്ച രാവിലെ എട്ട് മണിയോടെയാണ് മരണ വിവരം അറിഞ്ഞത്.

അടുത്ത സുഹൃത്ത് ഫോണിൽ വിളിച്ചപ്പോൾ പ്രതികരണമില്ലാതിരുന്നതിനാൽ വീട്ടിലെത്തി പരിശോധിക്കുകയായിരുന്നു. അഞ്ചൽ പൊലീസ് സ്ഥലത്തെത്തി. മൃതദേഹം പോസ്റ്റ് മോർട്ടത്തിനായി തിരുവനന്തപുരം മെഡിക്കൽ കോളേജിലേക്ക് കൊണ്ടുപോയി.

പരേതരായ രാഘവൻ നായർ, ഭാനുമതിയമ്മ എന്നിവരാണ് മാതാപിതാക്കൾ. സഹോദരങ്ങൾ: പരേതനായ മധുസൂദനൻ നായർ, മാധുരി, സരള, വത്സല പരേതയായ തങ്കമണി.