അമീബിക്​ മസ്തിഷ്ക ജ്വരം: കടയ്ക്കലിൽ ഒരാൾക്ക്​കൂടി രോഗം സ്ഥിരീകരിച്ചു

ക​ട​യ്ക്ക​ൽ: അ​മീ​ബി​ക്​ മ​സ്തി​ഷ്ക ജ്വ​രം മ​ര​ണ​ത്തി​ന്​ പി​ന്നാ​ലെ ക​ട​യ്ക്ക​ലി​ൽ ഒ​രാ​ൾ​ക്ക്​ കൂ​ടി രോ​ഗം സ്ഥി​രീ​ക​രി​ച്ചു. ക​ട​യ്ക്ക​ൽ വ​ട​ക്കേ​വ​യ​ൽ സ്വ​ദേ​ശി​നി​ക്കാ​ണ് രോ​ഗം സ്ഥി​രീ​ക​രി​ച്ച​ത്. ഒ​രാ​ഴ്ച​മു​മ്പാ​ണ് ഇ​വ​രു​ടെ ആ​രോ​ഗ്യ​സ്ഥി​തി മോ​ശ​മാ​യ​ത്. ചു​ണ്ട പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ ചി​കി​ത്സ തേ​ടി​യി​രു​ന്നു. രോ​ഗാ​വ​സ്ഥ മാ​റ്റ​മി​ല്ലാ​ത്ത​തി​നാ​ൽ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. തു​ട​ർ​ന്ന്​ ന​ട​ത്തി​യ പ​രി​ശോ​ധ​ന​യി​ലാ​ണ്​ രോ​ഗം സ്ഥി​രീ​ക​രി​ച്ച​ത്.

ക​ട​യ്ക്ക​ൽ ആ​ൽ​ത്ത​റ​മൂ​ട് രാ​ഗ​ത്തി​ൽ ബി​ജു (42) അ​മീ​ബി​ക്​ മ​സ്തി​ഷ്ക​ജ്വ​രം ബാ​ധി​ച്ചു തി​ങ്ക​ളാ​ഴ്ച പു​ല​ർ​ച്ചെ മ​രി​ച്ച​തി​ന്​ പി​ന്നാ​ലെ​യാ​ണ്​ മേ​ഖ​ല​യി​ൽ വീ​ണ്ടും രോ​ഗ​ബാ​ധ ക​ണ്ടെ​ത്തി​യി​രി​ക്കു​ന്ന​ത്. ബി​ജു​വി​ന്​ രോ​ഗം സ്ഥി​രീ​ക​രി​ച്ച​തി​നെ തു​ട​ർ​ന്ന് പ​ഞ്ചാ​യ​ത്തി​ലെ വി​വി​ധ വാ​ർ​ഡു​ക​ളി​ൽ ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​രെ നേ​തൃ​ത്വ​ത്തി​ൽ ക്ലോ​റി​നേ​ഷ​ൻ ന​ട​ത്തി​യി​രു​ന്നു. കു​ള​ങ്ങ​ളി​ലും, തോ​ടു​ക​ളി​ലും മ​റ്റും ജ​ലാ​ശ​യ​ങ്ങ​ളി​ലും പൊ​തു​ജ​ന​ങ്ങ​ൾ ഇ​റ​ങ്ങു​ന്ന​തി​നും ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ വി​ല​ക്കി​യി​രു​ന്നു. പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ൽ രോ​ഗ​ല​ക്ഷ​ണം ക​ണ്ടു​വ​രു​ന്ന സാ​ഹ​ച​ര്യ​ത്തി​ൽ ജാ​ഗ്ര​ത പു​ല​ർ​ത്ത​ണ​മെ​ന്ന്​ ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു.