ആലപ്പാട് പഞ്ചായത്താൽ 15000 കണ്ടൽചെടികൾ വെച്ചുപിടിപ്പിക്കുന്നു

ഓച്ചിറ: ആലപ്പാട്ടെ തീരപ്രദേശങ്ങളിൽ 15000 കണ്ടൽചെടിവെച്ചു പിടിപ്പിക്കുന്ന പദ്ധതിക്ക്​ തുടക്കമായി. തീരദേശഗ്രാമമായ ആലപ്പാട് ഗ്രാമപഞ്ചായത്തിൽ ശക്തമായ രീതിയിൽ കടൽ ആക്രമണം ഉണ്ടാവുന്നത്​ പതിവാണ്​.

ഈ സാഹചര്യത്തിൽ തീര സംരക്ഷണവുമായി ബന്ധപ്പെട്ട് മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെടുത്തിയാണ്​ ആലപ്പാടിന്‍റെ തീരപ്രദേശങ്ങളിൽ 15000 കണ്ടൽ ചെടിയും 2500 കറ്റാടിയും വെച്ച് പിടിപ്പിച്ച് തീരം സംരക്ഷിക്കുന്ന പദ്ധതിക്ക്​ തുടക്കമിട്ടത്​.

ചെറിയഴീക്കൽ 10-ാം വാർഡിലാണ് പദ്ധതിക്ക്​ തുടക്കമായത്​. സി. ആർ. മഹേഷ് എം.എൽ.എ ഉത്ഘാ​ടനം ചെയ്തുു. പഞ്ചായത്ത് പ്രസിഡന്‍റ്​ യു.ഉല്ലാസ്, വൈസ് പ്രസിഡന്‍റ്​ ടി .ഷൈമ, വിവിധ സ്റ്റാൻഡിങ് കമ്മിറ്റി ചെയർമാൻമാരായമായ, ഷിജി, പഞ്ചായത്ത് അംഗങ്ങളായ. ബിജു, പ്രസീതകുമാരി,സരിതാജനകൻ പഞ്ചായത്ത് അസിസ്റ്റൻ്റ് സെക്രട്ടറി ഗോപകുമാർ, തുടങ്ങിയവർ പങ്കെടുത്തു.