വഴിയരികിൽ നിർത്തിയിട്ടിരുന്ന കാർ കത്തിനശിച്ചു

അഞ്ചൽ: വഴിയരികിൽ നിർത്തിയിട്ടിരുന്ന കാർ കത്തിനശിച്ചു. ഞായറാഴ്ച വൈകീട്ട് 4.30ഓടെ അഞ്ചൽ പുനലൂർ പാതയിൽ അഗസ്ത്യക്കോട് കലുങ്ക് ജംഗ്ഷന് സമീപമാണ് സംഭവം. അഗസ്ത്യക്കോട് സ്വദേശിയായ സാംസൺ എന്നയാളുടേതാണ് കാർ. വഴിയരികിൽ ഒതുക്കിയിട്ടശേഷം സാംസൺ പുറത്തേക്ക് പോയതായിരുന്നു. കാറിൽ തീ ആളിപ്പടരുന്നത് കണ്ട് നാട്ടുകാർ ഓടിയെത്തി തീയണക്കാനുള്ള ശ്രമങ്ങൾ നടത്തി. വിവരമറിഞ്ഞ് പുനലൂർ നിന്നെത്തിയ ഫയർഫോഴ്സ് സംഘവും നാട്ടുകാരും ചേർന്നാണ് തീയണച്ചത്. കാർ പൂർണമായും കത്തിനശിച്ച നിലയിലാണ്. അഞ്ചൽ പൊലീസ് മേൽനടപടിയെടുത്തു.