ഗാന്ധിജിയുടെ കൊല്ലം സന്ദർശനം 97ാം വാർഷികം

കൊല്ലം: മഹാത്മ ഗാന്ധിയുടെ കൊല്ലം സന്ദർശനത്തിന്​ ശനിയാഴ്ച 97ാം വാർഷികം. നാലുതവണയാണ് ഗാന്ധിജി കൊല്ലത്തെത്തിയത്. 1925 മാർച്ച് 12 ന് ആദ്യ സന്ദർശനം. വൈക്കം സത്യഗ്രഹ വേദിയിൽനിന്ന് ആലപ്പുഴ വഴി ബോട്ട് മാർഗമാണ് കൊല്ലത്തെത്തിയത്. 97ാം വാർഷികത്തിൽ കെ.പി.സി.സി വിചാർ വിഭാഗ് ഗാന്ധി സ്മൃതി സെമിനാർ നടത്തും. രാവിലെ 10 ന് ഡി.സി.സി കോൺഫറൻസ് ഹാളിൽ ഡി.സി.സി പ്രസിഡന്‍റ് പി. രാജേന്ദ്രപ്രസാദ് ഉദ്ഘാടനം ചെയ്യും. വിചാർ വിഭാഗ് ജില്ല ചെയർമാൻ ജി.ആർ. കൃഷ്ണകുമാർ അധ്യക്ഷതവഹിക്കും.