കഴിഞ്ഞവർഷം കൊല്ലം ജില്ലയിൽ 27.83 കോടിയുടെ കാർഷിക നഷ്ടം

കൊ​ല്ലം: പ്ര​കൃ​തി ക്ഷോ​ഭ​ങ്ങ​ളും വ​ന്യ​ജീ​വി ആ​ക്ര​മ​ണ​ങ്ങ​ളും മൂ​ലം ജി​ല്ല​യി​ലെ കാ​ർ​ഷി​ക മേ​ഖ​ല​യി​ൽ ക​ഴി​ഞ്ഞ ഒ​രു വ​ർ​ഷ​ത്തി​നി​ടെ ക​ന​ത്ത നാ​ശ​ന​ഷ്ടം. 2025ലെ ​കൃ​ഷി​വ​കു​പ്പി​ന്‍റെ ക​ണ​ക്ക​നു​സ​രി​ച്ച് ജി​ല്ല​യി​ൽ ആ​കെ 27.83 കോ​ടി രൂ​പ​യു​ടെ ന​ഷ്ട​മാ​ണ് രേ​ഖ​പ്പെ​ടു​ത്തി​യ​ത്.

586.22 ഹെ​ക്ട​ർ വി​സ്തൃ​തി​യി​ലാ​യി 13,630 ക​ർ​ഷ​ക​രു​ടെ വി​വി​ധ ഇ​നം കൃ​ഷി​ക​ളാ​ണ് ന​ശി​ച്ച​ത്. ശാ​സ്താം​കോ​ട്ട, കൊ​ട്ടാ​ര​ക്ക​ര, അ​ഞ്ച​ൽ, വെ​ട്ടി​ക്ക​വ​ല, പു​ന​ലൂ​ർ, ച​ട​യ​മം​ഗ​ലം ബ്ലോ​ക്കു​ക​ളി​ലാ​ണ് നാ​ശ​ന​ഷ്ടം ഏ​റ്റ​വും കൂ​ടു​ത​ൽ ഉ​ണ്ടാ​യ​ത്.

വീ​ട്ടു​വ​ള​പ്പു​ക​ളി​ലും ത​രി​ശാ​യ പാ​ട​ങ്ങ​ളി​ലും പ​റ​മ്പു​ക​ളി​ലും ന​ട​ത്തി​യ കൃ​ഷി​ക​ൾ​ക്കും ക​ന​ത്ത തി​രി​ച്ച​ടി​യേ​റ്റു. വാ​ഴ, പ​ച്ച​ക്ക​റി​ക​ൾ, നെ​ല്ല് എ​ന്നി​വ​ക്കാ​ണ് ഏ​റ്റ​വും കൂ​ടു​ത​ൽ നാ​ശം സം​ഭ​വി​ച്ച​ത്. മ​ഴ​ക്കൊ​പ്പം വീ​ശി​യ​ടി​ച്ച ശ​ക്ത​മാ​യ കാ​റ്റും വെ​ള്ള​ക്കെ​ട്ടും കൃ​ഷി​യെ ത​ക​ർ​ത്തു.

ഏ​റ്റ​വു​മ​ധി​കം ദു​രി​തം ബാ​ധി​ച്ച​ത്​ വാ​ഴ​ക​ർ​ഷ​ക​രെ​യാ​ണ്. 4.27 ല​ക്ഷം വാ​ഴ​ക​ളാ​ണ് ക​ഴി​ഞ്ഞ​വ​ർ​ഷം ന​ശി​ച്ച​ത്. ഇ​തി​ൽ 2.57 ല​ക്ഷം വാ​ഴ​ക​ൾ കു​ല​ച്ച​വ​യാ​യി​രു​ന്നു. 10,424 ക​ർ​ഷ​ക​രെ​യാ​ണ് ഇ​ത് ഗു​രു​ത​ര​മാ​യി ബാ​ധി​ച്ച​ത്. വാ​ഴ​കൃ​ഷി​യി​ൽ മാ​ത്രം 22.23 കോ​ടി​യു​ടെ ന​ഷ്ട​മു​ണ്ട്. ശ​ക്ത​മാ​യ കാ​റ്റി​ൽ വാ​ഴ​ക​ൾ ഒ​ടി​ഞ്ഞു​വീ​ണ​തും വെ​ള്ള​ക്കെ​ട്ടി​നെ തു​ട​ർ​ന്ന് വേ​രു​ക​ൾ ചീ​ഞ്ഞ​തു​മാ​ണ് പ്ര​ധാ​ന കാ​ര​ണം.

ഇ​തോ​ടൊ​പ്പം കി​ഴ​ങ്ങു​വി​ള​ക​ൾ, കു​രു​മു​ള​ക്, ക​വു​ങ്ങ്, എ​ള്ള്, ഇ​ഞ്ചി, ഗ്രാ​മ്പു, തെ​ങ്ങ്, റ​ബ​ർ, മ​ര​ച്ചീ​നി, പ​ച്ച​ക്ക​റി തു​ട​ങ്ങി​യ വി​ള​ക​ൾ​ക്കും കാ​ര്യ​മാ​യ നാ​ശ​ന​ഷ്ടം നേ​രി​ട്ടു.

വി​ല​യി​ടി​വും പന്നിശല്യവും വെ​ല്ലു​വി​ളി

മ​ഴ​യും കാ​ട്ടു​പ​ന്നി ആ​ക്ര​മ​ണ​ത്തി​ൽ​നി​ന്നും ര​ക്ഷ​പെ​ട്ട്​ ക​ർ​ഷ​ക​ർ ന​ട്ടു​വ​ള​ർ​ത്തി​യ വാ​ഴ കു​ല​ച്ച​പ്പോ​ൾ, വി​ല​യി​ടി​വാ​ണ് ഇ​പ്പോ​ൾ വ​ലി​യ പ്ര​തി​സ​ന്ധി​യാ​യി മാ​റു​ന്ന​ത്. വി​ല​കു​റ​വി​ന്റെ ഗു​ണം ഉ​പ​ഭോ​ക്താ​ക്ക​ൾ​ക്ക് കാ​ര്യ​മാ​യി ല​ഭി​ക്കു​ന്നു​മി​ല്ലെ​ന്ന പ​രാ​തി​യും ശ​ക്ത​മാ​ണ്. ഏ​ത്ത​ൻ, പാ​ള​യം​കോ​ട​ൻ, ഞാ​ലി​പ്പൂ​വ​ൻ തു​ട​ങ്ങി​യ ജ​ന​പ്രി​യ ഇ​ന​ങ്ങ​ളു​ടെ വി​ല കു​ത്ത​നെ ഇ​ടി​ഞ്ഞു.

ഓ​ണ​ത്തി​ന് മു​മ്പ് കി​ലോ​യ്ക്ക് 70-80 രൂ​പ ല​ഭി​ച്ചി​രു​ന്ന ഏ​ത്ത​ന് ഇ​പ്പോ​ൾ ക​ർ​ഷ​ക​ർ​ക്ക് 35-40 രൂ​പ മാ​ത്ര​മാ​ണ് ല​ഭി​ക്കു​ന്ന​ത്. കി​ലോ​ക്ക്​ കു​റ​ഞ്ഞ​ത് 60 രൂ​പ​യെ​ങ്കി​ലും കി​ട്ടി​യാ​ൽ മാ​ത്ര​മേ പി​ടി​ച്ചു​നി​ൽ​ക്കാ​നാ​കൂ​വെ​ന്ന് ക​ർ​ഷ​ക​ർ പ​റ​യു​ന്നു. എ​ഴു​കോ​ൺ, കു​ണ്ട​റ, കി​ഴ​ക്ക​ൻ മേ​ഖ​ല​ക​ളാ​യ ചീ​ര​ൻ​കാ​വ്, പു​ത്തൂ​ർ, പു​ന​ലൂ​ർ തു​ട​ങ്ങി​യ പ്ര​ദേ​ശ​ങ്ങ​ളി​ൽ നി​ന്നാ​ണ് നാ​ട​ൻ ഏ​ത്ത​ക്കു​ല​ക​ൾ കൊ​ല്ലം ന​ഗ​ര​ത്തി​ലേ​ക്കു​ൾ​പ്പെ​ടെ പ്ര​ധാ​ന​മാ​യും എ​ത്തു​ന്ന​ത്.

ത​മി​ഴ്നാ​ട്ടി​ൽ നി​ന്നു​ൾ​പ്പെ​ടെ എ​ത്തു​ന്ന മ​റു​നാ​ട​ൻ ഏ​ത്ത​യ്ക്ക 100 രൂ​പ​യ്ക്ക് മൂ​ന്നു​കി​ലോ വ​രെ വി​പ​ണി​യി​ലെ​ത്തു​ന്ന​താ​ണ്​ പ്ര​ധാ​ന​മാ​യും വി​ല​യി​ടി​വി​ന് കാ​ര​ണ​മാ​യ​ത്. കി​ലോ​യ്ക്ക് 25 രൂ​പ​യു​ണ്ടാ​യി​രു​ന്ന പാ​ള​യം​കോ​ട​ന് ഇ​പ്പോ​ൾ 10 രൂ​പ​യും, 70 രൂ​പ ഉ​ണ്ടാ​യി​രു​ന്ന ഞാ​ലി​പ്പൂ​വ​ന് 40 രൂ​പ​യും, 30 രൂ​പ​യു​ണ്ടാ​യി​രു​ന്ന ചി​ങ്ങ​ൻ​പ്പ​ഴ​ത്തി​ന് 20 രൂ​പ​യു​മാ​യി.

ക​ർ​ഷ​ക​രി​ൽ​നി​ന്ന് കു​റ​ഞ്ഞ വി​ല​യ്​​ക്ക്​ വാ​ങ്ങു​ന്ന വ്യാ​പാ​രി​ക​ൾ ഉ​പ​ഭോ​ക്താ​ക്ക​ൾ​ക്ക് 30 രൂ​പ​യോ​ളം കൂ​ട്ടി​യാ​ണ് വി​ൽ​പ​ന ന​ട​ത്തു​ന്ന​തെ​ന്ന ആ​രോ​പ​ണ​വും നി​ല​നി​ൽ​ക്കു​ന്നു. ഇ​ത​ര സം​സ്ഥാ​ന​ങ്ങ​ളി​ൽ​നി​ന്ന് വ​ൻ​തോ​തി​ൽ വാ​ഴ​ക്കു​ല​ക​ൾ എ​ത്തു​ന്ന​തും ഉ​ൽ​പാ​ദ​നം കൂ​ടി​യ​തു​മാ​ണ് വി​ല​യി​ടി​വി​ന് പ്ര​ധാ​ന കാ​ര​ണം. ഇ​തോ​ടെ നി​ര​വ​ധി ക​ർ​ഷ​ക​ർ വാ​ഴ​കൃ​ഷി ഉ​പേ​ക്ഷി​ക്കു​ന്ന നി​ല​യി​ലാ​ണ്.

വി​ല​യി​ടി​വി​ന് പു​റ​മേ, മൂ​പ്പെ​ത്തി​യ ഏ​ത്ത​ക്കു​ല​ക​ളി​ൽ പു​ള്ളി​ക്കു​ത്ത് (തൊ​ലി​പ്പു​റ​ത്ത് കാ​ണു​ന്ന പു​ള്ളി​ക​ൾ) വ്യാ​പ​ക​മാ​കു​ന്ന​തും ക​ർ​ഷ​ക​രെ ആ​ശ​ങ്ക​പ്പെ​ടു​ത്തു​ന്നു. പ​ഴ​ത്തി​ന്റെ രു​ചി​യെ ബാ​ധി​ച്ചി​ല്ലെ​ങ്കി​ലും ഇ​ത്ത​രം കു​ല​ക​ൾ വാ​ങ്ങാ​ൻ ക​ച്ച​വ​ട​ക്കാ​ർ ത​യാ​റാ​കു​ന്നി​ല്ല.