അയൽവാസിയെ കൊലപ്പെടുത്താൻ ശ്രമിച്ച കേസിൽ 62കാരന് 10 വർഷം തടവ്

കൊ​ല്ലം: അ​യ​ൽ​വാ​സി​യാ​യ സ്ത്രീ​യെ വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ 62 കാ​ര​ന്​ 10 വ​ർ​ഷ​വും ഒ​മ്പ​തു​മാ​സ​വും ക​ഠി​ന​ത​ട​വും 50,000 രൂ​പ പി​ഴ​യും ശി​ക്ഷ​വി​ധി​ച്ചു. പ്ര​തി പേ​ര​യം വി​ല്ലേ​ജി​ൽ പ​ട​പ്പ​ക്ക​ര ക​രി​ക്കു​ഴി​യി​ൽ ഷീ​നി​വാ​സ് വീ​ട്ടി​ൽ യേ​ശു​ദാ​സ​നെ കോ​ട​തി കു​റ്റ​ക്കാ​ര​നെ​ന്ന്​ ക​ണ്ടെ​ത്തി കൊ​ല്ലം പ്രി​ൻ​സി​പ്പ​ൽ അ​സി. സെ​ഷ​ൻ​സ് ജ​ഡ്‌​ജ്‌ എം.​എ​സ്. ഉ​ണ്ണി​കൃ​ഷ്ണ​ൻ ശി​ക്ഷ വി​ധി​ച്ച​ത്. പി​ഴ അ​ട​ക്കാ​തി​രു​ന്നാ​ൽ ആ​റു​മാ​സം കൂ​ടി ത​ട​വ് അ​നു​ഭ​വി​ക്ക​ണ​മെ​ന്ന് കോ​ട​തി ഉ​ത്ത​ര​വി​ട്ടു. പി​ഴ അ​ട​ക്കു​ന്ന​പ​ക്ഷം അ​ത് പ​രി​ക്കേ​റ്റ ഷൈ​ല​ക്ക്​ ന​ൽ​കാ​നും കോ​ട​തി നി​ർ​ദേ​ശി​ച്ചു.

പ്ര​തി​യും മ​ക​ൻ ഷീ​നും ചേ​ർ​ന്നാ​ണ് ആ​ക്ര​മ​ണം ന​ട​ത്തി​യ​ത്. 2015 ഡി​സം​ബ​ർ 26നാ​ണ്​ മ​ത്സ്യ​ത്തൊ​ഴി​ലാ​ളി​യാ​യ ഷൈ​ല​യെ ക​ത്താ​ൾ കൊ​ണ്ട് വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ച്ച സം​ഭ​വം ന​ട​ന്ന​ത്. മു​ക്ക​ട മാ​ർ​ക്ക​റ്റി​ൽ മ​ത്സ്യ​വി​ൽ​പ​ന​യ്ക്കാ​യി പോ​കു​ന്ന​തി​ന്​ വീ​ട്ടി​ൽ​നി​ന്ന് ഇ​റ​ങ്ങി​യ ഷൈ​ല​യെ പ്ര​തി​ക​ൾ അ​വ​രു​ടെ വീ​ടി​നു മു​ന്നി​ൽ​വെ​ച്ച് ത​ട​ഞ്ഞു​നി​ർ​ത്തു​ക​യും ര​ണ്ടാം പ്ര​തി ഷീ​ൻ ക​ത്താ​ൾ​കൊ​ണ്ട് ത​ല​യി​ൽ വെ​ട്ടു​ക​യാ​യി​രു​ന്നു. തു​ട​ർ​ന്ന് ഒ​ന്നാം​പ്ര​തി യേ​ശു​ദാ​സ​ൻ മ​ക​ന്റെ കൈ​യി​ൽ​നി​ന്നും ക​ത്താ​ൾ പി​ടി​ച്ചു​വാ​ങ്ങി ഷൈ​ല​യു​ടെ ശ​രീ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ തു​രു​തു​രെ വെ​ട്ടു​ക​യാ​യി​രു​ന്നു.

ഷൈ​ല​യു​ടെ നി​ല​വി​ളി​കേ​ട്ട് ഭ​ർ​ത്താ​വും മ​ക​നും അ​യ​ൽ​വാ​സി​ക​ളും എ​ത്തി​യ​തോ​ടെ പ്ര​തി​ക​ൾ ര​ക്ഷ​പ്പെ​ട്ടു. ആ​ക്ര​മ​ണ​ത്തി​ൽ ഷൈ​ല​യു​ടെ ത​ല​യോ​ട്ടി പൊ​ട്ടി, കൈ, ​ത​ല, മു​തു​ക് എ​ന്നി​വി​ട​ങ്ങ​ളി​ൽ പ​തി​ന​ഞ്ചോ​ളം മു​റി​വു​ക​ൾ സം​ഭ​വി​ച്ചു.

ര​ണ്ടു​ദി​വ​സം മു​മ്പ് ന​ട​ന്ന കു​ടും​ബ​വ​ഴ​ക്കി​ന്റെ തു​ട​ർ​ച്ച​യാ​യാ​ണ് ആ​ക്ര​മ​ണം ന​ട​ന്ന​തെ​ന്ന് അ​ന്വേ​ഷ​ണ​ത്തി​ൽ ക​ണ്ടെ​ത്തി. പ്രോ​സി​ക്യൂ​ഷ​നു വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ​മാ​രാ​യ വി.​വി​നോ​ദ്, എ.​നി​യാ​സ് എ​ന്നി​വ​ർ ഹാ​ജ​രാ​യി.