എന്‍.കെ. പ്രേമചന്ദ്രന്‍റെ എം.പി ഫണ്ട്​ ഉപയോഗിച്ച് 11 വെൻറിലേറ്റർ നല്‍കി

കൊല്ലം: കോവിഡ് രോഗ ചികിത്സക്കായി എം.പിയുടെ പ്രാദേശിക വികസന ഫണ്ടില്‍ നിന്ന് അനുവദിച്ച തുക ഉപയോഗിച്ച് 11 വെൻറിലേറ്ററുകള്‍ വിവിധ ആശുപത്രികള്‍ക്ക് നല്‍കിയതായി എന്‍.കെ. പ്രേമചന്ദ്രന്‍ എം.പിയുടെ ഓഫിസില്‍നിന്ന് അറിയിച്ചു.

പാരിപ്പളളി മെഡിക്കല്‍ കോളജ് - അഞ്ച്, ജില്ല ആശുപത്രി - അഞ്ച്, കടയ്ക്കല്‍ ഗവ. ആശുപത്രി -ഒന്ന് എന്നീ ക്രമത്തിലാണ് വെൻറിലേറ്റർ നല്‍കിയത്.

കോവിഡ് പ്രതിരോധ പ്രവര്‍ത്തനത്തില്‍ ജില്ല ഭരണകൂടം ഭരണപരമായ കാലതാമസം ഒഴിവാക്കി യഥാസമയം നടപടി സ്വീകരിക്കാന്‍ തയാറാകണമെന്ന് എം.പി ആവശ്യപ്പെട്ടു.